بحرین: بحرین فارمولا ون ٹیسٹنگ ریس میں جرمن ڈرائیور تیز ترین قرار پائے۔بحرین میں فارمولا ون کی ٹیسٹنگ ریس ہوئی۔ دنیا بھر سے ڈرائیورز نے ریس میں جیت کے لیے خوب زور لگایا۔ جرمن ڈرائیور نائیکو ہلکنبرگ نے مقررہ فاصلہ 1 منٹ 36 اعشاریہ 8 سیکنڈ میں طے کر کے پہلی پوزیشن اپنے نام کی۔ اسپینش فرنینڈو آلانسودوسری، برطانوی ڈرائیور لیوئس ہملٹن تیسری پوزیشن کے حقدار ٹھہرے۔ عالمی چیمپئن سباستین ویٹل پانچویں نمبر پر رہے۔

لاہور: ایشیاءکپ کیلئے پاکستان کرکٹ ٹیم کی تیاریاں آخری مراحل میں داخل ہوگئیں، بنگلہ دیش میں ہونیوالے ایونٹ میں شرکت کیلئے کھلاڑی 22 فروری کو ڈھاکا روانہ ہوں گے۔25 فروری سے شروع ہونے والے ایونٹ میں اعزاز کے دفاع کا چیلنج درپیش شاہینوں کو، ٹائٹل کیلئے زبردست جنگ ہوگی، کیوں کہ سری لنکا اور بھارت کے ساتھ ساتھ بنگال ٹائیگرز بھی بھی کوئی دھماکا خیز پرفارمنس پیش کرسکتے ہیں۔ان سب عوامل کو دیکھتے ہوئے پاکستان ٹیم کو احساس ہے کہ بڑے ایونٹ کیلئے بڑی تیاریاں بھی کرنا ہوں گی، کیمپ میں کھلاڑیوں کو رہنمائی کیلئے کوچنگ اسٹاف میں شامل سابق پلیئرز نے خوب محنت کرائی ہے۔ایشیاءکپ کے پہلے میچ میں پاکستان کا مقابلہ سری لنکا سے ہوگا جبکہ ایونٹ کا فائنل 8 مارچ کو کھیلا جائے گا۔

لاہور: قومی سلیکشن کمیٹی نے سینٹرل کنٹریکٹ کیلئے22 کھلاڑیوں کے نام پی سی بی کو بھیجوا دئیے۔پی سی بی چیئرمین نجم سیٹھی کی منظوری کے بعد اے بی سی کیٹگری کے تحت سینٹرل کنٹریکٹ کھلاڑیوں کو دیا جائے گا۔ ذوالفقاربابر، بلاول بھٹی اور شرجیل خان پہلی مرتبہ سینٹرل کنٹریکٹ کا حصہ ہوں گئے، کپتان مصباح الحق، یونس خان،شاہد آفریدی، محمد حفیظ اور سعید اجمل کو اے کیٹگری میں شامل کیا گیا ہے۔ کھلاڑیوں کے معاوضے میں20 فیصد اضافے کی بھی درخواست کی گئی ہے۔

کراچی: ماجد علی نے ٹاپ سیڈ حمزہ اکبرکو اپ سیٹ شکست دے کر چھٹی قومی جونیئراسنوکرچیمپیئن شپ کے فائنل کے لیے کوالیفائی کرلیا، فائنل میں ماجد علی کاحارث ندیم سے مقابلہ ہوگا۔ کراچی میں کھیلے جانے والے سیمی فائنل میں ایشین رنر اپ ماجد علی نے قومی سینیئرچیمپئن حمزہ اکبر کو ایک کے مقابلے میں پانچ فریم سے آوٹ کلاس کیا۔ ماجد نے تیسرے فریم میں 101 کا بریک بھی کھیلا۔ ماجد کی جیت کا اسکور اٹھتر تیرہ، ستاسی چھ، ایک سو ایک صفر، چونسٹھ اکتیس، ترپن چھیاسٹھ اوربانوے ایک رہا۔ دو سر ے سیمی فائنل میں سندھ چیمپئن حارث ندیم نے پنجاب کے محمد فہیم کو پانچ تین فریم سے شکست دی۔ اس سے پہلے کھیلے گئے کوارٹرفائنل میں حمزہ اکبرنے محمد رفیق کو ہرایا۔ ماجد علی نے عامر طارق کوچار ایک سے مات دی۔ حارث ندیم نے عبدالر حیم کو چار صفر سے آوٹ کلاس کیا۔ محمد فہیم نے نعمان اقبال کے خلاف چار دو سے فریم سے کامیابی حاصل کی۔