ٹوکیو، 10 اکتوبر 2013ء/کیوڈو جے بی این/ ایشیانیٹ پاکستان – –        انٹرپرائز کلاؤڈ پر ہجرت اپ ٹائم اور سروس سطحوں میں اضافے اور اخراجات میں کمی کرتی ہے – این ٹی ٹی (این وائی ایس ای: NTT) کے ڈیٹا، کلاؤڈ اور بین الاقوامی کمیونی کیشنز کاروبار این ٹی ٹی کمیونی کیشنز کارپوریشن (این ٹی ٹی کام) نے 10 اکتوبر کو اعلان کیا ہے کہ وہ جنوری 2013ء سے یاماہا موٹر کمپنی لمیٹڈ کو انتہائی سستے کلاؤڈ پلیٹ فارم فراہم کرے گا تاکہ وہ جاپان میں پیداوار، حصول، مصنوعاتی  تکمیل، انسانی وسائل اور مالیاتی عمل کے لیے ضروری سسٹمز چلا سکے۔ این ٹی ٹی کام ایک انتہائی طاقتور اور قابل اضافہ کلاؤڈ پلیٹ فارم بنانے کے لیے اپنی انٹرپرائز کلاؤڈ عالمی کلاؤڈ سروس اور آرک اسٹار یونیورسل ون عالمی نیٹ ورک سروس استعمال کرے گا۔ یاماہا موٹر کاروباری تسلسل کو استحکام بخشنے اور موجودہ منتشر سرورز، نیٹ ورکس اور دیگر آئی سی ٹی سسٹمز کو این ٹی ٹی کام کلاؤڈ سروسز پر یکجا کرنے کرکے آئی سی ٹی اخراجات کو کم کرنے کے لیے پلیٹ فارم کو استعمال کرے گا۔ یاماہا موٹر 2018ء تک جاپان میں تمام آئی سی ٹی سسٹمز کی ہجرت کا منصوبہ رکھتا ہے۔ سمندر پار آئی سی ٹی سسٹمز کو ایک موزوں  دورانیے میں منتقل کیا جائے گا۔ یاماہا موٹر کے اہم سسٹمز کوئی 700 سرورز پر مشتمل ہیں اور دنیا بھر میں ان کے گروپ اداروں کی رسائی میں رہتے ہیں۔ بیشتر سسٹمز ملکیت میں ہیں اور وسطی جاپان کے ٹوکائی ریجن میں واقع ماحولوں میں کام کرتے ہیں۔ جاپان کے زلزلوں اور دیگر قدرتی آفات کی زد میں ہونے کی وجہ سے ادارہ آفات کے خطرات کو کم کرنے اور کاروباری تسلسل کو بہتر بنانے کے لیے راہیں تلاش کر رہاتھا۔ این ٹی ٹی کام کو عالمی اسٹریٹجک شراکت دار کی حیثیت سے استعمال کرنے  کا فیصلہ این ٹی ٹی کام کے کلاؤڈ پلیٹ فارم کی لچکدار قابلیت اور طاقتور بیک اپ گنجائش، اور ساتھ ساتھ ان مقامات پر کثیر تعداد میں ڈیٹاسینٹرز کی موجودگی کی وجہ سے کیا گیا، جہاں قدرتی آفات کا خطرہ کم ہے۔ علاوہ، اختتامی صارفین سے قربت کارکردگی اور ان سسٹمز کی جواب دینے کی صلاحیت کو بڑھاتی ہے۔ یاماہا موٹر 30 ممالک/خطوں میں 140 گروپ کمپنیاں چلاتا ہے اور اپنی فروخت کا تقریباً 90 فیصد بیرون ملک سے تخلیق کرتا ہے۔ کئی ممالک میں مختلف آئی سی ٹی سسٹمز چلنے کی وجہ سے سسٹم سیکورٹی اور دستیابی کی سطح بڑے پیمانے پر مختلف ہوتی ہے۔ مزید برآں ان ملکیتی اثاثہ جات کے اخراجات بالکل مقررہ ہیں۔ البتہ این ٹی ٹی کام کی مدد سے یاماہا موٹر اپنے آئی سی ٹی سسٹمز کو کلاؤڈ پر منتقل کردے گا اور بیشتر آئی سی ٹی وسائل کا صرف ضرورت کی بنیاد پر استعمال کرے گا۔ کئی آئی سی ٹی اخراجات، بشمول سرور اور نیٹ ورک مرمت اور سسٹم مانیٹرنگ، متغیر اخراجات کے حامل ہو جائیں گے اور یوں بڑی بچت کی راہ ہموار ہوگی۔ آگے بڑھتے ہوئے این ٹی ٹی کام کلاؤڈ پر منتقلی سے کہیں آگے جیسا کہ عالمی طور پر

حیدرآباد: متحدہ قو می موومنٹ حیدرآباد زون کے زونل انچارج نو ید شمسی واراکین زونل کمیٹی نے قومی اسمبلی میں اپوزیشن لیڈر خورشید شاہ کے بیان پر اظہارِ افسوس کرتے ہوئے کہاکہ جس قوم نے پاکستان کے قیام کی خاطر 20 لاکھ سے زائد جانوں کا نذرانہ پیش کیا اور 66 سالوں سے مسلسل قربانیاں دے رہی ہے اور اس کے باوجود بھی اپنے بنیادی جائز حقوق سے محر وم ہے۔ انھوںنے کہا کہ خورشید شاہ صرف لفاظی نہ کریںان کی پارٹی آج بھی سندھ میں اقتدار میں ہے لہذا وہ عوام کو بتائیںکہ” تقسیم کرو اور حکومت کرو“ کی سوچ کے تحت سندھ میں رائج کیا گیا کوٹہ سسٹم عملاً کب ختم کر رہے ہیں ، حیدرآباد میں جنرل یونیورسٹی کا قیام کب عمل میں لا رہے ہیں، سندھ یونیورسٹی جامشورو ، مہران یونیورسٹی آف انجینیرنگ اینڈ ٹیکنالوجی جامشورو ، لیاقت یونیورسٹی آف ہیلتھ سائنسس جامشورو ، محکمہ ایچ ڈی اے ، پولیس ، ریوینیو،ایکسائز اینڈ ٹیکسیشن ،اریگیشن ، ایگریکلچر ، ورکس اینڈ سروسز ،اطلاعات ، ایجوکیشن ودیگر محکموںمیں مہاجروں کو جگہ دی گئی ہے، اگر سب سندھی ہیں اور کوئی مہاجر نہیں توپھر حلقہ بندیوں کے عمل سے مہا جر عوام کو مزید دیوار سے لگانے کی سازشیں کیوں کی جا رہی ہیں ۔ انھوں نے کہا کہ خورشید شاہ کا بیان سندھ کی موجودہ نازک صورتحال میں جلتی پر تیل چھڑکنے کے مترادف ہے جس کے خطرناک نتائج ظاہر ہوسکتے ہیں ۔ تاریخ گواہ ہے کہ صرف الطاف حسین نے ہمیشہ اُردوبولنے والوں کو سندھ کے اُردو بولنے والے سندھی کے نام سے مخاطب کیاہے اور عملا ً سب کے حقوق کے لئے جدوجہد کر رہے ہیں۔

ٰٓٓجام شورو: شیخ الجامعہ سندھ جامشورو پروفیسر ڈاکٹر نذیر اے مغل نے کہا ہے کہ جب انسان اپنی سچائی پرآئے تو اکیلے ہی معاشرے میں انقلاب لاکر قوم کی تقدیر تبدیل کر سکتا ہے ، اساتذہ کی ذمہ داری صرف کلاسوں تک محدود نہیں ہے، ان کی معاشرے میں بھی الگ پہچان ہونی چاہئے۔ ان خیالات کا اظہار انھوں نے سندھ یونیورسٹی ٹیچرز ایسو سی ایشن کے زیر اہتمام جامعہ سندھ شہید بے نظیر بھٹو کنونشن سینٹرمیںا ساتذہ کے دن کے حوالے سے منعقدہ ایک تقریب سے خطا ب کرتے ہوئے کیا۔ انھوں کہا کہ اساتذہ ان کی کو خدمت کے عوض خراج تحسین پیش کرنا چاہیے کیونکہ وہ اداروں کے محافظ ہونے کے ساتھ ساتھ نوجوانوں کو رہنمائی کا کام کرتے ہیں۔ انھوں نے کہا کہ میں محنت کرنے والے اور تدریس کے شعبے سے وابستہ تمام اساتذہ کو سلام پیش کرتا ہوں اور امید کرتا ہوں کہ وہ سچائی سے ذمہ داری سمجھ کر نوجوان نسل اور معاشرے کی ترقی میں اپنا کردار کریں گے۔ڈاکٹر نذیر اے مغل نے مزید کہا کہ امریکا میں جامعہ سندھ کے گریجوئٹس اپنے اپنے شعبوں میں سب سے زیادہ قابل ہیں اور محنت کے ذریعے انھوں نے جامعہ سندھ، سندھ اور ملک کا نام روشن کیا ہے۔ تقریب کو خطاب کرتے ہوئے سوٹا کے قائم مقام صدر اصغر برفت، جنرل سیکریٹری ڈاکٹر اظہر شاہ اور پروفیسر عبداللہ دایو نے کہا کہ استاد ہونا آسان بات نہیں ہے کیونکہ اساتذہ کا مقصد صرف پڑھانا نہیں لیکن بچوں کو زندگی گذارنے کا سلیقہ بھی سکھانا ہے۔ تقریب کے دوران سندھ یونیورسٹی میںبہترین کارکردگی دکھانے والے سینئر وجونیئر اساتذہ کو بیسٹ ٹیچر سرٹیفکیٹ بھی دیئے گئے، جن میں سعید منگی، احمد علی بروہی، طفیل چانڈیو، مس نجمہ، عبیدالرحمان مغل، ہدایت اللہ مہیسر، عظیم احمد بھٹی، عظمی شاہ، سائمہ جعفری، شعبان سہتو، حمیرا ہکڑو، نذیر احمد بروہی، پارس بلوچ، ربیلہ ابڑو،شبانہ کوثر، حمیدہ کلہوڑو،پارس چنڑ و دیگر شامل ہیں۔ تقریب کے آخر میں محفل موسیقی منعقد کی گئی جس میں استاد امیر علی، الغوزو نواز مٹھو مل، نایاب بھٹی، شاکر عباس سمراٹ، نعمت خلجی و دیگر نے اپنے فن کا مظاہرہ کیا۔