آکلینڈ:نیوزی لینڈ کی ڈومیسٹک ٹی ٹوئنٹی میں کینٹربری نے اوٹاگو کو69رنز سے شکست دے دی۔ کینٹربری نے پہلے کھیلتے ہوئے نیوزی لینڈ ڈومیسٹک کادوسرا بڑا اسکور211رنز ایک وکٹ کے نقصان پر بنالیا۔کینٹربری کے دونوں اوپنروں نیل بروم اور رونی ہیرا نے114رنز کی شراکت قائم کی۔ رونی ہیرا 42رنز بناکرآﺅٹ ہوئے نیل بروم نے 59گیندوں میں96رنز بنائے جبکہ ہینری نیکولس نے گیندوں کا سامناکرکے61رنز بنائے۔ اوٹاگوکی ٹیم جیسی رائیڈر کے بغیرکھیل رہی تھی اور18ویں اوور میں 142رنز بناکر آﺅٹ ہوگئی۔

میلبورن:ویسٹ انڈیز کرکٹ ٹیم کے سابق کپتان برائن لارا نے کہا ہے کہ روہیت شرما کاون ڈے کرکٹ میں سب سے بڑی انفرادی اننگزکھیلنے کا ریکارڑ توڑنا بہت مشکل ہے۔ روہیت شرما نے سری لنکا خلاف میچ میں 264رنز بناکر ریکارڑ قائم کیا تھا، اسے قبل یہ ریکارڑ219رنز کے ساتھ وریندر وسہواگ کے پاس تھا۔ برائن لارا جوکہ ٹیسٹ اور ڈومیسٹک کرکٹ میں سب سے لمبی اننگزکھیلنے کا ریکارڑ رکھتے ہیں،انھوں نے 400ناٹ آﺅٹ ٹیسٹ اور 501ناٹ آﺅٹ دومیسٹک کرکٹ میں بنائے ہیں۔ لارا کاروہیت شرما کے ریکارڑپر کہنا تھا کہ ہم سروی وی رچرڈ کے انگلینڈ کے خلاف189رنز کے ریکارڑ کو دیکھتے ہوئے جوان ہوئے تھے ،لیکن میں سمجھ رہاتھا کہ 200رنز کاریکارڑتوڑ اجاسکتاہے لیکن اب میں سمجھتاہوں کہ روہیت شرما کا ریکارڑ پہنچ سے دورہے،لاراکا مانناہے کہ یہ اننگز لاجواب تھی۔ انھوں نے کہا کہ جب روہیت شرما نے 200رنز بنائے تو میں سوچ رہاتھا کہ اس آدمی نے دو دفعہ ڈبل سنچری بنائی لیکن مجھے معلوم نہیں تھاکہ یہ ایسا کارنامہ انجام دینے جارہے جو ناممکن نظر آرہاہو۔لارا کا کہناتھا کہ لوگ مجھ سے پوچھتے ہیں کہ کیا4سو رنز کاریکارڑتوڑا جاسکتاہے تومیراخیال ہے کہ یہ صرف ٹی ٹوئنٹی کی وجہ سے ممکن ہوہے،اگر کرس گیل اور ویرات کوہلی جیسے بیٹسمین کو دو دن مل گئے اور یہ اپنے انداز میں بیٹنگ کرتے رہے تو یہ ممکن ہے۔برائن لارا کا کہناتھا کہ میرا خیال ہے کہ ٹی ٹوئنٹی نے لوگوں کا اعتمادبحال کیا ہے اسی لیے وہ 2سو اور اڑھائی سو کا ہندسہ باآسانی عبور کرلیتے ہیں جبکہ بیٹسمین اور ٹیمیں اب اس سے بھی آگے نظررکھتے ہیں۔

میلبورن; جنوبی افریقا کے لیگ اسپنر عمران طاہر کی آسٹریلیا کے خلاف چوتھے ون ڈے میں شرکت مشکوک ہوگئی ہے۔ جنوبی افریقی کپتان اے بی ڈی ولیئرز کاکہنا ہے کہ عمران طاہر کے گھٹنے میںزخم ہیں جس کے باعث وہ تیسرے ون ڈے میں بیٹنگ کرنے بھی نہیں آئے تھے۔ ڈی ولیئرز کا کہناتھا کہ میرے خیال میں ان کی چوٹ معمولی نوعیت کی ہے ہم میچ سے قبل اس کا جائزہ لیں گے اور حتمی فیصلہ کریں گے۔ جنوبی افریقا پہلے ہی جے پی ڈومینی کے بغیر کھیل رہاہے جس کے باعث اسپین بولنگ میں انھیں کمی محسوس ہورہی ہے، ڈی ولیئرز کا کہنا تھا کہ اگر ڈومینی اس وقت ہمارے ساتھ ہوتے تو ہماری ٹیم کی کارکردگی میں نمایاں فرق نظرآتاکیونکہ مڈل آڈر میں ان کا انداز بہترین ہے اور مجھے امید ہے کہ وہ جلد صحت یاب ہوکر ٹیم میں واپس آئیںگے۔ سیریز میں آسٹریلیا کو2-1کی برتری حاصل ہے، تیسرے میچ میں آسٹریلیا نے جنوبی افریقا کو73رنز سے ہرایا تھا۔ چوتھا ون ڈے آج 21نومبر کو میلبورن میں کھیلا جائے گا۔

پیرس: فرنچ فارمولاون ڈرائیور جولیس بیانچی طویل کش مکش کے بعد قومے سے باہر آگئے ہیں۔جولیس بیانچی کے خاندان کا کہنا ہے کہ وہ قو مے سے نکل آئے ہیں اور آرام سے سانس لے رہے ہیں۔25سالہ بیانچی روا ںسیزن میں 5اکتوبر کوجاپان گراں پری ریس میں خطرناک حادثے کا شکار ہوگئے تھے جس کے بعد انھیںجاپان کے مقامی اسپتال کے انتہائی نگہداشت یونٹ میں پہنچایاگیا تھا تاہم جلد ہی انھیں فرانس منتقل کردیا گیاتھا۔بیانچی کے خاندان کا کہناہے کہ جولیس اب مصنوعی سانس لینے کے عمل سے باہر آگئے ہیںاور سانس لینے میں کوئی دشواری نہیں ہورہی اور ان کی حالت پہلے سے بہترہے تاہم ابھی بھی بے ہوش ہیں، ان کاکہنا ہے کہ بیانچی کے ذہنی علاج کا نیامرحلہ شروع ہواہے۔