ؒلاہور(پی پی آئی) چین کے قونصل جنرل ژاؤ شیرین نے کہا ہے کہ سی پیک پاکستان کی معاشی مشکلات کو کم کرنے کے ساتھ ساتھ خطے کے دیگر ممالک کیلئے بھی گیم چینجز ثابت ہوگا،سی پیک کا پہلا مرحلہ کامیابی سے مکمل ہونے کے بعد دوسرے مرحلے پر بھی تیزی سے کام جاری ہے۔بدھ کے روز لاہور میں سینئر صحافیوں کے اعزاز میں دئیے گئے ظہرانے کے دوران ”اے پی پی ”سے خصوصی گفتگو کرتے ہوئے چائینز قونصل جنرل نے کہا کہ پاک چین تعلقات وقت کے ساتھ مزید مضبوط ہورہے ہیں اور چین پاکستان کی ترقی، سلامتی، خوشحالی اور معاشی استحکام سمیت ہر قسم کا تعاون جاری رکھے گا۔قونصل جنرل نے کہا کہ چین اور پاکستان کے درمیان کئی دہائیوں پر مبنی تعلقات ہیں جو آئندہ نسلوں کو منتقل ہو رہے ہیں، دونوں ممالک کے درمیان تعلیمی، ثقافتی،تحقیقی اور کاروباری شعبوں کا فروغ وقت کی اہم ضرورت ہے۔انہوں نے کہا کہ دونوں ممالک کے درمیان بہترین تعلقات اس بات کے ضامن ہیں کہ آنے والے وقت میں ان کے مثبت نتائج برآمد ہوں گے۔قونصل جنرل نے کہا کہ سی پیک نے دونوں ممالک کے درمیان باہمی تعلقات کو مزید متحرک اور مضبوط کیا ہے،چین کی پاکستان میں سرمایہ کاری سے پاکستانی صنعتوں کو استحکام مل رہا ہے اور اس کی برآمدات میں بھی اضافہ ہو رہا ہے۔ انہوں نے کہا کہ سی پیک پر اس وقت تک 25ارب ڈالر سے زائد کی سرمایہ کاری ہو چکی ہے۔ ان کا کہنا تھا چین نے ہمیشہ پاکستان کے ساتھ کسی بھی غرض کے بغیر باہمی تعلقات کو فروغ دینے کے لیے ترجیحی طور پر اپنا کردار ادا کیا ہے۔انہوں نے امید ظاہر کی کہ دونوں ممالک اور ان کے عوام باہمی تعلقات کو مزید مستحکم کرنے کے خواہشمند ہیں تا کہ اس کے ثمرات دونوں ممالک کی عوام تک براہ راست پہنچ سکیں۔ظہرانے میں سینئر صحافی جاوید فاروقی، الفت مغل، عاصم نذیر بھٹی اورپاک چین امور کے ماہر محمد ضمیر اسد ی سمیت چینی سفارتخانے کے افسران نے شرکت کی۔
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
واٹمور بہتر کارکردگی دکھانے میں ناکام رہے : چوہدری ذکاءاشرف
بوم بوم شاہد آفریدی نے عمران طاہر کو آوٹ کرکے بدلہ لے لیا
مصباح رواں سال ہزار رنز بنانے والے پہلے پاکستانی کرکٹربن گئے
پیرس ماسٹرز : رافیل نڈال اور روجر فیڈرر سیمی فائنل میں آمنے سامنے
تلہار: رائس ملز ما لکان کی جانب سے دھان کی سر کاری قیمت مسترد
تازہ ترین خبریں
- April 23, 2026
اشتہار
تازہ ترین
نیب قانون کے ذریعے سیاسی انتقام کاسلسلہ ختم ہوناچاہیے: چیف جسٹس
ؒؒاسلام آباد(پی پی آئی)چیف جسٹس پاکستان عمر عطا بندیال نے نیب ترامیم کیس میں ریمارکس دیے کہ نیب قانون کے ذریعے سیاسی انتقام کاسلسلہ ختم ہونا چاہیے۔ سپریم کورٹ میں چیف جسٹس پاکستان عمر عطا بندیال کی سربراہی میں جسٹس اعجازالاحسن اور جسٹس منصور علی شاہ پر مشتمل تین رکنی بینچ نے نیب ترامیم کیخلاف چیئرمین پی ٹی آئی کی درخواست پر سماعت کی۔کیس کی سماعت کے سلسلے میں حکومت کی جانب سے اٹارنی جنرل منصور اعوان عدالت میں پیش ہوئے۔ ضرورپڑھیں:سائفر کیس، عمران خان کے ریمانڈ میں 14 روز کی توسیعدوران سماعت چیف جسٹس نے کہا کہ نیب نے 50 کروڑ سے کم کرپشن کے مقدمات واپس لے لیے،کس قانون کے تحت یہ تفریق بنائی گئی ہے؟ اس پر وکیل مخدوم علی خان نے کہا کہ پاکستان میں احتساب کے نظام کا محافظ نیب ہے۔ اس پر جسٹس منصور علی شاہ نے کہا کہ احتساب کے قوانین میں سب سے سخت قانون نیب کا ہی ہے، نیب کے دائرے سے نکلنے والیکسی اورقانون کے تحت احتساب کے عمل میں شامل ہوں گے، کیا 50 کروڑ کی حد اس لیے مقررکی گئی کہ بڑی مچھلی کو پکڑا جائے؟ کیا 50 کروڑ سے کم کی کرپشن کرنے والوں کی عزت افزائی کی جارہی ہے؟ چیف جسٹس نے کہا کہ نیب ٹرائل کی رفتاربہت سست ہوتی ہے، نیب ترامیم 2022 میں انکوائری کے وقت ملزم کی گرفتاری کو نکالا گیا، جولائی2023 میں نیب قانون میں دوبارہ انکوائری سطح پرگرفتاری کوشامل کیا گیا، نیب کیسز میں انکوائری کی سطح پرگرفتاری کے نقص کونکال کردوبارہ شامل کیا گیا، انکوائری سطح پرگرفتاری نیب کی گرفت اور سیاستدانوں کیگردگھیرا تنگ کرنے کے لیے کی گئی۔ جسٹس عمر عطا بندیال نے کہا کہ نیب قانون کے ذریعے سیاسی انتقام کاسلسلہ ختم ہوناچاہیے۔
پاکستان مہنگائی سے متاثرہ ممالک میں 18 ویں نمبر پر پہنچ گیا
ؒؒاسلام آباد(پی پی آئی) مہنگائی سے سب سے زیادہ متاثر ہونے والے ممالک میں پاکستان 18 ویں نمبر پر پہنچ گیا۔ تفصیلات کے مطابق ٹریڈنگ اکنامکس کی جانب سے مہنگائی سے متاثر ہونے والے ممالک کی لسٹ جاری کی گئی ہے، لسٹ کے مطابق پاکستان سب سے زیادہ متاثر ہونے والے ممالک میں اٹھارویں نمبر پر ہے،اعداد و شمار کے مطابق پاکستان نائیجیریا اور لاؤس کو پیچھے چھوڑ کر مہنگائی سے سب سے زیادہ متاثرہ ممالک میں 18 ویں نمبر پر آگیا ہے۔ دوسری جانب ملک میں خوردنی تیل کی درآمدات میں ماہانہ بنیاد پر کمی ریکارڈ کی گئی،پام آئل 5.40فیصد اورسویابین آئل کی درآمدات میں6.82فیصد کی کمی ہوگئی، پاکستان بیورو برائے شماریات کی جانب سے جاری کردہ اعدادوشمار کیمطابق جولائی میں پام آئل کی درآمدات میں 5.40فیصد اورسویابین آئل کی درآمدات میں6.82فیصد کی کمی ریکارڈ کی گئی،اعدادوشمار کے مطابق جولائی 2023 میں 12575 میٹرک ٹن سویا بین آئل درآمد کیا گیا جس پر 14.595 ملین ڈالر کا زرمبادلہ صرف ہوا۔ گزشتہ سال جولائی میں 11000میٹرک ٹن سویا بین آئل درآمد کیاگیا تھا جس پر 15.809 ملین ڈالر کا زرمبادلہ صرف ہوا تھا۔ اسی طرح جولائی میں 277801 میٹرک ٹن پام آئل کی درآمد ریکارڈکی گئیں جس پر 278.93 ملین ڈالر کا زرمبادلہ صرف ہوا،گزشتہ سال جولائی میں 194081 میٹرک ٹن پام آئل درآمد کیاگیا جس پر 299.39 ملین ڈالر کا زرمبادلہ صرف ہوا تھا۔ واضح رہے کہ مالی سال کے پہلے مہینہ میں اشیائے خوراک کی درآمدات میں سالانہ بنیادوں پر 18.13 فیصد کی نمایاں کمی ریکارڈ کی گئی ہے۔
آئی ایم ایف معاہدوں میں مزید سبسڈیز دینے کی گنجائش نہیں: نگران وزیر خزانہ
ؒؒاسلام آباد(پی پی آئی) نگران وزیر خزانہ ڈاکٹر شمشاد اختر نے کہاہے کہ آئی ایم ایف معاہدوں میں مزید سبسڈیز دینے کی گنجائش نہیں۔کمیٹی اجلاس کے بعد میڈیا سے بات چیت کرتے ہوئے نگران وزیر خزانہ ڈاکٹر شمشاد اختر نے کہا کہ نگران حکومت کو ملک کے غریب عوام کا بھرپور احساس ہے، نگران حکومت غریب طبقے کو مزید مشکلات سے دو چار نہیں کر سکتی۔شمشاد اختر نے کہا کہ آئی ایم ایف سے معاہدے گزشتہ حکومتوں نے کیے، آئی ایم ایف کے معاہدوں میں سبسڈیز دینا پہلے سے طے شدہ ہے، معاہدوں میں مزید سبسڈیز دینے کی گنجائش نہیں۔نگران وزیر خانہ نے کہا کہ نگران حکومت معیشت کے استحکام کیلئے منصوبہ بندی کر رہی ہے، معیشت کی بہتری کیلئے مربوط حکمت عملی پر کام کر رہے ہیں۔انہوں نے کہا کہ معاشی استحکام کے لیے ایسے اقدامات کریں گے جن سے ڈالر کے مقابلے میں روپیہ کا ریٹ مستحکم ہو۔
تلاش کریں
خبریں

پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
پیرس: قومی ٹینس سٹار اعصام الحق قریشی پیرس ماسٹرز کے کوارٹر فائنل میں شکست کھاکر ایونٹ سے باہر ہوگئے ۔ اعصام الحق نے اپنے ڈچ ساتھی جولین روجر کے امریکا کے برائن برادرز کے خلاف ٹینس کورٹ میں اترے ۔پہلے سیٹ میں اعصام الحق جوڑی کو کامیابی حاصل ہوئی لیکن اولمپک گولڈ میڈلسٹ برائن برادرز نے کم بیک کرتے ہوئے اگلے دو سیٹ میں کامیابی حاصل کرتے ہوئے سیمی فائنل کے لئے کوالیفائی کرلیا ۔واضح رہے کہ ایونٹ کے کوارٹر فائنل میں شکست کے باوجود اعصام الحق نے مسلسل تیسرے سال اے ٹی پی فائنل ماسٹرز ٹینس چیمپئن شپ میں کوالیفائی کرنے کا اعزاز حاصل کیا ہے ۔قانون کے مطابق ہر سال ٹینس سیزن کے اختتام پر رینکنگ میں سنگل کھیلنے والے ٹاپ 8کھلاڑی اور جبکہ ڈبلز میں ٹاپ8ٹیمیں اے ٹی پی کے سب سے بڑے ایونٹ میں کھیلنے کے لئے کوالیفائی کرتی ہیں ۔

واٹمور بہتر کارکردگی دکھانے میں ناکام رہے : چوہدری ذکاءاشرف
کراچی: پاکستان کرکٹ بورڈ کے معطل چیئرمین ذکاءاشرف نے کہا ہے کہ قومی ٹیم کے کوچ ڈیو واٹمور اپنی بہتر کارکردگی دکھانے میں ناکام ہوچکے ہیں ۔ ذکاءاشرف نے ان خبروں کی سختی سے تردید کی کہ واٹمور کو انہوں نے ذاتی طور پر کوچ مقر رکیا تھا ۔ ذکاءاشرف کا کہنا تھا کہ واٹمور کو انہوں نے کرکٹ کمیٹی کے سفارشات پر ٹیم کا کوچ مقر ر کیا تھا اور اس کمیٹی میں انتخاب عالم اور ظہیر خان جیسے ماہر کھلاڑی موجود تھے ۔ ذکاءاشر ف نے یہ بھی کہا کہ واٹمور اپنی کارکردگی دکھانے میںمکمل طور پر ناکام رہے ہیں ۔پی سی بی کو چاہیئے کہ وہ کوچ کے ساتھ بیٹھ کر کارکردگی کے حوالے سے غور وفکر کرے ۔ واضح رہے کہ ذکاءاشرف کو رواں سال مئی میں اسلام آباد ہائیکورٹ نے پی سی بی کی چیئرمین شپ سے معطل کردیا تھا ۔اور پی سی بی میں دوبارہ االیکشن کرانے کاحکم دیا تھا ۔

بوم بوم شاہد آفریدی نے عمران طاہر کو آوٹ کرکے بدلہ لے لیا
دبئی: دوسرے ون ڈے میں بوم بوم شاہد آفریدی نے عمران طاہر کو آوٹ کرکے بدلہ لے لیا۔ دبئی میں کھیلے جانیو الے میں دوسرے ون ڈے میں جنوبی افریقہ کے لیگ اسپنرعمران طاہرشاہد آفریدی کی گیند پرعمراکمل کے ہاتھوں اسٹمپ ہوئے۔ جبکہ شارجہ میں کھیلے گئے پہلے ون ڈے میں عمران طاہر نے شاہد آفریدی کو اپنی جادو گری کا نشانہ بنایا تھا۔ عمران طاہر کی شارٹ پچ بال پر آفریدی چھکا مارنے کی خواہش میں باونڈر کے قریب دیوڈ ملر کوکیچ دے بیٹھے تھے۔

مصباح رواں سال ہزار رنز بنانے والے پہلے پاکستانی کرکٹربن گئے
دبئی: پاکستان کرکٹ ٹیم کے کپتان مصباح الحق کلینڈرائیرمیں ایک ہزاررنزمکمل کرنے والے دنیا کے تیسرے جبکہ پاکستان کے پہلے کھلاڑی بن گئے۔دبئی میں کھیلے گئے دوسرے ون ڈے میں قومی ٹیم کے قائد مصباح الحق نے جیسے ہی اپنے انفرادی اسکور میں چودہ رنز کا اضافہ کیا تو وہ کلینڈائیرمیں ایک ہزار رنز مکمل کرنے والے کھلاڑیوں کی فہرست میں شامل ہوگئے۔کلینڈائیر میں ایک ہزار چورانوے رنز کے ساتھ آسٹریلوی کپتان جارج بیلی پہلے نمبرپر ہیں۔ بھارت کے ویرات کوہلی کا فہرست میں دوسرا نمبر ہے جو ایک ہزار تینتیس رنز اسکور کرچکے ہیں جبکہ ایک ہزار سترہ رنز کے ساتھ مصباح الحق دنیا کے تیسرے کھلاڑی ہیں۔ مصباح الحق کو رواں سال ایک ہزاررنز مکمل کرنے والے پہلے پاکستانی کھلاڑی کا اعزاز بھی حاصل ہے۔

پیرس ماسٹرز : رافیل نڈال اور روجر فیڈرر سیمی فائنل میں آمنے سامنے
پیرس: سوئس ٹینس سٹار روجر فیڈرر کا پیرس ماسٹرز کے سیمی فائنل میں عالمی نمبر ایک سپینش سٹار رافیل نڈال سے سامنا ہوگا۔فرانس کے شہر پیرس میں جاری ماسٹرز ٹورنامنٹ کے کوارٹر فائنل مقابلے میں روجر فیڈرر کا مقابلہ ارجنٹائن کے یوآن مارٹن ڈیل پوٹرو سے ہوا ۔ فیڈرر نے ڈیل پوٹرو کو تین سیٹس میں 6-3,4-6اور6-3کے سکور سے شکست دیدی ۔ سیمی فائنل میں فیڈرر کا مقابلہ رافیل نڈال سے ہوگا ۔ اس سے قبل رافیل نڈال نے سوئس کے سٹینسلس وورینکا کو کوارٹر فائنل مقابلے میں 6-1اور6-4سے ہر ا کر سیمی فائنل کے لئے کوالیفائی کیا تھا۔روجر فیڈر ر اگر پیرس ماسٹرز کا ٹائٹل جیتنے میں کامیاب ہوگئے تو یہ ان کے کیریئر کا 22واں ٹائٹل ہوگا۔

تلہار: رائس ملز ما لکان کی جانب سے دھان کی سر کاری قیمت مسترد
تلہار: تلہار کے رائس ملز مالکان کی جانب سے دھان کی سرکاری قیمت کومستردکر دیا گیا ۔ سندھ کی حکومت کی جانب سے مقرر کر دھا ن کی قیمت کو تلہا ر کے رائس ملز مالکان نے مسترد کرتے ہوئے اپنی مرضی کی قیمتیں مقرر کر دی ہیں ، رائس ملز مالکا ن آباد گاروں سے دھام فی من 800روپے میں خرید تے ہیں جبکہ فی من تین کلو کی کٹوتی کی جاتی ہے ، دوسری جانب آباد گاروں کی جانب سے احتجاج کیا جا رہاہے کہ مل مالکان کی ہٹ دھرمی کی وجہ سے ان کا نقصان ہو رہا ہے ، آباد گاروں کا کہنا ہے کہ اگر سندھ حکومت نے دھان کی سر کاری قیمت 1200روپے مقرر کی تو آباد گار سخت احتجاج کریں گے ۔