اسلام آباد (پی پی آئی)چیف جسٹس پاکستان عمر عطابندیال نے کہا ہے کہ شکر گزار ہوں اللہ نے مجھ سے ملک اور انصاف کی خدمت لی۔پی پی آئی کے مطابق چیف جسٹس عمر عطا بندیال نے آخری کیس میں وکلا سے گفتگو کرتے ہوئے کہا کہ “گڈ ٹوسی یو آل مائی فرینڈز”۔چیف جسٹس نے کہا کہ کالا کوٹ پہن کر ہم خود کو بار کا حصہ سمجھتے ہیں، جسٹس ساحر علی کہا کرتے تھے کہ بار تو ہماری ماں ہے، ان شااللّٰہ بار روم میں ملیں گے۔انہوں نے کہا کہ میڈیا کے ساتھیوں کا بھی شکریہ جنہوں نے مجھے مستعد رکھا، میڈیا کی تنقید کو ویلکم کرتے ہیں، میڈیا فیصلوں پر تنقید ضرور کرے لیکن ججز پر نہ کرے۔چیف جسٹس پاکستان نے کہا کہ تنقید کے جواب میں ججز اپنا دفاع نہیں کر سکتے، جج پر تنقید سے پہلے یہ ضرور دیکھیں کہ سچ پر مبنی ہے یا قیاس آرائیوں پر، ججز پر تنقید جھوٹ کی بنیاد پر نہیں ہونی چاہیے۔چیف جسٹس عمر عطا بندیال کا یہ بھی کہنا تھا کہ اللّٰہ تعالیٰ کا شکر گزار ہوں جس نے مجھ سے ملک اور انصاف کی خدمت لی، اللّٰہ کے لیے اپنا فریضہ ادا کیا۔
ویلنگٹن :نیوزی لینڈ نے ویسٹ انڈیز کیخلاف سیریز دو صفر سے جیت لی
سابق عالمی چیمپئن سیباسٹین لوب کی ڈاکار ریلی کے شرکاءسے ملاقاتیں
پی جی اے گالف چیمپئن شپ:امریکا کے کرس کرک کی تیسرے راﺅنڈ میں برتری
کراچی :انٹراسکول تائی کوانڈو چیمپئین شپ کا انعقاد
ڈاکار ریلی کا ساتواں مرحلہ اسپین کے کارلوس سینز نے جیت لیا
آسٹریلین اوپن کا آغاز میں وینس ولیمزکو اپ سیٹ شکست کا سامنا
تازہ ترین خبریں
- April 25, 2026
- April 23, 2026
- April 22, 2026
- April 22, 2026
اشتہار
تازہ ترین
سابق صدر اور 6 سابق وزرائے اعظم کے نیب کیسز دوبارہ بحال
اسلام آباد(پی پی آئی) سپریم کورٹ کی جانب سے نیب ترامیم کو کالعدم قرار دیے جانے کے بعد عوامی عہدے رکھنے والی بہت سی شخصیات کے کیسز بحال ہوگئے ہیں، ان میں سابق صدر آصف علی زرداری، سابق وزیراعظم نواز شریف اور سابق وزیراعظم یوسف رضا گیلانی کے خلاف تمام ریفرنسز بھی شامل ہیں۔پی پی آئی کے مطابق سپریم کورٹ کی جانب سے نیب ترامیم کالعدم ہونے کے بعد سابق وزیراعظم نواز شریف، شہبازشریف، آصف زرداری اور یوسف رضا گیلانی کا توشہ خانہ کیس جبکہ آصف زرداری کیخلاف پنک ریزیڈنسی ریفرنس بھی بحال ہوگیا ہے۔سابق وزیراعظم شاہد خاقان عباسی کا ایل این جی کیس سپیشل جج سینٹرل سے احتساب عدالت کو واپس منتقل ہوگا۔اسی طرح سابق وزیراعظم شوکت عزیز، سابق وزیرخزانہ شوکت ترین کیخلاف مقدمات بھی دوبارہ کھل جائینگے۔سلیم مانڈوی والا کے خلاف کڈنی ہل ریفرنس اور سابق وزیرخزانہ اسحاق ڈار کے خلاف آمدن سے زائد اثاثہ جات ریفرنس بھی واپس احتساب عدالت کو منتقل ہوگا۔مراد علی شاہ کے خلاف نیب ریفرنس بھی واپس احتساب عدالت کو منتقل ہوگا۔سابق وزیراعظم راجہ پرویز اشرف کے خلاف رینٹل پاور کیسز بھی بحال ہوں گے۔لاہور کی احتساب عدالتوں میں متعدد کیسزبھی بحال ہوگئے ہیں، جن میں شہباز شریف اور حمزہ شہباز کے خلاف رمضان شوگر ملز ریفرنس، خواجہ سعد رفیق اور خواجہ سلمان رفیق کے خلاف پیرا گون ہاؤسنگ ریفرنس بھی بحال ہوگیا۔واضح رہے کہ چیف جسٹس پاکستان عمر عطا بندیال کی سربراہی میں 3 رکنی بنچ نے چیئرمین پاکستان تحریک انصاف کی نیب ترامیم کے خلاف درخواست منظور کرتے ہوئے نیب ترامیم کی 10 میں سے 9 شقوں کو کالعدم قرار دے دیا سپریم کورٹ نے اپنے فیصلے میں عوامی عہدوں پر موجود شخصیات کے خلاف کیسز بحال کر دیئے جبکہ نیب کو 50 کروڑ روپے سے کم مالیت کے کرپشن کیسز کی تحقیقات کی اجازت دے دی گئی ہے۔
سپریم کورٹ، پریکٹس اینڈ پروسیجر ایکٹ سماعت کیلئے مقرر
اسلام آباد (پی پی آئی)نامزد چیف جسٹس قاضی فائز عیسیٰ نے پہلا بڑا فیصلہ کرلیا،سپریم کورٹ، پریکٹس اینڈ پروسیجر ایکٹ سماعت کیلئے مقرر کردیا۔پی پی آئی کے مطابق سپریم کورٹ کا لارجر بنچ 18ستمبر کو کیس کی سماعت کرے گا،سپریم کورٹ کی جانب سے تمام فریقین کو نوٹسز جاری کردیئے گئے،رجسٹرار آفس کی جانب سے وفاقی حکومت، وزارت قانون،سیکرٹری قومی اسمبلی سمیت تمام فریقین کو نوٹسز جاری کئے گئے ہیں،نوٹسز میں کہا گیا ہے کہ سپریم کورٹ 18ستمبر کو سپریم کورٹ پریکٹس اینڈ پروسیجر ایکٹ کیخلاف ا?ئینی درخواستوں پر سماعت کرے گا۔واضح رہے کہ چیف جسٹس عمر عطا بندیال کی سربراہی میں 8رکنی لارجر بنچ نے حکم امتناع دیا تھا،جسٹس قاضی فائز عیسیٰ حلف اٹھانے کے بعد بنچ تشکیل دیں گے،پی پی آئی کے مطابق نامزد چیف جسٹس قاضی فائز عیسیٰ 17ستمبر کو عہدے کا حلف اٹھائیں گے،پریکٹس اینڈ پروسیجرل ایکٹ پر فل کورٹ بنانے کا بھی امکان ہے۔
سندھ کے آبادگاروں کو نہری پانی کی قلت، یوریا کھاد کی بلیک مارکیٹنگ اور نقلی ادویات کا سامنا
ٹنڈو محمد خان (پی پی آئی)سندھ آبادگار اتحاد نے پالیسی ساز اداروں پر واضح کیا ہے کہ اس وقت سندھ کے آبادگاروں کو نہری پانی کی قلت،بجلی اور پٹرولیم مصنوعات کی ہوشرباقیمتوں. یوریا کھاد کی بلیک مارکیٹنگ اور نقلی ادویات سمیت متعدد مسائل کا سامنا ہے. پھر یہ بھی کہ آبادگاروں کو ان کی تیارفصلوں کی مناسب قیمت نہیں دی جا رہی ہے جس کے باعث لاگتی اخراجات بھی بمشکل پورے ہو رہے ہیں۔سندھ آبادگار اتحاد کے سالانہ کنونشن میں جوٹنڈو سائنداد میں منعقد ہوا سندھ بھر کے آبادگاروں نے بڑی تعداد میں شرکت کی. آبادگار کنونشن سے زبیر تالپور،محمد انور کمبوہ،پیر اشفاق جان سرہندی،شریف نظامانی، محب خان مری، و دیگر نے خطاب کیا اور بتایا کہ سندھ میں چاول کی فصل پر ناجائز کٹوتی اور گنے کا مناسب ریٹ نہ دے کر آبادگاروں کا معاشی استحصال کیا جار ہا ہے۔کنونشن میں سندھ آباد گار اتحاد کے لئے پیر آغا عبدالرحمن جان سر ہندی کو سندھ کا نائب صدر،پیر ثاقب جان سرہندی کو سینٹرل ایگزیکٹو کمیٹی کا ممبر، نوید تالپور کو تحصیل ٹنڈو محمد خان کا صدر،اکبر قریشی کو جنرل سیکرٹری مقرر کیا گیا
تلاش کریں
خبریں
ویلنگٹن :نیوزی لینڈ نے ویسٹ انڈیز کیخلاف سیریز دو صفر سے جیت لی
ویلنگٹن: نیوزی لینڈ نے ویسٹ انڈیزکودوسر ے ٹی ٹوئنٹی میچ میں4وکٹوں سے شکست دیکرسیریزدوصفرسے جیت لی۔ویلنگٹن میں کھیلے گئے میچ میں ویسٹ انڈین ٹیم پہلے بیٹنگ کرتے ہوئے مقررہ اوورزمیں پانچ وکٹ پر159 رنزاسکورکرسکی۔ دنیش رام دین نے اکتیس گیندوں پر55رنزکی ناقابل شکست اننگزکھیلی۔ آندریفلیچر نے40 رنزبنائے۔ ایڈم ملنے نے دووکٹیں حاصل کیں۔ ہدف کے تعاقب میں نیوزی لینڈ کا آغازاچھا نہ رہا اور79 رنزپراس کے پانچ بیٹسمین پویلین لوٹ گئے لیکن لیوک رونچی کی برق رفتارنصف سنچری کی بدولت کیویزنے ہدف ایک اوورقبل چھ وکٹوں پرحاصل کرلیا۔ رونچی نے اٹھائیس گیندوں پر51رنزکی اننگزکھیلی۔ روس ٹیلرنے 39رنزبنائے۔ جیسن ہولڈر اورسنیل نرائن نے دودووکٹیں حاصل کیں۔
سابق عالمی چیمپئن سیباسٹین لوب کی ڈاکار ریلی کے شرکاءسے ملاقاتیں
بیونس آئرس: ارجنٹائن ڈاکار ریلی ریسٹ ڈے پر سیباسٹین لوب نے شرکاءسے ملاقات کی۔ورلڈ ڈاکار ریلی کے ریسٹ ڈے میں ڈرائیورز اور رائیڈرز سے ملاقات کرنے سابق عالمی چیمپئن سیباسٹین لوب ارجنٹائن پہنچ گئے۔ارجنٹائن کے صحراوں پر ڈاکار ریلی کے دلچسپ اور سنسنی خیز مقابلوں کا سلسلہ جاری ہے۔سابق ورلڈ کار ریلی چیمپئن نے ریلی میں شریک ڈرائیورز اور رائیڈرز سے ملاقات کی۔سپینش رائیڈر مارک کوما اور سابق ورلڈ چیمپئن کارلوس سینز نے سیباسٹین لوب کو خوش آمدید کہا۔موٹر بائیک ایونٹ میں سپینش رائیڈر مارک کوما کو 42منٹ اور17 سیکنڈ زکی مجموعی برتری حاصل ہے جبکہ کار ایونٹ میں نینی روما کا ٹاپ پوزیشن پر قبضہ برقرار ہے۔
پی جی اے گالف چیمپئن شپ:امریکا کے کرس کرک کی تیسرے راﺅنڈ میں برتری
ہوائی: ہوائی میں ہونیوالی پی جی اے گالف چیمپئن شپ کے تیسرے راونڈ میں امریکہ کے کرس کرک نے نمایاں برتری حاصل کر لی۔ہوائی میں جاری گالف چیمپئن شپ کے تیسرے راونڈ میں کھلاڑیوں نے شاندار پرفارمنسسز دکھائیں۔امریکہ کے کرس کیرک نے عمدہ کھیل کا مظاہرہ کرتے ہوئے اپنے ہم وطن حریف کھلاڑی ہیرس کو سنسنی خیز مقابلے کے بعد شکست دی۔کرس کیرک کو ہیرس کے خلاف ایک سٹروک کی برتری حاصل ہوئی۔امریکی گالفر اس سے پہلے گزشتہ سال نومبر میں پی جی اے ٹور ٹائٹل کا اعزاز حاصل کر چکے ہیں۔ایونٹ میں امریکہ ہی کے زیچ جونسن کی تیسری پوزیشن رہی۔
کراچی :انٹراسکول تائی کوانڈو چیمپئین شپ کا انعقاد
کراچی: کراچی میں تائی کوانڈو کھیل کو فروغ دینے کے لئے انٹر اسکول چیمپئن شپ کا انعقاد کیا گیا۔ ویمنز اسپورٹس کمپلیکس میں ہونے والی انٹر اسکول تائی کوانڈو چیمپئن شپ میں کراچی کے20اسکولوں کے بچوں نے شرکت کی۔ایونٹ میں تین سال سے پندرہ سال تک کے بچوں اور بچیوں کے درمیان مقابلے کرائے گئے۔چھوٹے بچے بے خوف خطر حریف کھلاڑیوں پر حملہ بھی کرتے اور خود کو محفوظ رکھنے کے لئے بچاو بھی کرتے رہے۔گرتے چوٹ بھی کھاتے لیکن مقابلہ جاری رکھتے۔بچوں کا اس موقع پر کہنا تھا کہ فٹ رہنے کے لئے تائی کوانڈو اچھا کھیل ہے۔ والدین بھی تائی کوانڈو میں اپنے بچوں کی دلچسپی سے محظوظ ہوئے۔اُن کا کہنا تھا کہ اس کھیل سے انہیں خود کا بچاو
ڈاکار ریلی کا ساتواں مرحلہ اسپین کے کارلوس سینز نے جیت لیا
بیونس آئرس: ارجنٹائن میں ہونے والی ڈاکار ریلی کا ساتواں مرحلہ اسپین کے کارلوس سینز نے جیت لیا۔ نینی روما کی مجموعی برتری برقرار ہے۔ ارجنٹائن کے گرد ونواح میں ہونے والی ریس کا ساتواں مرحلہ533کلو میٹر پر محیط تھا۔ایونٹ کے شرکا نے بولیویا میں ساتویں مرحلے کا اختتام کیا۔ اسپین کے کارلوس سینز نے تمام حریفوں کو پیچھے چھوڑتے ہوئے ریس اپنے نام کی۔ اسپینش ڈرائیور نے مقررہ فاصلہ چار گھنٹے43منٹ اور28 سیکنڈز میں سب سے پہلے طے کیا۔سینز کے ہم وطن نینی روما کو ستائیس گھنٹے کے ساتھ مجموعی برتری حاصل ہے۔ موٹربائیک ریس میں اسپین کے یوآن بریڈا فاتح رہے۔ مارک کوما مجموعی طور پر لیڈ کررہے ہیں۔ ریلی کا آٹھواں مرحلہ چلی میں ہوگا۔
آسٹریلین اوپن کا آغاز میں وینس ولیمزکو اپ سیٹ شکست کا سامنا
میلبورن: سال2014 کے پہلے گرینڈ سلم آسٹریلین اوپن ٹینس ٹورنامنٹ کا آغاز ہوگیا۔ سابق عالمی نمبر ایک امریکہ کی وینس ولیمز پہلے راونڈ میں اپ سیٹ شکست کے بعد ایونٹ سے باہر ہوگئیں۔ میلبورن میں شروع ہونے والے سال کے پہلے گرینڈ سلم میں دنیا کے بہترین کھلاڑی ایکشن میں ہیں۔ایونٹ کا آغاز پہلے بڑے اپ سیٹ کے ساتھ ہوگیا۔ امریکہ کی وینس ولیمز کو روسی کھلاڑی نے ابتدائی مرحلے میں شکست دے کر ایونٹ سے باہر کردیا۔ روس کی کیترینا ماکاروا نے ایک سیٹ کے خسارے میں جانے کے باوجود وینس ولیمز کو زیر کیا۔سات مرتبہ کی گرینڈ سلم ونر وینس کو دو چھ، چھ چار اور چھ چار کے اسکور کے ساتھ ناکامی کا سامنا کرنا پڑا۔ گزشتہ سال بھی آسٹریلین اوپن کے چوتھے راونڈ میں وینس کو روسی کھلاڑی نے مات دی تھی۔