کراچی: کراچی پریس کلب اور کراچی یونین آف جرنلسٹس کی جانب سے اتوار کو محفل نعت کا انعقاد کیا گیا جس میں صدیق اسماعیل، شفیق احمد، سعید ہاشمی اورحافظہ آمنہ ولی سمیت ملک کے معروف نعت خوانوں نے نبی کریﷺ کی شان میں ہدیہ عقیدت پیش کر کے قلوب کو گرمایا۔ محفل نعت میں صحافیوں کی بڑی تعداد موجود تھی جبکہ متعدد خواتین صحافی اور ان کے اہلخانہ نے محفل میں شرکت کی۔ محفل نعت کے حوالے سے شرکاءکا کہنا تھا کہ ایسے پروگرام کا انعقاد انتہائی خوش آئند ہے اور یہ سلسلہ جاری رہنا چاہیے۔ان کا کہنا تھا کراچی کے مشکل حالات میں ایسی روحانی محفل نے ہمیں سکون کی دولت سے نواز ا ہے، شرکاءنے منعقدہ محفل نعت کے حوالے سے کہاکہ عمومی طور پر پریس کلب میں مختلف پروگرام کا انعقاد ہوتا رہتا ہے لیکن اس انداز میں نعت خوانی کی محفل کا انعقاد پہلی بار ہوا ہے جو کہ بہت شاندار ہے۔ محفل کے اختتام پر نعت خوانوں کو پریس کلب کی جانب سے روایتی تحفے ،اجرک اور یادگاری شیلڈز سے بھی نوازا گیا۔

کراچی: پولیس اور بم ڈسپوزل اسکواڈ نے اتوار کو بروقت کارروائی کرتے ہوئے شہر کو بڑی تباہی سے بچا لیا، بلدیہ ٹاﺅن میں واقع پولیس ٹریننگ سینٹر کے قریب سے 100 کلو گرام وزنی بم برآمدکرلیا گیا۔ ایس پی بلدیہ ساجد ستوزئی نے بتایا کہ بم کو بوری میں ڈال کر رکھا گیا تھا۔ بم ڈسپوزل اسکواڈ نے پہلے 2 دھماکوں کے ذریعے بم کو ناکارہ بنانے کی کوشش کی تاہم کامیاب نہ ہوسکے جس کے بعدبم کے ساتھ لگی بیٹری کو ڈی فیوز کرکے بم کو ناکارہ بنادیا گیا۔ ۔ وزیراعلی سندھ سید قائم علی شاہ نے بارودی مواد ناکام بنانے والی ٹیم کوشاباشی یتے ہوئے کہاہے کہ بروقت کارروائی سے شہر بڑی تباہی سے بچ گیا ۔

میکسیکو سٹی: میکسیکو نے فٹ بال ورلڈ کپ کیلئے23 رکنی ٹیم کا اعلان کردیا۔رافیل کارکوئیز کو ٹیم کا کپتان مقرر کر دیا گیا ہے۔ ٹیم میں شامل 34سالہ ڈیفنڈر کارلوس کی شمولیت حیران کن ہے وہ مسلسل تیسرا ورلڈ کپ کھیلیں گے۔23 رکنی اسکواڈ میں مانچسٹریونائیٹڈ کلب کے فارورڈ ہاوئیر اور ویلاریئل کلب کے گیو وانی کو بھی شامل کیا گیا ہے۔ میکسیکن ٹیم کے کوچ میگوئیل نے کھلاڑیوں کے انتخاب کو درست قرار دیتے ہوئے ا ±مید ظاہر کی ہے کہ رافیل مارکوئیز کی کپتانی میں ٹیم اچھی کار کردگی کا مظاہرہ کرے گی۔ فٹبال ورلڈ کپ کا میلہ 12 جون سے برازیل میں سجے گا جہاں گروپ اے میں میکسیکو، کیمرون ، کروشیا اور میزبان برازیل آمنے سامنے ہوں گے۔

کراچی: سندھ انسٹیٹیوٹ آف یورولوجی اینڈ ٹرانسپلانٹیشن میں عبد الستار ایدھی کی صحت کے متعلق ایک پریس بریفنگ کا انعقاد کیا گیا۔ بریفنگ میں بتایا گیا کہ ایدھی صاحب ہفتے میں دو مرتبہ چیک اپ اور ڈایالیسس کے لئے آتے رہتے ہیں وہ ایس آئی یو ٹی یا کسی اور جگہ کے آئی سی یو میں داخل نہیں رہے۔ میڈیا سے خطاب کرتے ہوئے ممتازسماجی رہنما عبد الستار ایدھی نے بتایا کہ وہ بالکل ٹھیک ٹھاک ہیں اور اپنی معمول کی زندگی بسر کر رہے ہےں۔ انھوں نے بتایا کہ سوشل میڈیا میں ان کی صحت کے متعلق چلنے والی خبروں میں کوئی صداقت نہیں ہے۔ پریس بریفنگ میں ان کے ساتھ ان کے صاحبزادے فیصل ایدھی اور ایس آئی یو ٹی کے پروفیسر ادیب الحسن رضوی اور ڈاکٹر طاہر عزیز بھی شامل تھے۔ انھوںنے عوام سے اپیل کی کہ وہ ان بے بنیاد اور جھوٹی خبروں پر دھیان نہ دیں۔ڈاکٹر طاہر عزیز نے کہا کہ ایدھی صاحب ہسپتال میں داخل نہیں ہیں اور بالکل ٹھیک ہیں۔ اس موقع پر ڈاکٹر ادیب رضوی سے ایدھی صاحب کے گردوں کے ٹرانسپلانٹیشن کے متعلق پوچھا گیا تو انھوں نے کہا کہ ایدھی صاحب کی فیملی میں ٹشو میچنگ کا مسئلہ ہے اور انھوں نے مزید بتایا کہ اس صورت میں ایدھی صاحب بعد از مرگ گردوں کے عطیہ کے موزوں امیدوار ہیں۔پروفیسر رضوی نے بتایا کہ پوری دنیا کی طرح پاکستان میں بھی ہر سال گردوں اور جگر خراب ہونے کی وجہ سے اموات میں اضافہ ہو رہا ہے۔ غریب اور ضرورت مند انسانوں کی زندگیاں بچانے کے لئے مل کر کوشش کرنے کی ضرورت ہے تا کہ اعضاءعطیہ کرنے کے مقصد میں شامل ہو سکیں ۔ انھوں نے لوگوں سے زندگیا ں بچانے کے لئے بعد از مرگ اعضاءعطیہ کرنے کی اپیل کی۔

میرپورخاص: اہل سنت جماعت کے رہنماﺅں کی جانب سے میر پور خاص میں کالعدم تنظیم کے جھنڈے لگانے پر بے چینی کا اظہا ر کیا گیا۔ اہل سنت جماعت کے رہنماﺅں حافظ محمود احمد قادری ، حافظ محمد علی چستی ، شاکرعلی شاکر سمیت دیگر نے میرپورخاص پر یس کلب میں ایک ہنگامی پر یس کانفرنس سے خطاب کرتے ہوئے صحافیوں کو بتایا کہ گزشتہ دنوں مہاجر کالونی گراﺅنڈ میں ایک کالعدم تنظیم کی جانب سے انتظامیہ کی اجازت کے بغیر جلسہ کیا گیا اور شہر میں جگہ جگہ کالعدم تنظیم کے جھنڈے لگائے گئے تھے انہوں نے کہا کہ ہیر آباد چوک پر جلسہ کے موقع پر تنظیم نے اپنا جھنڈا لگایا ہوا ہے ،جس کی نشاندی ہم نے ایس ایس پی میرپورخاص سے ملاقات میں کی ہے، ایس ایس پی نے ہمیں یقین دہانی کرائی تھی کہ ہیر آبادچو ک سمیت دیگر جگہوں سے کالعدم تنظیم کے جھنڈے ہٹا دےے جائے گے، مگر کئی روز گزر جانے کے باوجود اب تک جھنڈے نہیں ہٹائے گئے، جس کی وجہ سے اہل سنت افراد میں بے چینی اور اشتعال پا یا جاتا ہے، انھوں نے مطالبہ کیا کہ اگر 24گھنٹے کے اند ر مذکورہ جگہوں سے اس تنظیم کے جھنڈے نہ اُتارے گئے تو ہم تمام جماعتوں کی مشاورت کے بعد اپنا آئندہ کا لائحہ عمل تیار کرےں گے جس کی تمام تر ذمہ داری انتظامیہ پر عائد ہوگئی۔