کندھ کوٹ(پی پی آئی) کندھ کوٹ میں راکٹ لانچر کا گولا پھٹنے سے دھماکا ہوگیا جس کے نتیجے میں بچوں اور خاتون سمیت 7 افراد جان کی بازی ہار گئے۔پی پی آئیکے مطابق پولیس کا کہنا ہے کہ کچے کے علاقے میں راکٹ لانچر کا گولا پھٹا جس کی وجہ سے دھماکا ہوگیا، دھماکے سے بچوں اور خاتون سمیت 7 افراد جاں بحق ہوئے ہیں جن کی لاشوں کو ہسپتال منتقل کردیا گیا ہے۔پولیس نے بتایا ہے کہ واقعہ گھوڑا گھٹ تھانہ کی حدود علی نواز سبزوئی میں پیش آیا جہاں اہلخانہ نامعلوم مقام سے ملنے والا گولہ کباڑ میں بیچنے کیلئے توڑ رہے تھے۔حادثے میں چار سے زائد افراد زخمی بھی ہوئے ہیں جن کی حالت تشویش ناک بتائی جا رہی ہے، گولا پھٹنے سے علاقے میں خوف و ہراس پھیل گیا۔کندھ کوٹ پولیس اور رینجرز نے موقع پر پہنچ کر علاقے کا محاصرہ کر لیا ہے۔
عالمی نمبرایک رافیل نڈال نے ریو اوپن میں شرکت کی تصدیق کردی
انٹرنیشنل ویمن اسکواش چیمپئن شپ کا 21فروری سے پاکستان میں آغاز
سلطان اذلان شاہ کپ میں شرکت سے فرانس کی معذرت ،چین شامل
ورلڈ انڈور ٹینس : اینڈی مرے اور ڈیل پوٹرو کا کوارٹر فائنل میں شکست
فٹبال کی عالمی رینکنگ، پاکستان کی 7 درجے ترقی، 165واں نمبر
پی سی بی کی موجودہ مینجمنٹ کمیٹی غیر آئینی ہے : عامر سہیل
تازہ ترین خبریں
- April 23, 2026
- April 22, 2026
اشتہار
تازہ ترین
نگران وزیراعظم اور نگران وزیراعلیٰ پنجاب 16اکتوبر کو لاہور ہائیکورٹ میں طلب
ؤلاہور(پی پی آئی)لاہور ہائیکورٹ نے سوشل میڈیا پر توہین آمیز مواد کی اشاعت کے کیس میں نگران وزیراعظم انوارالحق کاکڑ اور نگران وزیراعلیٰ پنجاب محسن نقوی کو 16اکتوبر کو پیش ہونے کا حکم دیدیا۔پی پی آئی کے مطابق لاہور ہائیکورٹ میں سوشل میڈیا پر توہین آمیز مواد کی اشاعت کے کیس کی سماعت ہوئی، جسٹس شجاعت علی خان وفاقی حکومت کی جانب سے رپورٹس جمع نہ کرانے پر برہم ہوگئے،عدالت نے کہاکہ 8ماہ سے وفاقی حکومت کی رپورٹ نہیں آئی، وکیل وفاقی حکومت نے کہاکہ ہم رپورٹس جمع کروا دیتے ہیں،عدالت نے کہاکہ آپ یہاں سیر کرنے آئے ہیں کیوں رپورٹ جمع نہیں ہوئی،عدالت نے کہاکہ یہ کیس آپ کا ہے نہ عدالت کا، یہ ہم سب کا کیس ہے۔جسٹس شجاعت علی خان کی جانب سے یہ ریمارکس بھی دیئے گئے پھر ہم ملک کے چیف ایگزیکٹو کو بلا لیتے ہیں،نگران وزیراعظم آکر خود جواب دیں،لگتا ہے کہ نگران وزیراعظم کے سامنے معاملہ رکھا ہی نہیں گیا،وکیل وفاقی حکومت نے کہاکہ ہمیں مزید مہلت دے دیں،عدالت نے کہاکہ آپ سنجیدہ ہوتے تو ہمیں کوئی رپورٹ ضرور جمع کراتے،عدالت نے 16اکتوبر کو نگران وزیراعظم کو پیش ہونے کا حکم دیدیا، عدالت نے نگران وزیراعلیٰ پنجاب محسن نقوی کو بھی پیش ہونے کا حکم دیدیا، عدالت نے کہا کہ ملک اور صوبے کے چیف ایگزیکٹو پیش ہوکر اپنا موقف واضح کریں، اگر وہ ذمہ داروں کیخلاف کارروائی نہیں کرنا چاہتے تو عدالت کو لکھ کر دیں۔
سائیکل بنانے والے معروف برانڈز کی3 قدیم پاکستانی فیکٹریاں بند
کراچی(پی پی آئی) موٹر سائیکلوں کی قیمتوں میں اضافے کے بعد سائیکلوں کے نرخ بھی آسمان سے باتیں کرنے لگے ہیں کیونکہ خراب معاشی صورتحال کے باعث مقامی طور پر سائیکل بنانے والے معروف برانڈز کی تین بڑی اور قدیم فیکٹریاں بند ہو چکی ہیں جس کے باعث اب زیادہ انحصار در آمدی سائیکلوں پر ہے، گزشتہ 15 ماہ کے دوران سائیکلوں کی قیمتیں ڈیڑھ سو فیصد تک بڑھی ہیں۔ماضی میں 9 ہزار روپے میں ملنے والی مقامی سائیکل اب گاڑی کھاتہ کی سائیکل مارکیٹ میں 20ہزار روپے میں دستیاب ہے۔اسی طرح10 ہزار میں ملنے والی در آمد شدہ سائیکل کی قیمت 24 ہزار روپے اور 18 ہزار والی سائیکل کی قیمت38 ہزار روپے تک پہنچ گئی ہے۔
پولیو سے بچاؤ کی قومی مہم 2 اکتوبر سے شروع ہو گی
کراچی(پی پی آئی) پولیو سے بچاؤ کی قومی مہم 2 سے 8 اکتوبر تک ملک بھر میں چلائی جائے گی۔پی پی آئی کے مطابق قومی انسداد پولیو مہم کے سو فیصد نتائج حاصل کرنے اورمستقبل کے معماروں کو ہمیشہ کی معذوری سے بچانے کیلئے متعلقہ افسران کو ہدایت کی گئی ہے کہ وہ انسداد پولیو مہم کے دوران کم کارکردگی والی یو سیز کی کارکردگی کو مزید بہتر بنائیں نیزپولیو کے قطرے نہ پلوانے والے والدین کو بھی آمادہ کریں تاکہ تمام بچے پولیوجیسے دائمی معذوری والے موذی مرض سے محفوظ رہ سکیں –
تلاش کریں
خبریں
ملک کے بیشتر علاقوں میں عمومی طور پر گرم اور خشک موسم متوقع
(June 15, 2026)
پاک-ترک وزرائے خارجہ کا علاقائی امن کی پیش رفت پر تبادلہ خیال
(June 14, 2026)
عالمی نمبرایک رافیل نڈال نے ریو اوپن میں شرکت کی تصدیق کردی
(February 17, 2014)
ریوڈی جنیرو: اسپین کے عالمی نمبر ایک ٹنیس کھلاڑی رافیل نڈال نے کمر کی انجری سے صحتیاب ہونے کے بعد آئندہ ہفتے برازیل میں شیڈول ریو اوپن ٹینس ٹورنامنٹ میں شرکت کی تصدیق کردی ۔ رافیل نڈال بدھ کو اے ٹی پی ٹور ایونٹ میں اپنا پہلا میچ کھیلیں گے ۔
انٹرنیشنل ویمن اسکواش چیمپئن شپ کا 21فروری سے پاکستان میں آغاز
(February 17, 2014)
راولپنڈی: انٹرنیشنل ویمن اسکواش چیمپئن شپ کا آئندہ ہفتے راولپنڈی میں انعقا د ہوگا ۔ چھ ممالک کی ویمن کھلاڑی پاک سرزمین پر مدمقابل ہوں گی جبکہ جیتنے والے کھلاڑی کیلئے چار ہزار ڈالر کا انعام رکھا گیا ہے ۔بحریہ ٹاﺅن کے وائس چیف ایگزیکٹیو کموڈور الیاس (ر) کے مطابق ٹورنامنٹ 21فروری سے سے شروع ہوگا ۔
سلطان اذلان شاہ کپ میں شرکت سے فرانس کی معذرت ،چین شامل
(February 17, 2014)
کوالالمپور: رواں برس مارچ میں شیڈول سلطان اذلان شاہ ہاکی کپ سے فرانس دستبردار ہوگیا ۔ فرانس کے انکار کے بعد چین کو ایونٹ میں شامل کرلیا گیا ۔ دیگر ٹیموں میں پاکستان ،ملائیشیا ،آسٹریلیا ،کینیڈا اورجنوبی کوریا شامل ہیں ۔ دوسری جانب جنوبی افریقا نے اپریل میں ہونے والے چیمپئنز چیلنج ون ہاکی ٹورنامنٹ میں شرکت سے معذرت کرلی ہے ۔
ورلڈ انڈور ٹینس : اینڈی مرے اور ڈیل پوٹرو کا کوارٹر فائنل میں شکست
(February 15, 2014)
روٹرڈیم: عالمی نمبر چھ برطانوی ٹینس اسٹار اینڈی مرے اور دفاعی چیمپئن جوآن مارٹن ڈیل پوٹرو اپ سیٹ شکست کے بعد ورلڈ انڈور ٹینس ایونٹ سے باہر ہو گئے۔ ہالینڈ کے شہر روٹر ڈیم میں ہونیوالے ٹینس ٹورنامنٹ کے کواٹر فائنلز میں دلچسپ مقابلے ہوئے۔ ومبلڈن چیمپئن برطانوی ٹینس سٹار اینڈی مرے کا سامنا کروشیا کے میرن سائیلک سے ہوا۔ کروشین حریف نے اسٹار پلیئر کو ایک گھنٹے اور گیارہ منٹ کے مقابلے کے بعد اپ سیٹ شکست دی۔ میرن سائیلک کو چھ تین اور چھ چار سے فتح حاصل ہوئی۔ دوسری جانب دفاعی چیمپئن ڈیل پورٹرو ارنیسٹ گلبس کے خلاف ان ایکشن ہوئے۔گلبس نے عالمی نمبر چار کو چھ تین، چھ چار سے زیر کر کے سیمی فائنل میں جگہ بنا لی۔
فٹبال کی عالمی رینکنگ، پاکستان کی 7 درجے ترقی، 165واں نمبر
(February 15, 2014)
زیورخ: فٹبال کی عالمی رینکنگ میں پاکستان 7 درجے ترقی کر کے 165 ویں نمبر پر آ گیا۔ فٹبال کی عالمی تنظیم فیفاکی طرف سے جاری رینکنگ کے مطابق پاکستان اب 165ویں نمبر پر پہنچ گیا۔ گزشتہ ماہ گرین شرٹس کا نمبر 172 واں تھا۔ ایشیائی زون میں پاکستان انہی سات پوائنٹس کی ترقی کے ساتھ36ویں نمبر پر آ گیا ہے۔ بنگلہ دیش کی 35 پوزیشن ہے جبکہ تین درجے پار کرنے والے نیپال کا 37 واں نمبر ہے۔ عالمی رینکنگ میں ورلڈ کپ چیمپئن اسپین کا پہلا نمبر ہے۔ جرمنی دوسرے اور ارجنٹائن تیسرے نمبر پر ہے۔
پی سی بی کی موجودہ مینجمنٹ کمیٹی غیر آئینی ہے : عامر سہیل
(February 15, 2014)
لاہور: قومی کرکٹ ٹیم کے سابق کپتان عامر سہیل نے نجم سیٹھی کی سربراہی میں قائم پی سی بی کی مینجمنٹ کمیٹی کو غیر آئینی قرار دیتے ہوئے کہا ہے کہ معزول چیئرمین ذکاءاشرف سمیت تحلیل ہونے والے گورننگ بورڈ کے ارکان اس اقدام کو جلد چیلنج کریں گے۔ خصوصی بات چیت کرتے ہوئے عامر سہیل نے کہا کہ انہیں معزول چیئرمین ذکاءاشرف نے چیف سلیکٹر اور گیمز اینڈ ڈیویلپمنٹ کے عہدوں پر تعینات کیا تھا۔نجم سیٹھی اینڈ کمپنی نے انہیں ان عہدوں سے ہٹانے کیلئے غلط بیانی سے کام لیا کہ ان کی تقرری کا نوٹیفکیشن ہی نہیں ہوا تھا۔ سابق کپتان نے کہا کہ وہ ان کے ساتھ کام کرنے کو ہی تیار نہیں تھے کیونکہ نجم سیٹھی کی سربراہی میں قائم مینجمنٹ کمیٹی غیر آئینی ہے۔ عامر سہیل کا کہنا تھا کہ ذکاءاشرف کو معزول کئے جانے کے اقدام کو پہلے ہی چیلنج کیا جاچکا ہے اور معزول چیئرمین اور گورننگ باڈی کے ارکان بھی اسے چیلنج کرنے کیلئے قانونی مشاورت کررہے ہیں۔