لاہور(پی پی آئی) اداکارہ ریما اور پروڈیوسر سخی سرور کے گھروں پر قبضہ کرنے کے الزام میں 7افراد کو گرفتار کر لیا گیا۔پی پی آئی کے مطابق گرفتار افراد میں 2خواتین بھی شامل ہیں جنہیں ڈی آئی جی آپریشنز اور ایس پی اقبال ٹا?ن کے حکم پر اقبال ٹا?ن پولیس کی طرف سے حراست میں لیا گیا ہے۔ رپورٹ کے مطابق ملزمان میں سے6 کی شناخت ارم، عبدالرحمن، مظہر، حسین، فہد اور مدثر کے ناموں سے ہوئی ہے۔ ایک خاتون کا نام سامنے نہیں آ سکا۔ گرفتار ملزمان مبینہ طور پر ڈکیتی، قتل، زمینوں پر قبضے اور ہوائی فائرنگ جیسی وارداتوں میں ملوث ہیں۔ان کے خلاف کئی پولیس تھانوں میں مقدمات درج ہیں۔ ملزمان کے قبضے سے اسلحہ بھی برآمد کیا گیا ہے۔
ورلڈ کپ میں انگلش ٹیم کے لیے اہم کردار اد کروں گا: معین علی
ٹی ٹوئنٹی کوالیفائر:نیدر لینڈ ،آئر لینڈ کو ہراکر سپر ٹین میں شامل
سندھ میں سی این جی لوڈ شیڈنگ کم ،پنجاب میں لاڈ شیڈنگ ختم کر نے کا فیصلہ
ناراض اولمپیئنز کا پی ایچ ایف کی حمایت احسن قدم ہے : سابق چیف سیلیکٹر
ٹی ٹوئنٹی ورلڈ کپ: نیپال نے افغانستان کو ہرا دیا
حیدرآباد بیڈمنٹن ایسو سی ایشن کے انتخابات
تازہ ترین خبریں
اشتہار
تازہ ترین
پاک سوزوکی سے گاڑیوں کی خریداری اور بے نامی ٹرانزیکشنز کرنے کے معاملے کی تحقیقات شروع
اسلام آباد (پی پی آئی) فیڈرل بورڈ آف ریونیو (ایف بی آر) جرائم پیشہ افراد اور نوسربازوں کی طرف سے ٹیکس دہندگان کے قومی شناختی کارڈز کو استعمال کرتے ہوئے پاک سوزوکی موٹرکمپنی لمیٹڈ سے گاڑیاں خریدنے اور بے نامی ٹرانزیکشنز کرنے کے معاملے کی تحقیقات کرے گا۔ ایف بی آر کو اس حوالے سے وفاقی ٹیکس محتسب کی طرف سے سخت احکامات جاری کیے گئے ہیں۔پی پی آئی کے مطابق وفاقی ٹیکس محتسب کی طرف سے ایف بی آر کو کہا گیا ہے کہ ٹیکس دہندگان کے قومی شناختی کارڈز کا غلط استعمال کرتے ہوئے ٹرانزیکشنز ہونا اور سوزوکی کمپنی سے گاڑیوں کی خریداری کی تحقیقات میں کوئی دقیقہ فروگزاشت نہیں ہونا چاہیے۔رپورٹ کے مطابق ایک شہری کی طرف سے وفاقی ٹیکس محتسب کو کمشنر (اپیل) سکھر کے خلاف شکایت درج کرائی گئی تھی۔شکایت میں 13فروری 2023ئکے ایک اپیلیٹ آرڈر کے بارے میں بتایا گیا ہے جس میں سوزوکی کمپنی کی 20گاڑیوں کی خریداری پر سال 2020اور 2021ا بالترتیب 40لاکھ 8ہزار 450روپے اور 54لاکھ 15ہزار 100روپے ٹیکس لاگو کیا گیا ہے۔ رپورٹ کے مطابق یہ تمام گاڑیاں شکایت درج کرانے والے شہری کے شناختی کارڈ پر جعلی طور پر خریدی گئی تھی۔
پی ٹی سی ایل گروپ کے لیے بہترین ادارہ برائے 2023‘ کا ایوارڈ
کراچی(پی پی آئی)پی ٹی سی ایل گروپ (پی ٹی سی ایل اور یوفون4G) نے ملازمین کی بہتری اوراپنی ملازمت کے حوالے سے اطمینان کے فروغ پر مرکوز اپنے مثالی ادارہ جاتی کلچر کی بدولت ’ٹیکنالوجی و ٹیلی کام کے شعبے میں ملازمت کے لیے بہترین ادارہ برائے سال 2023‘ کا ایوارڈ حاصل کرلیا ہے۔ پی پی آئی کے مطابق ایوارڈز کا انعقاد پاکستان سوسائٹی آف ہیومن ریسورس مینجمنٹ (پی ایس ایچ آر ایم) اور انگیج کنسلٹنگ نے کیا تھا۔ پی ٹی سی ایل اور یوفون 4G کے گروپ چیف پیپل آفیسر شعیب بیگ کا کہنا تھا، ”اس اعزاز کے حصول سے پی ٹی سی ایل گروپ کا مقام انڈسٹری میں مزید بلند اور مستحکم ہوا ہے۔ یہ ایوارڈز پاکستان میں کام کرنے والی بہترین کمپنیوں کا ایک معیار مقرر کرتا ہے۔ اس کے علاوہ یہ ایوارڈپی ٹی سی ایل گروپ کے مثبت ادارہ جاتی کلچر کے ساتھ ساتھ معاشرے کی بہتری کے لیے اس کے مسلسل عزم کا بھی ثبوت ہے۔
عالمی برادری خصوصا سلامتی کونسل اسرائیلی جارحیت بند کرائے:او آئی سی
ریاض(پی پی آئی) او آئی سی جنرل سیکرٹریٹ نے غزہ میں اسرائیلی فوج کی جارحیت کی مذمت کا اعادہ کیا ہے جس میں سینکڑوں فلسطینی شہید اور زخمی ہوچکے ہیں۔او آئی سی نے اسرائیل کو بین الاقوامی قراردادوں کو نظر انداز کرنے کا ذمہ دار ٹھہرایا ہے،او آئی سی نے عالمی برادری خصوصا اقوام متحدہ کی سلامتی کونسل سے اپیل کی کہ وہ اسرائیلی جارحیت بند کرائے۔فلسطینی عوام کو بین الاقوامی تحفظ فراہم کرنے اور اسرائیل کا غاصبانہ قبضہ ختم کرانے کے لیے ٹھوس کردار ادا کرے اور خود مختار فلسطینی ریاست کے قیام اور مشرقی القدس کو اس کا دارالحکومت بنانے کے سلسلے میں اقدامات کیے جائیں۔او آئی سی نے سلامتی کونسل سے کہا کہ وہ عرب امن فارمولے اور بین الاقوامی قرارداوں کے مطابق دو ریاستی حل کے تصور کی بنیاد پر جامع اورمنصفانہ امن قائم کرائے۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
(June 17, 2026)
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
(June 17, 2026)
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
(June 17, 2026)
ورلڈ کپ میں انگلش ٹیم کے لیے اہم کردار اد کروں گا: معین علی
(March 21, 2014)
ڈھاکا: پاکستانی نژاد انگلش اوپننگ بیٹسمین معین علی کاکہنا ہے وہ ٹی ٹوئنٹی ورلڈ کپ میں انگلینڈ کی جیت کے لیے اہم کر دار اداکریں گے۔ انگلینڈ اپنا پہلا میچ نیوزی لینڈ کے خلاف آج چٹا گانگ میں کھیل رہاہے۔ معین علی انگلینڈ کے ڈومیسٹک کرکٹ میں وارسسٹر شائر کی نمائندگی کر تے ہیں ، معین بیٹنگ کے علاوہ آف اسپن باﺅلنگ بھی مہارت سے کرتے ہیں، ڈومیسٹک میں بہترین کارکردگی کی بنیاد پر انھیں بنگلہ دیش میں بلا یا گیا ہے، انگلینڈ کی حالیہ فارم کو دیکھتے ہوئے کہا جا رہا ہے کہ انھیں اپنے گروپ میں مضبوط ٹیموں کا سامنا کر نا پڑے گا جہاں وہ مشکلات کا شکار ہو سکتے ہیں۔معین علی اس بارے میں مطمئن ہیں ان کا کہنا ہے کہ وہ انگلینڈ ٹیم کا حصہ ہونے پر خوش ہیں اور اپنا زیادہ تر وقت کوچ اور ساتھی کھلاڑیوں کے ساتھ گزارتے ہیں۔ ان کا مزید کہنا ہے کہ وہ انڈیاکے خلاف اپنی فارم سے خوش ہیں انھیں ہارنے پر ملال نہیں ہے کیونکہ وہ میدان میں مقابلہ کر کے ہارے ہیں ،انھوںنے کہا کہ وہ ٹاپ لیول کی کر کٹ میں زیادہ سے زیادہ وقت گزارنا چاہتے ہیں۔علی کا ماننا ہے کہ انگلش ٹیم ورلڈ کپ کی فیورٹ ٹیموں میں سے ایک ہے اور ٹیم ہار کو بھول کر میدان میں اترے گی ۔
ٹی ٹوئنٹی کوالیفائر:نیدر لینڈ ،آئر لینڈ کو ہراکر سپر ٹین میں شامل
(March 21, 2014)
سلہٹ: ٹی ٹوئنٹی کوالیفائر راﺅنڈ میں نیدر لینڈ نے آئر لینڈ کو ہرا کرسپرٹین کیٹیگری کے لیے کوالیفائی کرلیا۔ نیدر لینڈ نے آئرلینڈ کے خلاف 190رنز کا ٹارگٹ جارحانہ انداز میںصرف14.2اوورز میں اسٹیفن میبرگ کے 63اور ٹام کوپر کے 15گیندوں پر 45رنز کے بدولت حاصل کر لیا ، نیدر لینڈ کی جیت کے ساتھ ہی زمبابوے ایونٹ سے باہر ہوگیا ۔ نیدر لینڈ نے ٹی ٹوئنٹی کے ایک میچ میں سب سے زیا دہ چھکے مارنے کا ریکارڑ بھی برابر کر دیا ۔ نیدر لینڈ کے دونوں اوپنروں نے انتہائی بے رحمی کے ساتھ آئر لینڈ کے باﺅلروں کی درگت بنا دی۔ اس سے قبل نیدر لینڈ نے 189رنز بنائے ، اینڈریو پوئنٹر نے 57، او برائن نے 42اور پورٹر فیلڈ نے 47رنز کی عمدہ اننگز کھیلی ۔
سندھ میں سی این جی لوڈ شیڈنگ کم ،پنجاب میں لاڈ شیڈنگ ختم کر نے کا فیصلہ
(March 21, 2014)
اسلام آباد: چئیرمین آل پاکستان سی این جی ایسوسی ایشن غیاث عبداللہ پراچہ نے کہا ہے کہ وفاقی حکومت نے سی این جی سٹیشنز پر عوام کی لائنیں ختم کرنے کے انتخابی وعدے پر عمل درآمد کا آغاز کرتے ہوئے پنجاب میں ہفتہ میں سات دن مخصوص اوقات میں سی این جی سٹیشنز کھلے رکھنے جبکہ سندھ میں لوڈ شیڈنگ کا دورانیہ تین سے کم کر کے دو دن کرنے کا اصولی فیصلہ کیا ہے۔ وقت گزرنے کے ساتھ لوڈ شیڈنگ میں مزید کمی کی جائے گی۔ پاکستان سی این جی ایسوسی ایشن کی طرف سے جاری کردہ اعلامیے کے مطابق ایسوسی ایشن اور حکومت کے مابین تمام معاملات پر اصولی اتفاق ہو گیا ہے اور وفاقی وزیر پٹرولیم شاہد خاقان عباسی اس ضمن میں جلد باقاعدہ اعلان کر دینگے۔ یہ فیصلہ طویل مشاورتی عمل کے بعد کیا گیا جس میں وفاقی وزیر پٹرولیم شاہد خاقان عباسی و دیگر اعلیٰ حکام، آل پاکستان سی این جی ایسوسی ایشن کے چئیرمین غیاث پراچہ شریک تھے۔ اعلامیے کے مطابق غیاث پراچہ نے کہا کہ پنجاب میں تجرباتی طور پر مخصوص اوقات میں سی این جی دستیاب ہو گی جبکہ اتوار کو کوئی لوڈ شیڈنگ نہیں ہو گی۔ اس فیصلے سے عوام اور سی این جی مالکان کے مسائل ، ماحولیاتی آلودگی اور تیل کا درامدی بل کم، بجلی اور گیس کی پیک ٹائم میں بچت اور لاکھوں افراد کا روزگار یقینی بنایا جا سکے گا۔ نئے شیڈول پر حتمی فیصلے کیلئے سی این جی ایسوسی ایشن اور ایم ڈی ایس این جی پی ایل کا پیر کو لاہور میں اجلاس ہو گا۔
ناراض اولمپیئنز کا پی ایچ ایف کی حمایت احسن قدم ہے : سابق چیف سیلیکٹر
(March 20, 2014)
لاہور: سابق سلیکٹر ارشد چوہدری نے ناراض اولمپئینز کے پی ایچ ایف کی حمایت کے اعلان کو تنزلی کے شکار قومی ہاکی کیلئے تازہ ہوا کا جھونکا قرار دیا ،ان کا کہنا تھا کہ اب پیٹرن انچیف وزیر اعظم کو بھی ہاکی کی سرگرمیوں کی بحالی کیلئے گرانٹ دینی چاہیے۔ لاہور میں میڈیا سے بات چیت کرتے ہوئے سابق سلیکٹر ارشد چوہدری کا کہنا تھا کہ قومی کھیل کی حالت زار میں بہتری لانے کیلئے تمام ناراض اولمپئینز کا پی ایچ ایف کی حمایت کرنا احسن اقدام ہے اور اب ان اولمپئینز کو چاہیے کہ وہ ہاکی کی مل جل کر خدمت کریں تاکہ پاکستان ہاکی میں کھویا ہوامقام دوبارہ حاصل کرسکے جبکہ پیٹرن انچیف وزیراعظم نواز شریف بھی اب ہاکی کی بحالی کیلئے گرانٹ فراہم کریں۔ ارشد چوہدری نے کہا کہ قومی کھیل کو عروج دلوانے کیلئے سابق اولمپئینز کا ایک پلیٹ فارم پر متحد ہونا وقت کی ضرورت تھی۔
ٹی ٹوئنٹی ورلڈ کپ: نیپال نے افغانستان کو ہرا دیا
(March 20, 2014)
چٹاگانگ: ورلڈ ٹی ٹوئنٹی کے کوالیفائنگ راونڈ میں نیپال نے افغانستان کو سنسنی خیز مقابلے کے بعد نو رنز سے شکست دے دی۔چٹاگانگ میں ورلڈ ٹی ٹوئنٹی کے کوالیفائنگ راونڈ میں افغانستان نے ٹاس جیت کر پہلے فیلڈنگ کا فیصلہ کیا ۔نیپال نے افغانستان کو جیت کیلئے 142 رنز کا ہدف دیا۔ہدف کے تعاقب میں افغانستان نے مقررہ اوورز میں 132رنز بنائے اور اس کے 8کھلاڑی آﺅٹ ہوئے۔۔نیپال کی جانب سے سبھاش کھاکرل 56،شرد ویسوکر37،گنجیندرا مالا نے22 رنز بنائے،افغانستان کی جانب سے شپور زردان نے 2 ،میروائس اشرف ،دولت زردان اور محمد نبی نے ایک ایک وکٹ حاصل کی۔ٹارگٹ کے تعاقب میں افغانستان کی جانب سے شفیق اللہ شفیق نے 36،اصغر استنکزئی نے 49رنز بنائے۔نیپال کی جانب سے جیتندر نے 18رنز کے عوض 3اور سومپال کامی نے 32کے عوض2وکٹیں حاصل کیں۔
حیدرآباد بیڈمنٹن ایسو سی ایشن کے انتخابات
(March 20, 2014)
حیدر آباد: حٰیدر آباد بےڈ منٹن اےسو سی اےشن کے انتخابات حےدر آباد رےجن اولمپک کمےٹی کے جنرل سےکرےٹری خرم رفےع صدےقی کی نگرانی مےں مقامی ہوٹل مےں منعقد ہوئے ۔ اس سلسلے مےں ہونے والے اجلاس مےں بےڈ منٹن کے انٹر نےشنل کھلاڑی افتخار احمد نے بھی بحےثےت آبزرور شرکت کی ۔ انتخابات مےں متفقہ طور پر مندرجہ ذےل عہدےداران اور ممبران کا انتخاب عمل مےں لاےا گےا ۔ سےد امتےاز علی شاہ (صدر ) ، محمد رمضان ( سےنئر نائب صدر)،محمد اقبال قرےشی /مسزثروت اسد (نائب صدر)، عبد الجبار انصاری (جنرل سےکرےٹری)، حےات محمد شےخ /مسز صائمہ (جوائنٹ سےکرےٹری)، محمد علی (خازن) ، زبےر احمد قرےشی (پرےس سےکرےٹری) جبکہ ممبران مےں بشےر احمد انصاری، حافظ عبد الرﺅف، محمد اسلم چندرےگر، فضل خان، محمد اےوب ، مس انےلہ اور عظمیٰ اشفاق شامل ہےں ۔ نو منتخب عہدےداران کی تقرےب حلف برداری 23مارچ کو ہوٹل کراﺅ ن مےں ہو گی۔