اسلام آباد(پی پی آئی) نیب نے سابق وزیراعلیٰ پنجاب عثمان بزدار کی وارنٹ گرفتاری جاری کرنے کا فیصلہ کرلیا۔ نیب لاہور نے آمدن سے زائد اثاثہ جات انکوائری میں مسلسل عدم پیشی پر عثمان بزدار کی وارنٹ گرفتاری جاری کرنے کا فیصلہ کرلیا۔ ڈی جی نیب نے چیئرمین نیب سے حتمی منظوری مانگ لی۔ یاد رہے کہ نیب لاہور نے آج بھی آمدن سے زائداثاثہ جات انکوائری کیس میں عثمان بزدار کو ذاتی حیثیت میں طلب کررکھا تھا۔ نیب نے سابق وزیر اعلیٰ کو مطلوبہ ریکارڈ کے ساتھ نیب کی کی مشترکہ تحقیقاتی ٹیم کے سامنے پیش ہونے کا سمن جاری کیا تھا۔ نیب عثمان بزدار کے خلاف آمدن سے زائد اثاثہ جات، مبینہ غیر قانونی تقررو تبادلوں کیکیس کی تحقیقات سمیت گندم کی برآمد میں بے مبینہ ضابطگیوں کی چھان بین بھی کر رہا ہے۔
نیویارک کے معروف ٹینس سٹیڈیم میں خود کارچھت لگانے کا فیصلہ
انگلش فاسٹ باولر ٹم برسنن کمر کی تکلیف کے باعث ایشیز سیریز سے باہر
ایتھلیٹکس چیمپئن شپ:3000میٹر ریس کینیا کے ایزیکیل کیمبوئی نے جیت لی
سنسناٹی اوپن :رافیل نڈال اورراجرفیڈررکوارٹرفائنل میںپہنچ گئے
فٹبال کلب سوانسی سٹی کے کھلاڑی جوناتھن پریکٹس میچ کے دوران شدید زخمی ہوگئے
وسیم اکرم اپنی آسٹریلوی منگیترکے ہمراہ عید منانے پاکستان پہنچ گئے
تازہ ترین خبریں
- April 22, 2026
اشتہار
تازہ ترین
اسٹیٹ بینک کے پاس شرح سود بڑھانے کے سوا کوئی حل نہیں، ڈپٹی گورنراسٹیٹ بینک
ؒؒاسلام آباد(پی پی آئی) اسٹیٹ بینک کے پاس شرح سود بڑھانے کے سوا کوئی حل نہیں، ہمیں آئی ایم ایف کی شرائط پر عملدرآمد کرنا ہوگا، آئی ایم ایف پروگرام سے ہی ہمیں بیرونی امداد ملنی ہے۔ سیاسی استحکام کا مسئلہ تو سیاسی جماعتوں کو حل کرنا ہے۔ تفصیلات کے مطابق ڈپٹی گورنر اسٹیٹ بینک کا سینیٹ کی قائمہ کمیٹی برائے خزانہ کے اجلاس میں گفتگو کرتے ہوئے کہا کہ اسٹیٹ بینک کے پاس شرح سود بڑھانے کے سوا کوئی حل نہیں، نگران وزیرخزانہ نے بتایا کہ مجھے بہت سخت سوالات کا سامنا ہے، میں اتنا مشکل کام کیوں لیا؟ہمیں تھوڑی مہلت دیں، ہمارے پاس اختیارات محدود ہیں، جو ٹیکس لگے ہوئے پارلیمنٹ نے ان کی منظوری دی ہوئی ہے۔ممبرانے کہا کہ ہمیں مفت بجلی نہیں ملتی جبکہ اخبارات میں مفت بجلی لینے سے متعلق خبریں آرہی ہیں۔جو کہ حقائق کے برعکس ہے، ہمیں آئی ایم ایف کی شرائط پر عملدرآمد کرنا ہوگا۔ آئی ایم ایف پروگرام کے ساتھ ہی ہمیں بیرونی امداد ملنی ہے۔ سیاسی استحکام کا مسئلہ تو سیاسی جماعتوں کو حل کرنا ہے۔ دوسری جانب نگران حکومت نے بجلوں بلوں میں ریلیف کیلئے تجاویز آئی ایم ایف کو پیش کر دیں، نگران وزیر خزانہ شمشاد اختر نے آئی ایم ایف کی نمائندہ ایسٹر پریز سے ورچوئل رابطہ کیا۔ذرائع وزارتِ خزانہ کے مطابق بجلی بلوں میں ریلیف کیلئے آئی ایم ایف سے بات چیت کی گئی،آئی ایم ایف کو بجلی بلوں میں اضافے کے بعد کی صورتحال سے آگاہ کیا گیا۔ آئی ایم ایف نے ریلیف کیلئے حکومت کے مؤقف پر بریفنگ لی،بجلوں بلوں میں ریلیف کیلئے تجاویز آئی ایم ایف کو پیش کی گئیں۔ ذرائع کے مطابق آئی ایم ایف نے بجلی کے بلوں میں ریلیف کیلئے تحریری پلان مانگ لیا،آئی ایم ایف کو تحریری پلان آج شام بھیجے جانے کا امکان ہے۔
آزادجموں وکشمیر کے وزیراعظم نے پونچھ ڈویژن کیلیے تاریخی انتظامی پیکج کی منظوری دے دی
مظفر آباد(پی پی آئی) آزادجموں و کشمیر کے وزیراعظم چوہدری انوارالحق نے پونچھ ڈویژن کیلیے تاریخی انتظامی پیکج کی منظوری دے دی،نوٹیفکیشن جاری۔وزیراعظم نے اس تاریخی انتظامی پیکج کا اعلان جموں کشمیر ہاؤس اسلام آباد میں سابق صدر و وزیراعظم سردار محمد یعقوب خان، سینئر وزیر،وزیر خزانہ کرنل (ر) وقار احمد نور،وزراء حکومت راجہ فیصل ممتاز راٹھور،میاں عبدالوحید،دیوان علی خان چغتائی،سردار میر اکبر خان،سردار جاوید ایوب،سردار محمد حسین،نثار انصر ابدالی،سردار ضیاء القمر،سردار عامر الطاف،چوہدری اظہر صادق،سردار فہیم اختر ربانی،معائنہ کمیشن کے چیئرمین پیر مظہر سعید شاہ کے ہمرا ہ پریس کانفرنس سے خطاب کرتے ہوے کیا۔
وزیراعظم چوہدری انوارالحق نے اس موقع پر نوٹیفکیشنز کی فائل سابق صدر و وزیراعظم سردار یعقوب خان کے حوالے کی۔وزیراعظم نے اس موقع پر کہا کہ پونچھ ڈویژن کے احساس محرومی کو دور کرنے کیلئے اتحادی جماعتوں کی مشاورت سے بڑے پیکج کی منظوری دی ہے جن کے نوٹیفکیشن کئے جا چکے ہیں۔حکومت کو لوگوں کے مسائل کا ادراک ہے اور ہم تمام مسائل کو حل کریں گے۔پونچھ پیکج کا مقصد اس ڈویژن کے عوام کے احساس محرومی کو دور کرنا ہے۔چیف انجینئر شاہرات پونچھ،چیف انجینئر برقیات پونچھ،ڈائریکٹر ہیلتھ سروسز پونچھ،ڈویژں ل ڈائریکٹر کالجز پونچھ،چیف انجینئر عمارات / پبلک ہیلتھ انجینئرنگ، کی آسامیاں دیکر انتظامی طور پر پونچھ کو بااختیار بنا دیا ہے۔بجلی کے بلات کا مسئلہ حل کیا جہاں ضرورت ہو گی عوام کی بھلائی کیلیے اپنا اختیار بھرپور طریقے سے استعمال کرونگا۔کشمیر پر آرمی چیف کے بیان سے کشمیریوں کے حوصلے بلند ہوئے تحریک آزادی کشمیر ہمارا سب کچھ ہے،حق خودارادیت کے حصول تک ہماری جدوجہد جاری رہے گی۔مالیاتی ڈسپلن قائم کیا ہے Gray ایریاز کا خاتمہ کیا ہے قانون سب کیلیے ہے اور سب قانون کے تابع ہیں۔ مستحکم اور مضبوط پاکستان کی بدولت تحریک آزادی کشمیر کی شمع جلتی رہے گی۔کبھی بھی اسمبلی تحلیل نہیں کرونگا نہ پروٹوکول کا عادی ہوں نہ کسی مخمصے میں رہتا ہوں جس کے پاس 27 ممبر ہیں آئے آرام سے اپوزیشن میں بیٹھ جاؤنگا۔اللہ پاک نے اقتدار دیا وہی لے گا جب تک اختیار ہے اسے مخلوق خدا کی بھلائی کیلیے پوری طاقت سے استعمال کرونگا۔وزیراعظم نے کہا کہ آج میری پریس کانفرنس کا فوکس پونچھ ڈویژن ہے۔میں دیگر دو ڈویژنز کے مسائل کے بارے میں بھی بات کروں گا۔مظفرآباد میں دریائے نیلم جہلم کا رخ موڑنے سے ماحولیاتی مسائل جنم لے رہے ہیں۔واپڈا کے ساتھ مل کر ان مسائل کے حل کیلئے ایس او پیز بنا لی گئی ہیں۔میرپور میں رٹھوعہ ہریام پل کی تعمیر کے حوالے سے حکومت پاکستان سے بات کی ہے۔انہوں نے کہا کہ مظفرآباد اور میرپور میں کچھ سہولیات تھیں جو پونچھ ڈویژن میں نہیں تھیں۔ہم نے شاہرات اور بجلی کیلئے پونچھ کیلئے چیف انجینئر مقرر کردیئے۔ہیڈ آفس کی سطح کے فیصلے دارالحکومت مظفرآباد میں ہونگے۔کل یا پرسوں سے سینئر آفیسران پونچھ میں بیٹھنا شروع کریں گے۔انہوں نے کہا ہم نے بجلی کے بلوں میں اپنے عوام کو ریلیف دیا ہے۔بجلی کے بلوں پر احتجاج کا دائرہ کار پورے ملک میں پھیل گیا ہے۔میں کم از کم لوگوں کی بددعاوں سے بچنا چاہتا ہوں،جو اعلانات میں نے کئے ہیں مجھے 15 منٹ لگے لیکن کرنے کو 45 دن لگ گئے۔ایک سوال کے جواب میں وزیراعظم نے کہا کہ جس میرے ممبر کے پاس 27 ارکان کی حمایت حاصل ہے سامنے آکر دکھا دے،میں اپوزیشن میں بیٹھ جاؤنگا کوئی سامنے آکر ممبران کی اکثریت دکھا دے میں گھر چلا جاوں گا،کوئی سوچے بھی نہ کہ میں اسمبلی تحلیل کروں گا،میں خاموش سے اپوزیشن میں بیٹھ جاؤں گا، جمہوری نظام وزراء کو محکمے دیئے بغیر نہیں چل سکتا، جلد وزراء کو محکمے دینے کا فیصلہ بھی ہوجائے گا۔انہوں نے کہا مجھے کشمیری ہونے پر فخر ہے وکیل بھی ہوں،صحافی بھی ہوں اور ایک سیاسی کارکن بھی ہوں۔انہوں نے کہا کہ ضروریات کے مطابق وسائل کی منصفانہ تقسیم یقینی بنائی جائے گی۔ایک سوال کے جواب میں وزیراعظم نے کہا کہ ریاست کے وزیراعظم کے طور پر کب کیا فیصلہ کرنا ہے یہ میں جانتا ہوں،ابھی کئی ایشوز ہیں جو حل طلب ہیں نیلم جہلم،آٹے کا مسئلہ،بجلی،منگلا ڈیم کے ایشوز ان سب پر ابھی کام کرنے ہیں۔۔
سی پیک پاکستان کی معاشی مشکلات کو کم کرنے کیلئے گیم چینجز ثابت ہوگا، چینی قونصل جنرل
ؒلاہور(پی پی آئی) چین کے قونصل جنرل ژاؤ شیرین نے کہا ہے کہ سی پیک پاکستان کی معاشی مشکلات کو کم کرنے کے ساتھ ساتھ خطے کے دیگر ممالک کیلئے بھی گیم چینجز ثابت ہوگا،سی پیک کا پہلا مرحلہ کامیابی سے مکمل ہونے کے بعد دوسرے مرحلے پر بھی تیزی سے کام جاری ہے۔بدھ کے روز لاہور میں سینئر صحافیوں کے اعزاز میں دئیے گئے ظہرانے کے دوران ”اے پی پی ”سے خصوصی گفتگو کرتے ہوئے چائینز قونصل جنرل نے کہا کہ پاک چین تعلقات وقت کے ساتھ مزید مضبوط ہورہے ہیں اور چین پاکستان کی ترقی، سلامتی، خوشحالی اور معاشی استحکام سمیت ہر قسم کا تعاون جاری رکھے گا۔قونصل جنرل نے کہا کہ چین اور پاکستان کے درمیان کئی دہائیوں پر مبنی تعلقات ہیں جو آئندہ نسلوں کو منتقل ہو رہے ہیں، دونوں ممالک کے درمیان تعلیمی، ثقافتی،تحقیقی اور کاروباری شعبوں کا فروغ وقت کی اہم ضرورت ہے۔انہوں نے کہا کہ دونوں ممالک کے درمیان بہترین تعلقات اس بات کے ضامن ہیں کہ آنے والے وقت میں ان کے مثبت نتائج برآمد ہوں گے۔قونصل جنرل نے کہا کہ سی پیک نے دونوں ممالک کے درمیان باہمی تعلقات کو مزید متحرک اور مضبوط کیا ہے،چین کی پاکستان میں سرمایہ کاری سے پاکستانی صنعتوں کو استحکام مل رہا ہے اور اس کی برآمدات میں بھی اضافہ ہو رہا ہے۔ انہوں نے کہا کہ سی پیک پر اس وقت تک 25ارب ڈالر سے زائد کی سرمایہ کاری ہو چکی ہے۔ ان کا کہنا تھا چین نے ہمیشہ پاکستان کے ساتھ کسی بھی غرض کے بغیر باہمی تعلقات کو فروغ دینے کے لیے ترجیحی طور پر اپنا کردار ادا کیا ہے۔انہوں نے امید ظاہر کی کہ دونوں ممالک اور ان کے عوام باہمی تعلقات کو مزید مستحکم کرنے کے خواہشمند ہیں تا کہ اس کے ثمرات دونوں ممالک کی عوام تک براہ راست پہنچ سکیں۔ظہرانے میں سینئر صحافی جاوید فاروقی، الفت مغل، عاصم نذیر بھٹی اورپاک چین امور کے ماہر محمد ضمیر اسد ی سمیت چینی سفارتخانے کے افسران نے شرکت کی۔
تلاش کریں
خبریں
عالمی منڈی میں تیل سستا، حکومت بھی عوام کو فوری ریلیف دے: پاسبان
(June 18, 2026)
ڈی پی او جھنگ کا دورہ گڑھ مہاراجہ دربار حضرت سلطان باھوؒ
(June 18, 2026)
نیویارک کے معروف ٹینس سٹیڈیم میں خود کارچھت لگانے کا فیصلہ
(August 16, 2013)
نیویارک( پی پی آئی)یو ایس اوپن کے منتظمین نے نیویارک کے ساڑھے 22 ہزار نشستوں والے مین آرتھر ایشل سٹیڈیم میں خود کار چھت تعمیر کرنے کا فیصلہ کرلیا۔ اس سٹیڈیم میں خراب موسم کی وجہ سے گرینڈ سلام ایونٹ کا مینز فائنل ماضی میں متاثر ہوچکا ہے۔ یاد رہے کہ آسٹریلین اوپن اور ومبلڈن اوپن کے دوران سٹیڈیم کو کور کیا جاسکتا ہے جبکہ فرنچ اوپن کیلئے بھی 2018 تک خود کار چھت تعمیر کرنے کا منصوبہ بنایا گیا ہے۔
انگلش فاسٹ باولر ٹم برسنن کمر کی تکلیف کے باعث ایشیز سیریز سے باہر
(August 16, 2013)
لندن( پی پی آئی)نگلش فاسٹ باولر ٹم برسنن کمر کی تکلیف کے باعث ایشیز سیریز کے آخری ٹیسٹ سے باہر ہوگئے ۔ٹم برسنین آسٹریلیا کے خلاف چوتھے ٹیسٹ میں فیلڈنگ کے دوران کمر کی تکلیف میں مبتلا ہوگئے تھے۔ ڈاکٹرز کے مطابق برسنن کی انجری شدید نوعیت کی ہے، اس لئے انہیں آرام کا مشورہ دیا گیا ہے۔ ٹم برسنن انجری کے سبب نا صرف ایشیز سیریز کے آخری ٹیسٹ سے باہر ہوگئے ہیں بلکہ رواں سیزن میں ہونے والے تمام میچز میں انکی شرکت مشکوک ہوگئی ہے۔انگلش کرکٹ بورڈ کے ترجمان کے مطابق برسنن کی غیر موجودگی میں کرس ٹرملٹ کو بطور متبادل موقع دیا جائے گا۔ برسنن کو ایشیز سیریز کے دوسرے ٹیسٹ میں اسٹون فن کی جگہ ٹیم میں شامل کیا گیا تھا۔ انہوں نے تین ٹیسٹ میچز میں دس کھلاڑیوں کو پویلین کی راہ دکھائی اور چوتھے ٹیسٹ کی دوسری اننگز میں پنتالیس رنز اسکور کرتے ہوئے انگلینڈ کی کامیابی میں اہم کردار بھی ادا کیا۔ انگلش کپتان ایلیسٹر کک کا کہنا ہے کہ ایشیز کے آخری ٹیسٹ اور ون ڈے سیریز میں ان کی کمی محسوس ہوگی۔
ایتھلیٹکس چیمپئن شپ:3000میٹر ریس کینیا کے ایزیکیل کیمبوئی نے جیت لی
(August 16, 2013)
ماسکو( پی پی آئی)ایتھلیٹکس چیمپئن شپ کی تین ہزار میٹر ریس کینیا کے ایزیکیل کیمبوئی نے جیت لی۔ چار سو میٹر ریس ٹرنیڈاڈ اینڈ ٹوباکو کے جیہو گورڈون کے نام رہی۔روس کے شہر ماسکو میں جاری ورلڈ ایتھلیٹکس چیمپئن شپ میں سنسنی خیز اور دلچسپ مقابلوں کا سلسلہ جاری ہے۔ مینز چار سو میٹر ریس میں ٹرنیڈاڈ اینڈ ٹوباکو کے جیہو گورڈون نے امریکہ کے مائیکل ٹینسلے کو پیچھے چھوڑتے ہوئے سب سے پہلے فنشنگ لائن عبور کی۔ گورڈون نے مقررہ فاصلہ سنتالیس اعشاریہ چھ نو سیکنڈر میں طے کیا۔مردوں کی تین ہزار میٹر کی ریس میں کینیا کے ایزیکل کیمبوئی سب سے نمایاں رہے۔ انہوں نے ریس کے آغاز میں برتری حاصل کی اور مقررہ فاصلہ آٹھ منٹ چھ اعشاریہ صفر ایک سیکنڈز میں طے کرکے کامیابی حاصل کرلی۔ خواتین کی چار سو میٹر رکاوٹوں کی دوڑ میں چیک ری پبلک کی زوزانا ہیجنووا نے امریکہ کی ڈالیلاح محمد کو پیچھے چھوڑتے ہوئے گولڈ میڈل سینے پر سجایا۔ چیک کھلاڑی نے تیز رفتار دوڑتے ہوئے مقررہ فاصلہ باون اعشاریہ آٹھ تین سیکنڈز میں مکمل کیا۔ خواتین کے پندرہ سو میٹر دوڑ میں سوئیڈن کی ابیبا اریگاوی اور امریکہ کے جنیفر سیمسن کے درمیان سنسنی خیز مقابلہ ہوا۔ ابیبا نے مقررہ فاصلہ چار منٹ، دو اعشاریہ چھ سات سیکنڈز کے وقت کے ساتھ پہلی پوزیشن حاصل کرلی۔ مینز ہائی جمپ ایونٹ میں یواکرائن کے بوہدان بوندارینکو نے دو اعشاریہ چار ایک میٹر اونچی جمپ لگا کر سونے کا تمغہ جیتا۔ قطر کے موتاز ایسا دوسرے نمبر پر رہے۔ خواتین کی ٹرپ جمپ مقابلے میں کولمبیا کی سیٹرین ابرگین فاتح رہیں۔ انہوں نے چودہ اعشاریہ آٹھ پانچ میٹر طویل جمپ لگا کر گولڈ میڈل سینے پر سجایا۔
سنسناٹی اوپن :رافیل نڈال اورراجرفیڈررکوارٹرفائنل میںپہنچ گئے
(August 16, 2013)
سنسناٹی ، اوہائیو( پی پی آئی)سابق عالمی نمبر ایک اسپین کے رافیل نڈال اور سوئیٹزرلینڈ کے راجر فیڈرر نے سنسناٹی اوپن ٹینس ٹورنامنٹ کے کوارٹر فائنل میں جگہ بنالی۔امریکی ریاست اوہائیو میں جاری ٹورنامنٹ کے تیسرے راونڈ میں اسپین کے رافیل نڈال نے بلغاریہ کے گریگور دمیتروو کو تین سیٹ کے دلچسپ مقابلے کے بعد شکست دے کر کوارٹر فائنل میں جگہ بنالی۔ نڈال نے پہلا سیٹ چھ دو سے جیتا۔ دوسرے سیٹ میں انہیں سات پانچ سے ناکامی کا سامنا کرنا پڑا۔ تیسرے سیٹ میں اسپینش اسٹار نے چھ دو سے فتح سمیٹ کر میچ اپنے نام کرلیا۔دوسرے میچ میں سوئیٹزرلینڈ کے راجر فیڈرر نے جرمنی کے ٹامی ہاس کے پہلے سیٹ میں ناکامی کے باوجود کامیابی حاصل کرلی۔ فیڈرر کو پہلے سیٹ میں چھ ایک سے ناکامی ہوئی۔ جس کے بعد سوئس کھلاڑی نے کم بیک کیا اور یکے بعد دیگرے دو سیٹ سات پانچ اور چھ تین سے جیت کر کوارٹر فائنل میں جگہ بنالی اسپین کے ڈیوڈ فیرر کو روس کے دمیتری ترسنوو کے ہاتھوں اسٹریٹ سیٹس میں اپ سیٹ شکست کا سامنا کرنا پڑا۔ روسی کھلاڑی کی فتح کا اسکور چھ دو اور چھ چار رہا۔ جنرل ساونڈ برطانیہ کے اینڈی مرے نے فرانس کے جوالین بینیتو کو زیر کرکے اگلے راونڈ کے لئے کوالیفائی کیا۔ انگلش کھلاڑی نے دونوں سیٹ چھ دو کے اسکور سے اپنے نام کیے۔
فٹبال کلب سوانسی سٹی کے کھلاڑی جوناتھن پریکٹس میچ کے دوران شدید زخمی ہوگئے
(August 15, 2013)
ایمسٹرڈیم( پی پی آئی)فٹبال کلب سوانسی سٹی کے کھلاڑی جوناتھن ڈی گزمین پریکٹس کے دوران زخمی ہو گئے۔ ساتھی کھلاڑی کی ٹکر نے ان کا مانچسٹر یونائیٹڈ کے خلاف اِن ایکشن ہونے کا خواب چکنا چور کر دیا۔ ہالینڈ میں پرتگال کے خلاف دوستانہ فٹبال میچ کے لیے شیڈول پریکٹس کے دوران مڈ فیلڈر فٹبالر جوناتھن ڈی گزمین اپنے ساتھی کھلاڑی ڈرک کیوٹ سے ٹکرا کر زخمی ہوگئے۔ ٹکرانے کے باعث ان کے سر پر گہری چوٹ آئی۔ ابتدائی طبی امداد کے بعد انہیں ہسپتال منتقل کر دیا گیا۔ ڈاکٹروں نے انہیں دو ہفتے آرام کرنے کا کہا ہے۔ زخمی ہونے کے باعث مِڈ فیلڈر کے ہفتے کو مانچسٹر یونائیٹڈ کے خلاف اپنا زور بازو دکھانے کا خواب ادھورا رہ گیا۔
وسیم اکرم اپنی آسٹریلوی منگیترکے ہمراہ عید منانے پاکستان پہنچ گئے
(August 7, 2013)
کراچی( پی پی آئی)قومی کرکٹ ٹیم کے سابق کپتان وسیم اکرم اپنی منگیتر شنیرہ تھامپسن کے ہمراہ عید منانے پاکستان پہنچ گئے، شنیرہ نے پاکستان آمد پر خوشی کا اظہار کیا ہے۔وسیم اکرم نے آسٹریلیا سے تعلق رکھنے والی تیس سالہ شنیرہ تھامپسن کو دو ماہ قبل شادی کی پیش کش کی تھی۔شنیرہ اور ان کے والدین کی رضا مندی کے بعد وسیم اکرم نے اس کا میڈیا میں اعلان کر دیا۔وسیم اکرم اپنی منگیتر اور اپنے دونوں بیٹوں کے ہمراہ برطانیہ سے عید منانے پاکستان پہنچے۔کراچی ائیرپورٹ پر خصوصی گفتگو میں شنیرہ تھامپسن نے کہا کہ وہ پاکستان آمد پر خوشی محسوس کر رہی ہیں۔سابق کپتان وسیم اکرم نے کہا کہ وطن آمد پر لوگوں نے انہیں بہت پیار دیا ہے۔وسیم اکرم آئندہ سال شنیرہ تھامپسن سے شادی کریں گے،ان کی پہلی بیوی ہما دو ہزار نو میں انتقال کر گئی تھیں۔وسیم اکرم کراچی میں عید گزارنے کے بعد والدین سے ملنے لاہور بھی پہنچیں گے۔