برج ٹاﺅن: ویسٹ انڈیز کر کٹ ٹیم کے فاسٹ بولر کیمارواچ اپنے آبائی شہر برج ٹاﺅن میں ٹریفک حادثے میں شدید زخمی ہوگئے۔بارش میں ان کی بی ایم ڈبلیوکار پھسل گئی اور گاڑی کو بری طرح نقصان پہنچا ،کیماروچ کے سر میں شدید چھوٹیں آئیںانھیں زخمی حالت میںبار باڈوس کے مقامی ہسپتال پہنچایا گیا ۔حادثے کے کچھ گھنٹوں بعد انھوں نے ٹیوٹر پرخاندان ، دوستوں اورمداحوں کے نام اپنے پیغام میں کہا ہے کہ میں اس وقت خیریت سے اور جلدی سے روبہ صحت ہوں۔فاسٹ بولر کیما روچ نے 23ٹیسٹ اور 61ایک روزہ میچوں میں ویسٹ انڈیز کی نمائندگی کی جبکہ انجری کے باعث وہ گزشتہ ایک سال سے ٹیم سے باہر ہیں۔

ممبئی: بھارتی کرکٹ بورڑ کے سابق صدر شاش نک منوہر نے کہا ہے کہ بی سی سی آئی 80سالہ تاریخ کے متنازعہ ترین دور سے گزر رہا ہے۔ بی سی سی آئی کے سابق صدر منوہر کے مطابق میچ فکسنگ کے لیے تشکیل کر دہ کمیٹی کے بعد ان کے خدشات دور ہو گئے ہیں۔ انھوں نے کہا کہ اتوار کو ہونے والی میٹنگ میںان کی شرکت کا مقصد اس گھمبیر صور حال سے نمٹنے کے لیے لائحہ عمل بنانا تھا ، میٹنگ میںآر کے راگھوان ، جے این پٹیل اور روی شاستری پر مشتمل کمیٹی کے تین ناموں کے فیصلے کے علاوہ کچھ نہیں کیا گیا ، ان کا کہنا ہے بورڑ اس وقت اپنی 80سالہ تاریخ کے انتہائی متنازعہ ترین دور سے گزر رہاہے۔ منوہر نے پچھلے ایک سال کے دورا ن آئی پی ایل فکسنگ کیس کو جس انداز میں چلا یاگیا اس پر شدید تنقید کی اور کہاکہ بورڑ اپنے چیئر مین کے خلاف تحقیقات کرنے سے قاصر رہا ، ان کا کہنا تھا سری نواسن کا صدارت کی کرسی سے چمٹے رہنا شرمنا ک فعل تھا۔

اسلام آباد: پاکستان ٹیلی کمیونیکیشن کمپنی لمیٹڈ ( پی ٹی سی ایل ) نے ما حول کے تحفظ کے عا لمی ادارے ورلڈ وئلڈلائف فنڈ (ڈبلیو ڈبلیو ایف ) کے ساتھ ایک سمجھوتے پر دستخط کئے جس کا مقصد کمپنی کے کارپوریٹ ہیڈ آفس میں ” گرین آفس پروگرام “ پر عملدرآمد ہے ۔ پروگرام کا مقصد وسائل کی کھپت ،لاگت اور کمپنی کی طرف سے کاربن کے اثرات میں کمی لانا ہے تاکہ ماحولیاتی تحفظ میں مدد دی جاسکے ۔ اس معاہدے سے پی ٹی سی ایل ڈبلیو ڈبلیو ایف کے ساتھ مل کر کاربن کے اثرات کا جائزہ اور اس میں کمی لایا جائے گا جس سے گرین آفس کے ہدف کو پو را کر نے میں مدد ملے گی، مطلوبہ معیار پورا ہونے پر پی ٹی سی ایل کو ” گرین آفس “ سرٹیفکیٹ بھی جاری کیا جائے گا ۔اس موقع پر بات چیت کرتے ہوئے پی ٹی سی ایل کے سی ایچ آر او سید مظہر حسین نے کہا کہ ”ماحولیات اور توانائی بحران اس وقت ہمارے ملک کو درپیش اہم مسائل ہیں اور یہ ہر شخص اور ادارے کی ذمہ داری ہے کہ وہ ماحولیاتی تحفظ کے لیے اپنے دائرہ کار کے تحت ضروری اقدامات کرے ۔ پی ٹی سی ایل کی ایچ آر سروسز کے ایگزیکٹو وائس پریذیڈنٹ شہزاد صفدر ، جنرل منیجر ایڈمن اینڈ مینٹینس شہاب اکبر درانی سمیت ڈبلیو ڈبلیو ایف اور پی ٹی سی ایل کے اعلیٰ عہدیدار بھی اس موقع پر موجود تھے ۔

کراچی: اقوام متحدہ خطے میں امن کے قیام کے لیے مسئلہ کشمیر کو حل کرے ۔پاکستان پیپلز پارٹی آزاد کشمیر سندھ زون کے جنرل سیکرٹری سردار نزکت حسین نے کراچی پریس کلب میںاپنے خیا لات کا اظہارہوئے کہا کہ بھار تی حکومت نے بین الاقوامی سطح پر قائم شدہ متنازعہ علاقہ جمو ں کشمیر میں انتخابات کرانے کا فیصلہ کیا تھا جس کے تحت 21 اپریل کو جنوبی کشمیر 29 اپریل کو وسطی کشمیر اور 6مئی کو جنوبی کشمیر میں انتخابات کرانے کا شیڈول بنایا تھا ،لیکن مقبوضہ کشمیر کی عوام نے ان انتخابات کے بائیکاٹ کا اعلان کر کہ یہ ثابت کر دیا کہ مسئلہ کشمیر کا آزادی کے سوا کوئی حل نہیںہے۔ سردار نزکت حسین نے کہا کہ اقوام متحدہ خطے میں امن کے قیام کے لئے مسئلہ کشمیر کو حل کریں،بصورت دیگر امن کی ضما نت نہیںدی جاسکتی، ان کا کہنا تھا کہ دو ایٹمی طاقتوں کے درمیان متنازعہ علاقے میںڈھائی ارب سے زائد عوام کے جان اور مال محفوظ نہیں ،انھوں نے کہا کہ مقبوضہ کشمیر کے انتخابات میں صرف بھارت نواز جماعتوں نے حصہ لیا جبکہ ووٹ ڈالنے کے لئے صرف 10 فیصد عوام گھروں سے نکلے۔ سردار نزاکت حسین کا کہنا تھا کہ بھارت کا مقبوضہ کشمیر میں انتخابا ت کروانا ڈرامے سے کم نہیںہے۔ سردار نزاکت حسین کے ہمراہ صدر میر حیدر اور دیگر ممبران بھی موجود تھے۔

حیدر آباد: حیدرآباد یونین آف جرنلسٹس کی جانب سے سینئر صحافی حامد میر پر قاتلانہ حملے کے خلاف پریس کلب کے سامنے احتجاجی مظاہرہ کیا گیا۔ پی ایف یو جے کے صدر رانا محمد عظیم اور سیکریٹری جنرل امین یوسف کی اپیل پر سینئر صحافی حامد میر پر قاتلانہ حملے کے خلاف حیدرآباد یونین آف جرنلسٹس کی جانب سے پریس کلب کے سامنے احتجاجی مظاہرہ کیا، مظاہرے میں شریک صحافی بینر اور پلے کارڈز اٹھائے حامد میر پر حملے کے خلاف نعرے لگا رہے تھے، اس موقع پر حےدرآباد یونین آف جرنلسٹس کے صدر جنید خانزادہ اور پی ایف یو جے کی مرکزی سینٹرل ایگزیکٹیو کمیٹی کے رکن حمید الرحمن نے خطاب کرتے ہوئے کہا کہ پاکستان دنیا میں صحافیوں کے لئے خطرناک ترین ملک بن چکا ہے، میڈیا ہاﺅسز اور صحافیوں پر حملے کرکے صحافت کی آزادی کو سلب کرنے کی کوشش کی جارہی ہے، انھوں نے کہا کہ میڈیا ہاﺅسز اور صحافیوں پر تواتر کے ساتھ حملوں کے باوجود حکومت غیر سنجیدگی کا مظاہرہ کررہی ہے اور اب تک کسی بھی ملزم کو گرفتار کرکے قانون کے کٹہرے میں نہیں لایا گیا ہے، مقررین کا کہنا تھا کہ حامد میر پر حملہ دہشت گردوں کی بزدلانہ کارروائی ہے جس کی جتنی مذمت کی جائے کم ہے، انھوں نے کہا کہ صحافیوں پر تشدد اور انھیں قتل کئے جانے کے واقعات میں روز بروز اضافہ ہورہا ہے لیکن حکومت انھیں تحفظ فراہم کرنے کے بجائے خاموش تماشائی کا کردار ادا کررہی ہے، مظاہرین نے مطالبہ کیا کہ سینئر صحافی حامد میر پر حملہ کرنے والے ملزمان کو فوری طور پر گرفتار کیا جائے اور واقعہ کی تحقیقات کرکے رپورٹ منظر عام پر لائی جائے۔