کراچی: اینٹی نار کوٹکس فورس سندھ نے دو مختلف کارروائیوںمیں 22کلو گرام ہیروئن برآمد کرلی ۔اینٹی نارکوٹکس فورس سندھ نے احمد شہید چوک کراچی پر کارروائی کرتے ہوئے اعلیٰ کوالٹی کی 20کلو گرام ہیروئن برآمد کر لی اورایک ملزم کو بھی گرفتار کر لیاجبکہدوسری کاروائی خفیہ اطلاع پر TCS آفس پر کی گئی جہاں ایک خفیہ پارسل ANF کے عملہ نے اپنی تحویل میں لے لیا ۔ پارسل کو چیک کرنے پر اس میں سے اعلیٰ کوالٹی کی 2.200 کلو گرام ہیروئن برآمد کر لی جو کہ بہت مہارت کے ساتھ گتے کی پلیٹوں میںچھپا کربرطانیہ سمگل کرنے کی کوشش کی جارہی تھی ۔دونوں کارروائیوں کے خلاف مقدمہ درج کر کے تفتیش کی جارہی ہے۔

کراچی: پاکستان مسلم لیگ فنکشنل سندھ کے صدر پیر صدرالدین شاہ راشدی نے ندیم مرزا اور زبیر میمن کو پاکستان مسلم لیگ فنکشنل سندھ کے ایڈیشنل انفارمیشن سیکرٹری کے عہدوں سے بر طرف کردیا ہے۔پاکستان مسلم لیگ (فنکشنل)کے چیف میڈیا کوآرڈینٹرکامران ٹیسوری کی جانب سے جاری اعلامیہ کے مطابق پاکستان مسلم لیگ فنکشنل سندھ کے صدر پیر صدرالدین شاہ راشدی کی جانب سے نوٹیفکیشن جاری کیا گےا جس کے مطابق ندیم مرزا اور زبیر میمن کو پاکستان مسلم لیگ فنکشنل سندھ کے ایڈیشنل انفارمیشن سیکرٹری کے عہدوں سے بر طرف کردیا ہے۔ان عہدوںپر نئے آنے والوں کا جلد اعلان کیا جائے گا۔

کراچی: پاکستان مسلم لیگ فنکشنل سندھ کے سیکرٹری جنرل نواب راشدعلی خان نے کہا ہے کہ حر فورس تھر میں فوج کے شانہ بشانہ متاثرین کے لئے امدادی سرگرمیاں میں حصہ لے گی ،تھر کی عوام کو کسی بھی صورت میں تنہا نہیں چھوڑیں گے،تھر میں بچوں کی بڑی تعداد میں ہلاکتوں کی ذمہ دار سندھ حکومت ہے،اس کی جوڈیشل انکوئری کرائی جائے۔ فنکشنل ہاﺅس کراچی میں پارٹی رہنماﺅں کے اجلاس سے خطاب کرتے ہوئے کیا ۔پاکستان مسلم لیگ (فنکشنل)کے چیف میڈیا کوآرڈینٹرکامران ٹیسوری کی جانب سے جاری اعلامیہ کے مطابق نواب راشد علی خان نے کہا ہے کہ پیر صاحب پگارا نے حر فورس کو ہدایت کی ہے کہ وہ تھر میں امدادی سرگرمیوں میں فوج کے شانہ بشانہ کام کریں اور تھر کی عوام کو اس مشکل کی گھڑی میں تنہا نہ چھوڑیں ۔انھوں نے کہا کہ کیونکہ تھر میں پیر صاحب پگارا کے مریدوں کی ایک بڑی تعداد رہتی ہے اور وہ اپنی مدد آپ کے تحت تھر متاثرین کی بھر پور مدد کررہے ہیں ۔انھوں نے کہا کہ سندھ میں پاکستان مسلم لیگ فنکشنل کی از سرنو تنظیم سازی کی جا رہی ہے اور جہاں جہاں بھی عہدیداران کی نشستےں خالی ہیں انھیں تےن ماہ میں مکمل کیا جائے گا۔اجلاس میں پیر زادہ یاسر سائیں ،جام مدد علی، نصرت سحر عباسی ،کامران ٹےسوری اور دیگر بھی موجود تھے۔

کراچی: پاکستان ہومیوپیتھک فزیشنز سوسائٹی کے چیئرمین اورنیشنل کونسل برائے ہومیوپیتھی پاکستان کے سابق قائم مقام صدر ڈاکٹر جاوید شاہ نے مطالبہ کیا ہے کہ وفاقی اردو یونیورسٹی میں بیچلر آف ہومیو پیتھک میڈیسن سسٹم کی فیکلٹی کو جلد فعال کیا جائے۔ گزشتہ روز صحافیوں سے گفتگو کرتے ہوئے انھوں نے بتایا کہ ان کی کاوشوں کے نتیجے اور ہائیر ایجوکیشن کی منظوری سے چند سال قبل وفاقی اردو یونیورسٹی میں بیچلر آف ہومیو پیتھک میڈیسن سسٹم کی فیکلٹی قائم کی گئی تھی جو اب تک فعال نہیں ہو سکی۔ انھوں نے کہا کہ ہومیو پیتھک طریقہ علاج حکومتی سرپرستی نہ ہونے کے باعث اسے ترقی نہیں مل پائی اور ہومیوپیتھک ڈاکٹرز کو ملک بھر خصوصا سندھ، بلوچستان اور سرحد میں ملازمتوں کے حصول میں بھی کافی پریشانی کا سامنا ہے۔ ڈاکٹر جاوید شاہ نے کہا کہ ہومیوپیتھی طریقہ علاج کی تعلیم کو اپ گریڈ کرنے کی اشد ضرورت ہے۔ انھوں نے کہا کہ وفاقی اردو یونیورسٹی میں اس فیکلٹی کے فعال ہونے کے بعد معیاری ہومیو ڈاکٹرز پیدا ہوں گے جو لوگوں کو سستا علاج فراہم کریں گے۔ انھوں نے بتایا کہ اس وقت ملک بھرمیں ڈیڑھ لاکھ ہومیو ڈاکٹرز رجسٹرڈ ہیں اور اگر حکومت تھوڑی دلچسپی لے تو یہ شعبہ صحت میں ریڑھ کی ہڈی کا کردار ادا کر سکتے ہیں۔ ڈاکٹر جاوید شاہ نے صدر مملکت ممنون حسین اور وزیراعظم نواز شریف سے مطالبہ کیا کہ وہ ملک میں ہومیو پیتھک طریقہ علاج کو فروغ دیں اور چاروں صوبوں کی تمام یونیورسٹیز کو ہدایات دیں کہ وہ ہائیر ایجوکیشن کے منظور شدہ بیچلر پروگرام شروع کریں تاکہ غریب مریضوںکو سستا علاج فراہم ہو سکے۔ انھوں نے کہا کہ ملک میں ہومیو پیتھک فارما انڈسٹری کو بھی فروغ دینے کی ضرورت ہے جس سے پاکستان خطیر زرمبادلہ بھی کما سکتا ہے۔ انھوں نے کہا کہ ملک میں قدرتی پودوں پر بھی تحقیق کرنے کی ضرورت ہے تاکہ ان سے بھی فائدہ اٹھایا جا سکے۔