ڈھاکا: سری لنکا کرکٹ ٹیم کے سابق کپتان کمار سنگاکارا نے ٹی ٹوئنٹی کرکٹ سے ریٹائر منٹ کے اعلان کے بعد مداحوںکی طرف سے ملنے والے تہنیتی پیغامات کا شکریہ ادا کیا۔ کماراسنگاکارا نے رواں ورلڈ کپ کے بعد ٹی ٹوئنٹی کر کٹ سے کنا ری کشی کا اعلان کیا تھا دوسری جانب ان کے ساتھی کھلاڑی مہیلا جے وردھنے نے بھی ٹی ٹوئنٹی سے ریٹائر منٹ کا اعلان کر دیا ہے ۔ سنگاکا را نے کہا کہ میرا فیصلہ سیلکٹرز کو 2016ءٹی ٹوئنٹی ورلڈ کپ کے لیے بہترین ٹیم تیار کر نے کے لیے مفید ثابت ہوگا۔ سنگاکارا کی زیر قیادت سری لنکن ٹیم انگلینڈ میں 2009ءکے ورلڈ کپ کے فائنل میں پہنچی تھی ۔ سنگاکارا نے سری لنکا کے لیے اب تک 50ٹی ٹوئنٹی میچز کھیلے ہیں اور انھوں نے سات نصف سنچریوں کی بدولت 32.77کی اوسط سے 1311رنز بنا رکھے ہیں ۔ سنگا کا را نے ٹی ٹوئنٹی سے کنارہ کشی کا اعلان ایسے وقت میں کیا ہے جب وہ بہترین فارم میں ہیں ، انھوں نے حال ہی میں بنگلہ دیش کے خلاف ہونے والی ٹیسٹ سیریز میںاہم اننگز میں تیس سو کا ہندسہ عبور کرنے کا اعزاز حاصل کیا تھا ۔ سری لنکا ٹی ٹوئنٹی ورلڈ کپ میں دنیا کی بہترین ٹیموں ، جنوبی افریقا ، انگلینڈ اور نیوزی لینڈ کے ساتھ گروپ 1میں شامل ہے ۔

میلبورن: آسٹریلیا کی کرکٹ ٹیم کے کپتان مائیکل کلار ک کندھے کی انجری کے باعث شیفلڈ شیلڈ کے فائنل سے باہر ہو گئے ۔ کرکٹ آسٹریلیا نے اعلان کیا کہ کندھے کی انجری کے شکار مائیکل کلارک کو آسٹریلیا کے فرسٹ کلاس سیزن کے اہم ٹورنامنٹ شیفلڈ شیلڈ کے فائنل میں حصہ لینے سے روکا گیا ہے ، فائنل 21سے 25مارچ کے دوران جنوبی اور مغربی آسٹریلیا کی ٹیموں کے درمیان اوول میں کھیلا جائے گا ۔ مائیکل کلا رک جنوبی ریجن کی ٹیم کے کپتان ہیں، کلارک جنوبی افریقا کے خلاف کیپ ٹاﺅن میں تیسرے ٹیسٹ کے دوران کندھے کی انجری کا شکار ہوگئے تھے ۔ آسٹریلیوی ٹیم کے فزیو تھراپسٹ الیکس کونٹورس کا کہنا ہے کہ جب سے کلارک انجری کا شکا ر ہوئے ہیں تب سے مختلف ٹیسٹ کروائے گئے ہیں، ان کا کہنا تھا کہ ہمیں امید ہے کہ کچھ عرصہ آرامکے بعد کلارک مکمل صحت یاب ہو جائیں گے ۔ تاہم اس ہفتے ہونے والے شیفلد شیلڈ کے فائنل میں حصہ نہیں لے سکیں گے ۔

میر پور: ویسٹ انڈیز کر کٹ ٹیم کے جارح مزاج اوپنر کرس گیل نے کہا ہے کہ وہ کسی بھی کنڈیشن میں سنچری بنا نے کی صلاحیت رکھتے ہیں۔ کرس گیل نے ورلڈ کپ میں حصہ لینے والی تمام ٹیموں کو خبردار کیا ہے کہ وہ کسی بھی صور ت حال میں سو رنز بنانے کی صلاحیت رکھتے ہیںجبکہ دوسری جانب ان کا کہنا ہے کہ کنڈیشن کسی بھی بیٹسمین کی کارکردگی پر اثر انداز ہوتی ہے ۔ کرس گیل نے میڈیا سے بات چیت کر تے ہوئے کہاکہ میں دنیا کی کسی بھی پرہر طرح کی کنڈیشنز میں بڑا اسکور کر نے کی صلاحیت رکھتا ہوں، میں اپنی ٹیم کو اس طرح کی شروعات دینا چاہتاہوں ، جو مجھے سنچری کی طرف جانے میں مدد دے گی،تاہم ان کا کہنا تھا کہ کنڈیشنز پر منحصر ہے کہ وکٹ کس طرح کھیلتی ہے،انھوں نے کہاکہ ویسٹ انڈیز انگلینڈ کے خلاف وارم اپ میچ کے لیے تیار ہے ، انھوں نے کہا کہ دفاعی چمپیئن ہو نے کی وجہ سے ہم پر اضافی بوجھ ہے لیکن گیل اور ساتھی کھلاڑی اس چیلنج سے نمٹنے کے لیے تیار ہیں، گیل نے کہا کہ ہم یہاں ٹائٹل کو برقرار رکھنے آئے ہیں اور یہ اتنا آسان نہیں ہے لیکن ہم چیلنج کے لیے تیار ہیں، گیل ورلڈ کپ میں کسی کو فیورٹ قرار دینے کے لیے آما دہ نہیں تھے ، انھوں نے کہاکہ اگر کاغذی کام کے حوالے سے دیکھا جائے تو ہر ٹیم جیتنے کی صلاحیت رکھتی ہے، کسی ایک کے بارے میں پیشن گوئی کر نا مشکل ہے ، اس ٹورنامنٹ میں شامل چھے ٹیمیں جیتنے کی پوری صلاحیت رکھتی ہیں کسی دو ٹیموں کو ہم خاص اہمیت نہیں دے سکتے ،یہ سب اس خاص دن پر منحصر ہو تاہے کہ اس دن کیا ہوتا ہے ، اور کون سی ٹیم اس دن بہتر کھیل کا مظاہرہ کرتی ہے۔ گیل نے کہا کہ ہمیں پولارڈ کی کمی شدت سے محسوس ہو گی اور کیرون پولارڑ کی کمی سے بڑا ثر پڑے گا لیکن ٹیم میں موجود دیگر کھلاڑی وہی ہیں جنھوں نے پچھلے ورلڈ کپ میں شاندار کھیل کا مظا ہرہ کیا تھا ، گیل نے تماشائیوں کو محظوظ کر نے کے حوالے سے کہا کہ میں نے ایک نیا اسٹائل سیکھا ہے اور آئندہ میچوں میں دیکھنے کو ملے گا۔

کیلیفورنیا: عالمی نمبر 2 نوواک جوکووچ اور امریکہ کے جان ایزنر نے انڈین ویلز ٹینس ٹورنامنٹ کے سیمی فائنل میں جگہ بنا لی۔اے ٹی پی سنگلز ایونٹ کے کوارٹر فائنل میں عالمی نمبر 2نوواک جوکووچ کا مقابلہ فرانس کے کھلاڑی جولین بینیٹی سے ہوا۔ سربین اسٹار نے شاندار کھیلکا مظا ہرہ کر تے ہوئے حریف کھلاڑی کو 6-1، 6-3 سے زیر کیا۔ ایک اور میچ میں امریکہ کے جان ایزنر اورلٹویاکے رنیسٹس گلبرن مد مقابل ہوئے۔ جان ایزنر نے سخت مقابلے کے بعد7-6، 7-6 سے فتح سمیٹی۔