حیدرآباد: لاہورمیں نر سوں پر تشددکے خلا ف سول ہسپتال حیدرآباد میں نرسوں نے بازﺅں پر کالی پٹیاںباندھ کر احتجاج کیا اورنعرے لگا ئے ۔اس موقع پر نرسوں کا کہنا تھا کہ لا ہور میں نر سوں نے اپنے حقوق کیلئے احتجاج کیا تھا جہاں پو لیس نے انہیں تشدد کا نشانہ بنا یا جس کی سخت مذمت کی جا تی ہے ،انھوں نے مطالبہ کیا ہے کہ نرسوں پرتشددکر نے والے پو لیس اہلکاروں کے خلا ف کارروائی کی جائے اور ان کو قرار وقعی سزا دی جائے۔

حیدرآباد: امیرجماعت اسلامی ضلع حےدرآبادشیخ شوکت علی اور جنرل سیکریٹری حافظ طاہرمجیدراجپوت کا کہنا ہے کہ کوئٹہ اور پشاور مےں دہشتگردی پاکستان کی سالمیت پر حملہ ہے ۔اسلام اور پاکستان دشمن نہیں چاہتے کہ ملک مستحکم ہواسی لیے دہشتگردی کاخوفناک سلسلہ جاری ہے ۔کوئٹہ اور پشاور مےں ہونے والی دہشتگردی کے پیچھے وہی قوتیں اور ان کے ایجنٹ ملوث ہےں جنھوں نے گزشتہ دنوں اسلام آبادمےں آگ وخون کاکھیل کھیلاتھا،دشمن قوتیں فرضی ناموںسے بم دھماکوں ،خودکش حملوں اورٹارگٹ کلنگ کے ذریعے ملک مےں عدم استحکام پیداکررہی ہےں اور یہ قوتیں چاہتی ہےں کہ حکومت اور طالبان مذاکرات کامیاب نہ ہوںریاست اور گروہ دونوں آپس مےں مستقل دست وگریباں ہوتے رہےں اور دشمن کواپنے مذموم مقاصدپورے کرنے کے مواقع ملتے رہےں۔اسلام آبادکے بعد سانحہ کوئٹہ اور سانحہ پشاور بھی اسی سلسلے کی کڑی ہے۔انھوں نے کہاکہ درجنوں انسانی جانوں کاضیاع انتہائی افسوس ناک ہے لیکن صرف حکومت کی جانب سے مذمت کرنے سے کام نہیں چلے گابلکہ دہشتگردی کی وارداتوں کے پیچھے چھپی ہوئی قوتوں کو ہر صورت بے نقاب کرناپڑے گااور اُن کے ثبوتوں کے ساتھ عالمی برادری مےں پیش کرکے دہشتگردی کامکمل خاتمہ کرناہوگاتاکہ ملک مےں امن وامان قائم ہو۔

حیدرآباد: مقامی کھیلوں کے فروغ کے لئے سیکریٹری اسپورٹس ڈپارٹمنٹ کی ہدایت پر اورڈپٹی کمشنر کے تعاون سے آل سندھ مقابلہءملاکھٹر منعقد کیا گیا۔ ڈسٹرکٹ اسپورٹس آفیسرٹنڈومحمد خان عقیل احمد نے ٹنڈو محمد خان میںمنعقدہ آل سندھ مقابلہءملاکھٹرا2014 کی اختتامی تقریب سے خطاب کرتے ہوئے کہا کہ بہت جلد دیگر کھیلوں کے مقابلے منعقد کئے جائیں گے،انھوں نے کہا کہ کھیلوں کے فروغ سے صحت مند انہ سرگرمیوں کو فروغ حاصل ہو گا،مقا بلے میںسندھ بھر کے35 پہلوانوں نے حصہ لیا،اس موقع پر سندھ ملھ ایسوسی ایشن کے سیکریٹری علی نواز پنھورنے مہمانوں کا شکریہ ادا کرتے ہوئے کہا کہ اگر حکومت کا تعاون اسی طرح جاری رہا تو شاندار مقابلے منعقد کرتے رہیں گے، اس موقع پر سندھ فزیکل ایجوکیشن ایسوسی ایشن کے نائب صدر احمد نواز،سندھ اسپورٹس بورڈ کے مظہر خاصخیلی، پریس کلب ٹنڈو محمد خان کے صدر صدیق چھیپہ صحافی انور شیخ، عمر دارز خان، میڈیا کوآرڈینٹر عامر کفایت، پہلوان اللہ ڈینو پنھور، پہلوان حاکم علی منگہار،پہلوان عبدالستار شیدی، پہلوان جان محمد بگٹی، پہلوان نور حسین پنجابی، بوسکی پنجانی،شیر محمد بھٹی کے علاوہ شائقین کی بڑی تعداد موجود تھی، آخر میں مہمان خصوصی عقیل احمد نے پہلا انعام پہلوان غلام معصطفی نارو،دوسراانعام پہلوان عبدالرحمان پنھور،تیسرا انعام پہلوان حاجی شیدی کو نقد انعامات دیئے۔

حیدرآباد: ڈپٹی ڈائریکٹر پی ڈی ایم اے نثار احمد چنڑ نے کہا ہے کہ تھر میں قحط سالی کی صورتحال سے نمٹنے اور امداد کے لیے پی ڈی ایم اے خیبرپختون خواہ ، پی ڈی ایم اے بلوچستان اور پی ڈی ایم اے پنجاب سے رابطہ کیا گیا ہے۔ یہ بات انہوں نے سرکار کو تفصیلات بتاتے ہوئے کہی۔ انہوں نے مزید کہا کہ پی ڈی ایم اے خیبرپختون خواہ سے امداد کیلئے رابطہ کرنے پر اب تک 60ٹن چاول20 کلوگرام کے حساب سے 12ہزار آٹے کی بوریاں ، 36ٹن چینی ، 60 ٹن مختلف دالیں، 10 ٹن چائے، 12 ہزار ٹن آئل ، 2لاکھ 16 ہزار منرل واٹر کی بوتلیں ، 1 ٹن نمک، 10 ٹن کھجور، 15ہزار بسکیٹ پیکیٹس، خشک دودہ کے چار ہزار پیکیٹس، پندرہ ہزار ہائی انرجی بسکیٹ کے پیکیٹس ، پانچ ہزار سیریلک کے پیکیٹس ، اور او ۔آر۔ایس کے دس ہزار پیکیٹس فراہم کئے گئے ہیں۔ انہوں نے بتایا کہ پی ڈی ایم اے بلوچستان کی جانب سے پچاس کلوگرام کے پندرہ سو چاول کے تھیلے بھی فراہم کیئے گئے ہیں۔ اس کے علاوہ پی ڈی ایم اے پنجاب نے بھی امداد کے لئے رابطہ کیا ہے ۔ انہوں نے مزید کہا کہ پی ڈی ایم اے سندھ کی جانب سے پچاس کلوگرام کے320 چاول کے تھیلے، اور 12 ہزار راشن کے تھیلے فراہم کئے گئے ہیں۔ انہوںنے مزید بتایا کہ چیمبر آف کامرس کراچی کی جانب سے تین امدادی سامان کے ٹرک بھیجے گئے ہیں ، جس میں ایک ٹرک پانی کی بوتلوں ، ایک ٹرک خشک دودھ کی اور ایک ٹرک چاول کاشامل ہے ۔ انہوں نے مزید بتایاکہ پی ڈی ایم اے سکھرنے لو بسکٹ کمپنی سے بھی رابطہ کیا ہے اورانہوں نے اس سلسلے میں12 ہزار ہائی انرجی بسکٹ اور مزید 25ہزار راشن بیگز بھی فراہم کرنے کا کہا ہے ۔ ڈپٹی ڈائریکٹر پی ڈی ایم اے نثار احمد چنڑنے مزید بتایا کہ تھر میں قحط سالی کے خاتمے اور مستقل بنیادوں پر حل کے لئے پی ڈی ایم اے کی جانب سے لانگ ٹرم منصوبے شروع کرنے کا پروگرام بنایا گیا ہے۔