پشاور (پی پی آئی) خیبرپختونخوا کی نگران حکومت نے صوبے میں مفت علاج کی سہولت معطل کردی ہے۔ پی پی آئی کے مطابق خیبر پختونخوا کے ہسپتالوں میں اب صحت کارڈ ذریعے علاج نہیں ہوگا، حکومتی فیصلے کے بعد عوام میں شدید اضطراب پایا جاتا ہے، خیبرپختونخوا کی شہریوں کا کہنا ہے کہ بے پناہ مہنگائی میں دو وقت کی روٹی کھانا مشکل ہو رہا ہے، ایسے میں ایک ہی سہولت میسر تھی لیکن بدقسمتی سے اسے بھی ختم کیا جارہا ہے۔ دوسری جانب سرکاری حکام نے ہیلتھ انشورنس پروگرام معطل ہونے کی تصدیق کرتے ہوئے کہا ہے کہ معاشی صورتحال کے باعث مفت علاج کی سہولت بہت ہی مشکل سے فراہم کی جارہی تھی تاہم فی الحال اس سہولت کو جاری رکھنا مشکل ہوگیا ہے تاہم انشورنس کمپنی کو جلد ادائیگی کردی جائے گی، جس سے علاج دوبارہ شروع ہوجائے گا۔
حیدرآباد: تھر میں قحط اور بچوںکی ہلاکت ، جسقم کا حکومت کے خلاف مظاہرہ
انڈین ویلز ٹینس: فیڈرر ، اینڈی مرے اور نڈال تیسرے راﺅنڈ میں
ٹی ٹوئینٹی ورلڈ کپ کے لیے آفیشلز کا اعلان
ورلڈ کپ فٹ بال:فٹ بال اسٹیڈیم ارینا آمیزونیاکا افتتاح
ویسٹ انڈیز نے پہلے ٹی ٹوئنٹی میں انگلینڈ کو 27رنز سے شکست دے دی
ایشین باڈی بلڈنگ چمپیئن شپ : پاکستان نے جیت لیا
تازہ ترین خبریں
اشتہار
تازہ ترین
فرخ حبیب نے جو کہا دل سے کہا،مجھ سے ہمیشہ مشورہ لیتے تھے،عون چودھری
سلام آباد (پی پی آئی)استحکام پاکستان پارٹی کے ترجمان عون چودھری نے کہا ہے کہ فرخ حبیب سے میری کچھ دن پہلے ملاقات ہوئی۔پی پی آئی کے مطابق عون چودھری نے بتایا کہ فرخ حبیب سے میرا ذاتی تعلق ہے،انہوں نے بڑی محنت سے اپنا مقام بنایا۔ فرخ نے پریس کانفرنس میں جو کچھ بولا وہ دل سے بولاہے۔انہوں نے کہا ہے کہ وہ مجھ سے ہمیشہ مشورہ لیتے تھے۔ فرخ نے10دن پہلے مجھ سے رابطہ کیا، میری ان سے کچھ دن پہلے ملاقات بھی ہوئی۔ہم پہلے بھی ساتھ کام کر چکے ہیں، آئی پی پی میں آنے کا فیصلہ ان کا ذاتی ہے۔ ان کی مہربانی ہے کہ انہوں نے آئی پی پی میں شمولیت اختیار کی ہے۔عون چودھری کا کہنا تھا کہ مجھے نہیں پتہ کہ فرخ اس سے پہلے کہاں تھے، میرے اور بھی دوست جو دور ہیں وہ بھی رابطے میں ہیں وہ بھی پارٹی میں آئیں گے۔انکا مزید کہنا تھا کہ اپناضمیر کا فیصلہ اپنی مرضی سے خود کرنا چاہئے، ہم ملک میں استحکام چاہتے ہیں۔
سپریم کورٹ نے خیبرپختونخوا میں بجلی کی لوڈشیڈنگ کے خاتمے کا فیصلہ کالعدم قرار دیدیا
اسلام آباد (پی پی آئی)سپریم کورٹ نے خیبرپختونخوا میں بجلی کی لوڈشیڈنگ کے خاتمے کا فیصلہ کالعدم قرار دیدیا،عدالت نے بل ادا کرنے والے صارفین کو بجلی کی بلاتعطل فراہمی کا پشاور ہائیکورٹ کا فیصلہ کالعدم دیدیا،پی پی آئی کے مطابق عدالت نے کہاکہ پشاور ہائیکورٹ کا لوڈشیڈنگ کے خاتمے کا حکم قانون کے برخلاف ہے۔پی پی آئی کے مطابق سپریم کورٹ نے ہدایت کی کہ لوڈشیڈنگ سے متاثرہ افراد نیپرا سے رجوع کریں،عدالت نے کہاکہ قانون میں ڈسکوز کیخلاف نیپرا اتھارٹی ٹربیونل کے فورم قائم کئے گئے، متعلقہ فورم کے ہوتے ہائیکورٹ براہ راست حکم جاری نہیں کر سکتی،وکیل پیسکو نے کہاکہ ہائیکورٹ نے لوڈشیڈنگ کی صورت میں حکام کیخلاف مقدمات کرانے کا حکم دیا،لوڈشیڈنگ پورے ملک کا مسئلہ ہے پیسکو حکام کیخلاف مقدمات بلاجواز ہونگے،وکیل جواب دہندہ نے کہا کہ عدالت نے گزشتہ حکم میں لوڈشیڈنگ کی تفصیلی مانگی تھی،ہائیکورٹ نے کہا ہے کہ بل دینے والوں کو بجلی فراہم کی جائے۔جسٹس منیب اختر نے کہاکہ اس معاملے میں کئی تکنیکی نکات بھی آسکتے ہیں عدالت کیسے جائزہ لے گی، جن فیڈرز سے ریکوری نہیں ہو رہی ان کا کیا کریں گے،جسٹس اعجاز الاحسن کی سربراہی میں 3رکنی بنچ نے پیسکو کی اپیل منظور کرلی۔
تحریک انصاف کی بزرگ اور بیمار خاتون رہنما یاسمین راشد کی ضمانت خارج
لاہور(پی پی آئی)تحریک انصاف کی بزرگ اور بیمار خاتون رہنما یاسمین راشد کی ضمانت خارج کر دی گئی۔پی پی آئی کے مطابق تھانہ شاد مان حملہ کیس میں سابق صوبائی وزیر یاسمین راشد کی جانب سے ضمانت کی درخواست دائر کی گئی تھی، پراسیکیوٹر نے عدالت کو آگاہ کیا کہ یاسمین راشد تھانہ شادمان کیس میں دوبارہ جسمانی ریمانڈ پر ہیں، مقدمے میں نئی دفعات کا اندراج کیا گیا ہے۔ درخواست ضمانت قابل سماعت نہیں رہی۔ جج ارشد جاوید نے دونوں جانب سے وکلا کے دلائل سننے کے بعد درخواست ضمانت خارج کر دی۔واضح رہے کہ یاسمین راشد کینسر کے موذی مرض میں مبتلا ہونے کے سبب شدید بیمار ہیں۔
تلاش کریں
خبریں
حیدرآباد: تھر میں قحط اور بچوںکی ہلاکت ، جسقم کا حکومت کے خلاف مظاہرہ
(March 11, 2014)
حیدرآباد: تھرمیں قحط کے باعث بچوں کی ہلاکت اورسندھ حکومت کی نااہلی کے خلا ف جئے سندھ قومی محاذ کی جانب سے پر یس کلب حیدرآبادکے سامنے مظاہرہ کیاگیا ۔ اس موقع پر ضلعی رہنمامسرورتھیبواوررحمن پیرزادونے کہا کہ تھرمیں قحط سالی کے سبب ڈیڑھ سو سے زائد بچے جاںبحق ہو ئے ہیں لیکن حکومت سندھ کے مشیروںاور وزیروں کی خاطر تواضع بروسٹ سے کیاجارہا ہے ،انھوں نے کہا کہ پی پی کے وزیر اورمشیر کرپشن میں لگے ہو ئے ہیں دسری جانب تھرمیں بے شمار انسانی جانیں ضائع ہو رہی ہیں ،انہوں نے کہا کہ افسوس کی بات ہے کہ ملک قدرتی وسائل سے مالاہے لیکن اس ملک کے مکین بھوک سے مر رہے ہیں ،انھوں نے وفاقی اورصوبائی حکومت سے مطالبہ کیاہے کہ وہ فوری طورپر تھر کے متاثرہ افراد کی مددکریں ۔
انڈین ویلز ٹینس: فیڈرر ، اینڈی مرے اور نڈال تیسرے راﺅنڈ میں
(March 10, 2014)
کیلیفورنیا: انڈین ویلز ٹینس ٹور نامنٹ میںسوئزر لینڈ کے راجر فیڈرر،برطانیہ کے اینڈی مرے اور اسپین کے رافیل نڈال نے تیسرے راﺅنڈ میں جگہ بنا لی۔کیلیفورنیا میں جاری انڈین ویلز ٹینس ایونٹ کے مینز سنگلزمقابلوں کے دوسرے راﺅنڈ میں سوئٹزرلینڈ کے روجر فیڈرر نے فرانسیسی حریف پال ہینری کو دلچسپ مقابلے کے بعد اسٹریٹ سیٹس میں شکست دے دی۔ان کی فتح کا اسکور چھ دو اور سات چھ رہا۔ دوسرے سنگلزمیچ میں برطانوی اسٹار اینڈی مرے نے جمہوریہ چیک کے لیوکس رسول کو شکست دی۔ اینڈی مرے کو ایک گھنٹہ پینتا لیس منٹ کے مقابلے کے بعد چار چھ، چھ تین اور چھ دو سے کامیابی حاصل ہوئی۔دوسری جانب ٹور نا منٹ میں اسپین کے رافیل نڈال نے چیک ری پبلک کے راڈک اسٹپنک کو شکست دی نڈال کی فتح کا اسکور دو چھ، چھ چار،اور سات پانچ رہا۔دوسرے راﺅنڈ میں اسٹانسلاس واورنکا نے کروشیا کے ٹینس کھلاڑی کو شکست دیکر تیسرے راﺅنڈ کیلئے کوالیفائی کیا۔
ٹی ٹوئینٹی ورلڈ کپ کے لیے آفیشلز کا اعلان
(March 10, 2014)
دبئی: آئی سی سی نے ٹی ٹوئنٹی ورلڈ کپ کے لیے آ فیشلز کا اعلان کر دیا ، آفیشلز میں پاکستان کے علیم ڈار بھی شامل ہیں۔پیر کو آئی سی سی نے بنگلہ دیش میں ہو نے والے ٹی ٹو ئینٹی ورلڈ کپ کے لیے آفیشلز کا باقاعدہ اعلا ن کیا جس میں پاکستان کے علیم ڈار سمت گیا رہ ایمپا ئروں اور چار ریفریوں کا اعلان کر دیا ۔ آفیشلز میں ڈیوڈ بون، رنجن مدوگالے ، روشن ماہناما اور انڈیا کے سری ناتھ ریفری کے فرائض سر انجام دیں گے جبکہ ایمپائرنگ کے لیے آئی سی سی ایلیٹ پینل میں شامل تما م گیارہ ایمپائروں کو منتخب کر دیا گیا ہے ۔
ورلڈ کپ فٹ بال:فٹ بال اسٹیڈیم ارینا آمیزونیاکا افتتاح
(March 10, 2014)
مناﺅس: برازیل کے شہر منا ﺅس میں زیر تعمیر فٹ بال اسٹیدیم ارینا آمیزونیاکا افتتاح کر دیا گیا۔ورلڈ کپ فٹ بال2014کے لیے زیر تعمیر اسٹیڈیم ارینا دا آمیزو نیا کاباقا عدہ افتتا ح کر دیا گیاجہاں اتوار کو برازیل کی مقا می فٹ بال ٹیموں کے درمیان مقابلہ ہو گا ۔ اس میچ کو دیکھنے کے لیے بیس ہزار ٹکٹیں فروخت ہوئی ہیں جس میں سات ہزار ٹکٹیںاسٹیڈیم کے ملازمین کے لیے مختص کر دی گئی ہیں۔ 285ملین کی لاگت سے تعمیر ہو نے والے اس اسٹیڈیم کی تعمیر کے دوران تین افراد اپنی جا ن سے گئے۔ اسٹیڈیم میں 45ہزار تما شائیوں کی گنجائش مو جو د ہے۔ جبکہ اس اسٹیڈیم میں ورلڈ کپ فٹ بال2014 کا پہلا میچ 14جون کو انگلیند اور اٹلی کے درمیان ہوگا ۔
ویسٹ انڈیز نے پہلے ٹی ٹوئنٹی میں انگلینڈ کو 27رنز سے شکست دے دی
(March 10, 2014)
برج ٹاﺅن: ویسٹ انڈیز اور انگلینڈ کے درمیان جاری ٹی 20 سیریز کے پہلے میچ میں ویسٹ انڈیز نے انگلینڈ کو 27 رنز سے شکست دے کرسیریز میںبرتری حاصل کر لی۔ کنگسٹن میں کھیلے گئے پہلے ٹی 20 میں ویسٹ انڈیز نے ٹاس جیت کر پہلے بیٹنگ کا فیصلہ کیا تو اوپنر ڈیوائن سمتھ اور کرس گیل نے57 رنز کا عمدہ آغاز فراہم کیا ۔ ویسٹ اندیز کی جانب سے کرس گیل نے 43 ،مارون سیمول نے شاندار 69 رنز کی اننگز کھیلی اور ناٹ آﺅٹ رہے جبکہ سیمن 3 اور اینڈرے رسل نے 24 رنز بنائے اور ناٹ آﺅٹ رہے۔ انگلینڈ کی طرف سے بوپارا نے 2 جبکہ ٹریڈول نے ایک کھلاڑی کو آﺅٹ کیا۔ 170 رنز کے جواب میں انگلینڈ کی پوری ٹیم مقررہ 20 اوور میں 143 رنز ہی بنا سکی جبکہ اس کے 9 کھلاڑی آوٹ ہوئے ، انگلینڈ کی طرف سے برسنن نے 47 رنز بنائے اور ناٹ آﺅٹ رہے جبکہ بوپارا 42 رنز بنا کر نمایاں رہے۔ ویسٹ انڈیز کی طر ف سے بدری ناتھ نے 17 رنز دیکر 3 کھلاڑیوں کو آﺅٹ کیا جبکہ مارون سیمیول نے 2، سنیل نارئن اور براﺅو نے ایک ایک کھلاڑی کو آﺅٹ کیا مارون سیمویل کو شاندار آل راﺅنڈ پرفارمنس پر مین آف دی میچ کا ایوارڈ دیا گیا۔ ویسٹ انڈیز کو سیریز میں 1-0 کی برتری حاصل ہوگئی دونوں ٹیموں کے درمیان سیریز کا دوسرا میچ 11 مارچ کو کھیلا جائے گا۔
ایشین باڈی بلڈنگ چمپیئن شپ : پاکستان نے جیت لیا
(March 10, 2014)
لاہور: دسویں ایشین باڈی بلڈنگ چمپیئن شپ پاکستان نے 49پوائنٹس کے ساتھ جیت لی ۔ الحمرا ہال لاہور میں یوتھ فیسٹول کے زیر اہتمام مسٹر ایشیا اور جونیئر مسٹر ساﺅتھ ایشیا کے مقابلے ہوئے ، دونوں مقابلے میزبا ن پاکستان نے جیت لیے ۔ مقابلوں میں پاکستان ، افغا نستان اور نیپال کے 40تن سازوں نے سینیئرز کی 9اور جونیئر ز کی 2کیٹگریوں میں حصہ لیا ، پاکستان نے مجمو عی طور پر 49افغانستان 31اور نیپا ل نے10پوائنٹ حاصل کیے ۔چمپیئن شپ کے اختتامی تقریب میں فاتح تن سازوں میں ٹرافیاں اور سرٹیفیکٹس تقسیم کیے گئے۔ مہمان کھلاڑیوں نے پاکستانیوں کے اچھے برتاﺅ کی تعریف کی اور کہا کہ پاکستان ایک پر امن ملک ہے اور دہشت گردی کا پرو پیگنڈہ بے بنیاد ہے۔