برج ٹاﺅن: ویسٹ انڈیزکرکٹ ٹیم کے کپتان ڈیرن سیمی نے کہا ہے کہ ورلڈ کپ ٹی ٹوئنٹی کا دفاع بہت مشکل ضرور ہے لیکن ہم اس کے لیے تیا ر ہیں۔ ویسٹ انڈین کپتان نے کہا کہ بنگلہ دیش میں ہونے والے ٹی ٹوئنٹی ورلڈ کپ میں شامل تما م کھلاڑیوںکو نئے سرے سے اپنے کھیل کا آغا ز کر نا ہوگا ، انھوں نے کہا کہ ورلڈ چمپیئن کہلا نا بہت اچھا لگتا ہے لیکن اب یہ ماضی کا حصہ بن چکا ہے ، ہمیں بنگلہ دیش میں نئے سرے سے اپنے کھیل کا آغاز کر نا ہے ، اور ٹیم کے تما م کھلاڑیوں کو سری لنکامیں دی گئی کا رکردگی کو دوبارہ دہرانا ہوگا ۔ ہمیں متحد ہوکر اپنی قوم کے لیے اور ٹرافی کے حصو ل کے لیے کھیلنا ہوگا ۔ اس وقت ہم دفاعی چمپیئن ہیں اور اس کے لیے ہم نے اچھی خاصی تیاری کی ہے۔ ڈیرن سیمی نے کہاکہ ہم اس دفعہ کیرون پولارڑ کی کمی کو سختی سے محسوس کریںگے ،پولارڑہماری ٹی ٹوئنٹی ٹیم کا تجربہ کار ترین کھلاڑی ہیں،تاہم دیگر کھلاڑیوں نے بھی انٹر نیشنل کرکٹ میں اپنا لو ہا منوایا ہے ، ان کا کہنا تھا کہ ہم جانتے ہیںکہ ہم نے پوری تندہی سے کھیلا تو ایک دفعہ پھرہم ٹی ٹوئنٹی چمپیئن بن جائیں گے ۔2012 ورلڈ کپ میںقسمت نے ویسٹ انڈیز کا بھر پور ساتھ دیا تھا،آسٹریلیا کے خلاف بارش سے متا ثرہ لیگ میچ کو ڈک ورتھ لوئس سسٹم کے تحت ویسٹ انڈیز کو فاتح قرار دیا گیا جبکہ آئر لینڈ کے خلاف آخری میچ بھی بغیر کسی نتیجے کے ختم ہو گیا تھایوں ویسٹ انڈیز رین ریٹ کی بنیاد پر پری کورٹر فائنل میںپہنچ گئی اور پھرکامیابی کے ساتھ چمپیئن کا تاج اپنے سرسجا یا۔

پیرس:  فٹ بال ورلڈ کپ 2014کی ٹرافی پیرس پہنچ گئی۔ برازیلین لیجنڈ پیلے نے ٹرافی کا استقبال کیا۔ فیفا ورلڈ کپ ٹرافی اپنے سفر میں فرانس کے دارلحکومت پیرس پہنچ گئی۔ برازیلین لیجنڈ پیلے نے ٹرافی کا استقبال کیا۔ ٹرافی کی ایک جھلک دیکھنے کیلئے شائقین کی بڑی تعداد ٹاﺅن ہال پہنچ گئی۔ منتظمین کے مطابق ایک گھنٹے کے دوران تقریبا چار سو افراد نے ٹرافی کا دیدارکیا۔ 1958،1962 اور1970کے ورلڈ کپ کی فاتح برازیلین ٹیم کے رکن پیلے کا کہنا تھا کہ انہیں امید ہے کہ برازیل ورلڈ کپ کا انعقاد اچھے انداز میں کرے گا۔ برازیل کے لوگ خوش قسمت ہیں کہ انھیںورلڈ کپ، کنفڈریشنز کپ اور اولمپکس جیسے بڑے ایونٹس کی میزبانی کا اعزاز حاصل ہوا۔

میڈرڈ: بلجیئم کی فٹ بال ٹیم کے گول کیپر تھیبو کورٹوئس نے ریال میڈرڈ میں شمولیت کے حوالے سے خبروں کی تردید کی ہے۔ اسپینش فٹ بال لیگ میں اٹلیٹکو میڈرڈ کی نمائندگی کر نے والے انٹر نیشنل گول کیپر کے بارے میں خبریں آرہی تھیں کہ انھوں نے اٹلیٹکو کے منیجر گل مکرن کو کہاہے کہ وہ اس سیزن کے اختتام پر کلب چھوڑکر ریال میڈرڈ میں شمولیت اختیار کر نے والے ہیںتاہم تھیبو نے ان تما م خبروں کی تردید کی ہے ، جبکہ تھیبو کے مستقبل کے حوالے سے ابھی تک کچھ واضح نہیں ہے ، لیکن انھوں نے ریال میڈرڈ سے کسی بھی قسم کے تعلق کی سختی سے تردید کی ہے۔ تھیبو نے اپنے بیان میں کہا ہے کہ یہ خبر مکمل طور پر جھوٹ پر مبنی ہے کیونکہ میں گل مکرن کے ساتھ ایسی کوئی بات نہیں کر سکتا، انھوں نے کہا کہ ہر کوئی جانتا ہے کہ میرا چیلسی کے ساتھ بھی معاہدہ ہے اور میں اٹلیٹکو میںخوش ہوں ۔ جبکہ دوسرے ذرائع کا کہنا ہے کہ اٹلیٹکو چیلسی کے ساتھ مذاکرات کر رہے ہیں کہ اگلے سیزن کے اختتام پر گول کیپر کے ساتھ طویل مدتی معاہدہ کیا جائے ۔

لندن: انگلینڈ کرکٹ بورڈ نے ورلڈ کپ ٹی ٹوئنٹی کے دوران کھلاڑیوں کی کارکردگی اور فٹنس کے مسائل سے نمٹنے کے لیے ون ڈے ٹیم کے کوچ گراہم تھارپ کوٹیم کے ساتھ بنگلہ دیش بھیجنے کا فیصلہ کیا ہے۔ دورہ ویسٹ انڈیز میں فٹنس مسائل سے دو چار رہنے والی انگلش ٹیم کی کار کردگی کو بہتر بنانے اور فٹنس مسائل کو حل کرنے کے لیے گراہم تھا رپ کو طلب کر لیاگیا ہے ۔ بیٹس مین جوئے روٹ کی ورلڈ کپ سے باہر اور اسٹورٹ براڈ سمیت ای این مورگن بھی انجریز کا شکار ہیں، تاہم تھارپ پر امید ہیں کہ انگلش بیٹس مین ورلڈ کپ میں اسپنروں کو اچھا کھیلیں گے۔ گراہم تھارپ کا کہنا تھا کہ اسپنروںکو کھیلنا ہمارے لیے کبھی آسان نہیں رہا ،اور نہ ہم نے مسلسل اسپنروں کے خلاف کھیلا ہے، اس لیے ہمیں اپنی صلاحیتوں کو مزید ابھارنے کی ضرورت ہے ۔ہمیں ان کھلا ڑیوںکو دیکھنا ہوگا جن کے پاس گیم کی منصوبہ بندی ہے اور بنگلہ دیش میں کھیلنے کی اہلیت بھی رکھتے ہیں، یہ بھی دیکھنا ہوگا کہ کھلاڑی بنگلہ دیش میں تیز کھیلنے اور بڑے اسکور کرنے کی اہلیت رکھتے ہیں ۔گراہم تھارپ کاکہنا تھا کہ اس ورلڈ کپ میں اسپنسروں کا راج ہوگا کیونکہ ایشیا کپ کے تمام میچوں میں اسپنر چھائے رہے ، اسپنروںسے نمٹنے کے لیے ہمیں کھل کر کھیلنا ہوگا اور کوشش کر نی ہوگی کہ گیند کو زیا دی سے زیا دہ گراﺅند سے باہر پہنچادی جائے ہوسکتاہے کہ ہم باﺅلرزکو صحیح سمجھ نہیں پائیں ایسی صورت حال میں ہمیں دلبرداشتہ نہیں ہو نا چاہیے ، اتوارکے روز ویسٹ انڈیز کے خلا ف ہونے والی ہماری کارکردگی کو دیکھتے ہوئے ہم یہاں بیٹھ کر یہ نہیں کہہ سکتے کہ ہم اسپنرز کے خلا ف بہت اچھا کھیلیںگے۔

ملبورن: رگبی انٹرنیشنل فیڈریشن نے 2017ءمیں منعقد ہونے والے رگبی لیگ ورلڈ کپ کی میزبانی مشترکہ طور پر آسٹریلیا اور نیوزی لینڈ کو دی۔ دونوںممالک تیسری بار ایک ساتھ میگا ایونٹ کی میزبانی کریںگے ، اس سے قبل 1968ءاور1977ء میں منعقد ہوئے ورلڈ کپ کی میزبانی بھی کر چکے ہیں۔ آر ایل ایف کی طرف سے جاری کردہ بیان کے مطابق میگا ایونٹ کی میزبانی کے لیے جنوبی افریقا بھی دوڑ میں شامل تھا لیکن تمام اراکین کی مشاورت کے بعد آسٹریلیا اور نیوزی لینڈ کو میگا ایونٹ کی میزبانی کی ذمہ داری سونپی گئی ہے تاکہ میگا ایونٹ کا کامیاب اور یادگار انعقاد ممکن ہو سکے ، 2017ءمیں منعقد ہونے والے میگا ایونٹ میں آسٹریلوی ٹیم ٹائٹل کے دفاع کے لیے میدان میں اترے گی ۔