جے پور: بھارتی کر کٹ بور ڈ کے نائب صدر راجیو شکلا نے کھلاڑیوں کو خبر دار کیا ہے کہ اگر آئی پی ایل کے ساتویں ایڈیشن میں کو ئی کھلاڑی میچ فکسنگ میں ملوث پایا گیاتو اس سے تاحیات پا بندی کا سامنا کر نا پڑے گا۔ شکلانے کہا کہ بی سی سی آئی میچ فکسنگ کے حوالے سے کسی قسم کی کوتاہی بر داشت نہیں کرے گا ، انھوں نے کھلاڑیوں کو خبر دار کرتے ہوئے کہا کہ اگر کوئی بھی کھلاڑی میچ فکسنگ کر تے ہوئے پایا گیا تو اس کے لیے تاحیات کر کٹ کے دروازے بند کر دیے جائیں گے ۔ جے پور میں بھوج پوری فلم اسٹار روی کرشن کی پولنگ کمپین کے سلسلے میں جے پور آئے ہوئے بی سی سی آئی کے نائب صدرراجیوشکلا نے میڈیا سے بات چیت کر تے ہوئے کہا کہ بی سی سی آئی اور آئی پی ایل گورننگ باڈی، آئی پی ایل کے پچھلے سیزن میں اسپاٹ اور میچ فکسنگ کے الزامات کے بعد اس دفعہ ان تما م غیر قانونی کاموں سے بچنے کے لیے چوکس ہے، اورآئی پی ایل کے تمام میچز کا باریک بینی جائز ہ لیا جائے گا، فکسنگ کے حوالے کوئی شکایت آئی تو اینٹی کرپشن اینڈ سیکورٹی یونٹ بڑے سختی سے اس کی چھان بین کرے گا، الزاما ت ثابت ہونے کی صورت میں اس کھلاڑی پر تاحیات پابندی لگا دی جائے گی۔

سینٹ کٹس: سینٹ کٹس کے کر کٹ اسٹیڈیم وارنر پارک کو کریبئین پریمئر لیگ کے فائنل کے لیے منتخب کر لیا گیا ۔ 2007کے آئی سی سی ورلڈ کپ کے لیے تعمیر کرد ہ اس اسٹیڈیم میں جولائی2014 سے شروع ہونے والی کریبئین لیگ کا سیمی فائنل اور چھے لیگ میچ بھی کھیلے جائیں گے۔ فائنل کے لیے وارنر پارک کا انتخاب اسٹیڈیم کی تزئین وآرائش کے بعد کیا گیاہے ۔سینٹ کٹس کے وزیر کھیل گلین فلپ کا کہنا ہے کہ اسٹیڈیم کو سی پی ایل کے فائنل کے لیے منتخب کیے جانے کی خوشی میں آفیشلز اور آٹھ ہزار افراد جشن منانے کی تیا ری کر رہے ہیں۔

ڈربن: جنوبی افریقی کر کٹ بورڑ نے سابق کھلاڑی اور کوچ گیری کرسٹن کو آسٹریلیا کے خلا ف بقیہ میچوں میں ٹیم کی مددکے لیے کنسلٹنٹ مقرر کردیا۔گیری کرسٹن مئی 2013میں ہیڈ کوچ کی ذمہ داریوں سے سبک دوش ہونے کے بعد پروٹیز کے بیٹنگ کنسلٹنٹ کی حیثیت سے ذمہ داریاں نبھا رہے تھے۔ کرسٹن کی کنسلٹنٹ کی تقرری پر ٹی ٹوئنٹی کے کپتان فیف ڈوپلیسی نے خوش کا اظہار کر تے ہوئے کہا ہے کہ ہماری ٹیم میں ان کی موجودگی ہمیشہ مثبت رہی ہے، وہ ہماری ٹیم کے بارے میں بہتر جانتے ہیں اور خصو صاً میرے لیے ان کے قیمتی مشورے بہت اہمیت رکھتے ہیں،کیونکہ وہ ہمیں گیم کی منصوبہ بندی کے حوالے سے ہماری رہنمائی کر تے ہیں۔فیف ڈوپلیسی کا کہنا تھا کہ ٹی ٹوئنٹی کے فارمیٹ میں آسٹریلیا بہت خطرنا ک ٹیم ہے،ان کی اصل طاقت ارون فلنچ اور ڈیوڈ وارنر ہیں جو میچ کے ابتدائی لمحات میں تیز کھیلنے کے ماہر ہیں تاہم ہمارے پا س میچ کے وسط اور اختتام کے لیے بہترین کھلاڑی موجود ہیں۔جنوبی افریقا ٹی ٹوئنٹی ورلڈ کپ کے گروپ 1میں سری لنکا ، انگلینڈ اور نیوزی لینڈ کے خلا ف نبرد آزما ہو گا۔

میڈرڈ: اٹیلیٹکو میڈردڈنے اے سی میلان کو4-1سے شکست دے کر کوارٹر فائنل میں جگہ بنالی۔ اسٹار کھلاری ڈیاگو کوسٹا کے خوبصورت دو گول کے بدولت اٹلیٹکو میڈرڈ نے اے سی میلان کو باآسانی 4کے مقابلے میں 1گول سے شکست دے کر کوارٹر فائنل میں جگہ بنالی۔ سان سیرو اسٹیڈیم میں کھیلے گئے میچ کے پہلے ہاف میں دو صفر کی برتری حاصل کر نے بعد دوسرے ہاف کے ابتدا میں اے سی میلان کے کا کا نے گول کرکے میچ کو سنسی خیز بنا دیا تاہم ایٹلیٹکوکی طرف سے ڈیاگو کے بہترین گول نے میلا ن کو شکست سے دو چار کر دیا ۔

ڈربن: آسٹریلوی کرکٹ ٹیم کے آل راﺅنڈر شین واٹسن نے کہاکہ آسٹریلیا بنگلہ دیش میں ہونے والے ٹی ٹوئنٹی ورلڈ کپ کے لیے فیورٹ ہے ۔ ٹی ٹوئنٹی ورلڈ کپ واحد ٹرافی ہے جو ابھی تک آسٹریلوی کرکٹ سے روٹھی ہوئی ہے ، آسٹریلیا کو2010کے ورلڈ کپ میں فائنل تک رسائی کے باوجود انگلینڈ کے ہا تھوں شکست کا سامنا کر نا پڑا تھا ۔ شین واٹس اب تک کھیلے گئے چاروں ورلڈ کپ میں آسٹریلیا کی نمائندگی کر چکے ہیں، ا ن کا کہنا ہے کہ موجودہ آسٹریلوی ٹیم گزشتہ ورلڈ کپ میں شرکت کر نے والی تمام ٹیموں سے بہترین ٹیم ہے ، جنوبی افریقاکے خلا ف دوسرے ٹی ٹوئنٹی کے دوران واٹسن کا کہنا تھا کہ ہما رے پاس ایک سے نمبر دس تک تمام کھلاڑی کسی بھی ٹیم کو تہس نہس کر نے کی صلا حیت رکھتے ہیں، اسی طرح ہمارے پاس عمدہ فاسٹ بولرزاور بہترین اسپنرز موجو د ہیں۔ واٹسن کا کہنا تھا کہ موجودہ اسکواڈ ٹی ٹوئنٹی ورلڈ کپ میں برصغیر کی کنڈیشن سے جلد ہی ایڈجسٹ کر لے گا ، ان کا کہنا تھاکہ میرے خیال میں جو صلاحیت ہمارے اسکواڈ میں ہے شاید ہی کسی اور ٹیم میں ایسا ہو، ہم کسی بھی جگہ کسی بھی ٹیم کو ہرانے کی صلاحیت رکھتے ہیں اس لیے ورلڈ کپ جیتنے کے لیے ہم فیورٹ ہیں۔آسٹریلیا ورلڈ کپ سے پہلے جنوبی افریقا کے خلا ف ٹی ٹوئنٹی سیریز میں مصروف ہے جبکہ ورلڈ کپ میں ان کا پہلا میچ پاکستان کے خلاف23مارچ کو ہو گا۔