اسلام آباد(پی پی آ ئی ) کاوَنٹر ٹیررازم ڈیپارٹمنٹ کی جانب سے حساس اداروں کی مدد سے دارالحکومت اسلام آباد میں سرچ آپریشن کیا گیا ہے، مختلف علاقوں سے غیر قانونی طور پر مقیم 3سو سے زائد افغان باشندوں کو گرفتار کر لیا گیا ۔ تفصیلات کے مطابق بہارہ کہو، ترنول، مہرآبادیاں ، گولڑہ، شمس کالونی اور دیگر علاقوں میں غیر قانونی طور پر مقیم افغانیوں کے خلاف آپریشن کیا گیا،آپریشن کے دوران 800 افغان باشندوں کو گرفتار کیا گیا،گرفتار افغان باشندوں میں 400 کو پروف آف ریزیڈنس ہونے پر رہا کر دیا گیا، 375 افغان باشندوں کے پاس کوئی شناختی دستاویزات موجود نہیں جن کو حراست میں لے لیا گیا،25 افغان باشندوں کی دستاویزات کی تصدیق تک ان کو حراست میں رکھا گیا ہے، 375 افغان باشندوں کو کاروائی مکمل ہونے پر بارڈر پار بھیجا جائےگا ۔ یہ بھی پڑھیں :محمد بن سلمان نے اپنی مہنگی گاڑی بچے کو تحفے میں دے دی،لیکن کیوں ;238; ذراءع کا کہنا ہے کہ آپریشن سے قبل خفیہ معلومات کی بنا پر لسٹیں بھی مرتب کی گئیں ،کئی جرائم پیشہ افغان باشندوں کی نشاندھی بھی ہوئی ہے،آنے والے دنوں میں آپریشن میں مزید تیزی آئے گی ۔
جنوبی افریقی کرکٹ بورڈ کی زمبابوے کو ٹیسٹ میچ کھیلنے کی پیشکش
غیرملکی کوچز نے ٹیم کو بلندی پر لے جانے میں بھرپور محنت کی: ذکاءاشرف
بھارتی ہاکی ٹیم رواں برس مارچ میں پاکستان کا دورہ کرے گی
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
اسنوکر فیڈریشن کا انعامی رقم نہ ملنے پر احتجاج کرنے کا اعلان
تازہ ترین خبریں
اشتہار
تازہ ترین
میانوالی میں کنڈل پولیس چوکی پر حملہ، ایک اہلکار شہید، دو دہشتگرد ہلاک
میانوالی(پی پی آ ئی ) میانوالی میں کنڈل کے مقام پر پولیس چوکی پر رات گئے دہشتگردوں کے حملے میں ایک اہلکار شہید جبکہ دو دہشتگرد ہلاک ہوگئے ۔ آئی جی پنجاب عثمان انور کے مطابق دس سے بارہ دہشتگردوں نے کنڈل کے مقام پر پولیس چوکی پر حملہ کیا ۔ چھت پر تعینات اہلکار کی جوابی فائرنگ سے دو دہشتگرد ہلاک ہوگئے ۔ اُن کے مطابق پولیس چوکی پر دو اطراف سے حملہ کیا گیا تھا، پنجاب پولیس نے بھرپور جوابی کارروائی کرتے ہوئے کنڈل پولیس چوکی پر دہشتگردوں کا حملہ ناکام بنا دیا، پولیس کی جوابی کارروائی کے بعد دو دہشتگرد ہلاک جبکہ دیگر فرار ہوگئے ۔ عثمان انور کے مطابق حملے میں پولیس کانسٹیبل ہارون خان بھی دہشتگردوں کے خلاف بہادری سے لڑتے ہوئے شہید ہوگئے ۔ آئی جی پنجاب کا مزید کہنا تھا کہ ایس ایم ڈی لاءٹس کے ساتھ سی ٹی ڈی کی ٹی میں پہنچ گئی ہیں ، دہشتگردوں کا پیچھا کیا جا رہا ہے، اندھیرے اور پہاڑی علاقہ ہونے کی وجہ سے انتہائی احتیاط کے ساتھ آپریشن کیا جا رہا ہے ۔
حکومت نے پٹرول کی قیمت کم کر کے گیس کے ریٹ بڑھا دیے: سراج الحق
لاہور(پی پی آ ئی ) امیرجماعت اسلامی پاکستان سراج الحق نے کہا ہے کہ حکومت نے پٹرول کی قیمت کم کر کے گیس کے ریٹ بڑھا دیے ۔ لاہور میں تقریب سے خطاب کرتے ہوئے سراج الحق کا کہنا تھا کہ خبر دیکھی کہ وفاقی حکومت نے پٹرول فی لٹر 8 روپے سستا کر دیا، ساتھ ہی خبر پڑھی کہ گیس کی قیمت میں 20 فیصد اضافہ کر دیا گیا ۔ انہوں نے کہا کہ لوگوں کے چہروں سے مسکراہٹیں غائب، خوف و بے یقینی ہے، چاروں طرف تباہی و بربادی ہے، صدر، وزیراعظم سے پولیس تک سب حالات خرابی کا اعتراف کر رہے ہیں ، ذمہ داری کوئی بھی قبول کرنے کو تیار نہیں ہے ۔ سراج الحق کا کہنا تھا کہ روٹی 25 روپے اور بجلی کا یونٹ 52 روپے کا ہے، پاکستان میں جیسے ہی کوئی وزیر بنتا ہے اس کی جائیدادوں میں اضافہ ہو جاتا ہے ۔ امیر جماعت اسلامی پاکستان نے مزید کہا کہ افغان کرنسی پاکستان سے 3 گنا زیادہ مضبوط ہے، بنگلادیش، نیپال، بھوٹان، سری لنکا، انڈیا سب ترقی یافتہ ہیں ، کیا ہماری معیشت ٹھیک اور امن وامان صورتحال بہتر ہو رہی ہے;238; ۔
حکومت نے پٹرول، ڈیزل پر تیل کمپنیوں اور ڈیلرز کا مارجن مزید بڑھا دیا
لاہور(پی پی آ ئی )حکومت نے پٹرول اور ڈیزل پر تیل کمپنیوں اور ڈیلرز کا مارجن مزید بڑھا دیا ۔ ذراءع کے مطابق پٹرول اور ڈیزل پر مارجن میں 88 پیسے فی لیٹر مزید اضافہ کر دیا گیا ہے، تیل کمپنیوں کا مارجن 47 پیسے فی لیٹر بڑھا دیا گیا جبکہ ڈیلرز مارجن میں فی لیٹر 41 پیسے کا اضافہ کیا گیا ہے ۔ ذراءع نے بتایا ہے کہ پٹرول پر او ایم سی مارجن 6;46;47 روپے سے بڑھ کر 6;46;94 روپے فی لیٹر ہوگیا ہے ۔ ذراءع کا مزید کہنا ہے کہ پٹرول اور ڈیزل دونوں پر ڈیلرز مارجن 7;46;41 روپے سے بڑھ کر 7;46;82 روپے فی لیٹر ہوگیا ہے جبکہ ڈیزل پر او ایم سی مارجن 6;46;70 روپے سے بڑھ کر 7;46;17 روپے فی لیٹر ہوگیا ہے ۔ دستاویز کے مطابق حکومت نے پٹرول اورڈیزل پر فریٹ مارجن بھی بڑھا دیا، ڈیزل پر فریٹ مارجن 1 روپے 78 پیسے فی لیٹر اور پٹرول پر 16 پیسے فی لیٹر بڑھا دیا گیا ۔ حکومت ڈیزل پر 65 روپے 70 پیسے فی لیٹر ٹیکسز اور 50 روپے فی لیٹر لیوی وصول کر رہی ہے، پٹرول پر 80 روپے 29 پیسے فی لیٹر ٹیکسز اور پٹرولیم لیوی 60 روپے فی لیٹر ہے ۔ یاد رہے کہ اس سے قبل 16 ستمبر کو بھی پٹرول، ڈیزل پر او ایم سی اور ڈیلرز مارجن فی لیٹر 88 پیسے بڑھایا جا چکا ہے ۔
تلاش کریں
خبریں
جنوبی افریقی کرکٹ بورڈ کی زمبابوے کو ٹیسٹ میچ کھیلنے کی پیشکش
جوہانسبرگ: جنوبی افریقی کرکٹ بورڈ نے آئندہ ماہ آسٹریلیا کے خلاف سیریز کی میزبانی سے قبل زمبابوے کی ٹیسٹ میچ کھیلنے کی پیشکش کردی ۔ آسٹریلوی ٹیم دورئہ جنوبی افریقا کے دوران ٹیسٹ اور ٹی 20میچوں کی سیریز کھیلے گی اور دونوں ٹیموں کے درمیان سیریز کا آغاز 12فروری کو ہوگا ۔زمبابوین بورڈ نے اس پیشکش کا اب تک جواب نہیں دیا ہے کیوں کہ کھلاڑیوں اور بورڈ کے درمیان تنخواہوں کے حوالے سے تنازع چل رہا ہے ۔
غیرملکی کوچز نے ٹیم کو بلندی پر لے جانے میں بھرپور محنت کی: ذکاءاشرف
لاہور: پاکستان کرکٹ بورڈ کے چیئرمین ذکاءاشرف کا کہنا ہے کہ کوچ ڈیو واٹمور نے پاکستان کرکٹ کے لیئے بہترین کام کیا۔ جب کہ پاک بھارت کرکٹ سیریز کی بحالی کے لیئے بھارتی بورڈ سے بات چیت جاری ہے۔ نیشنل کرکٹ اکیڈمی لاہور میں پی سی بی چیئرمین ذکاءاشرف نے غیر ملکی کوچ ڈیوواٹمور اور فیلڈنگ کوچ جولین فاونٹین سے ملاقات کی اور انکی کرکٹ کیلئے خدمات کا اعتراف کرتے ہوئے تحائف دیئے۔ میڈیا سے گفتگو کرتے ہوئے ذکاءاشرف نے کہا کہ دونوں غیرملکی کوچز نے قومی ٹیم کو بلندی پر لے جانے میں بھرپور محنت کی۔ ذکاءاشرف کا کہنا تھا کہ28 جنوری کو دبئی میں شروع ہونے والی آئی سی سی میٹنگ میں بھارتی کرکٹ بورڈ سربراہ سری نواسن سے ملاقات بھی ہو گی جس میں پاک بھارت کرکٹ سیریز کی بحالی میں پیش رفت پر بات چیت کریں گے۔ آخری بار2013 میں پاکستان نے بھارت کا دور کیا تھا اور اب روایتی حریف کی پاکستان آنے کی باری ہے۔
بھارتی ہاکی ٹیم رواں برس مارچ میں پاکستان کا دورہ کرے گی
لاہور: بھارتی ہاکی فیڈریشن (بی ایچ ایف) نے مارچ میں پاکستان کے دورے کی حامی بھر لی۔ تین میچوں کی پاک بھارت سیریز مارچ میں ہوگی۔ ذرائع کے مطابق پاکستان ہاکی فیڈریشن کے سیکرٹری رانا مجاہد نے جمعہ کو اپنے بھارتی ہم منصب نریندرا پترا سے ٹیلیفونک گفتگو کی۔ پاکستان ہاکی فیڈریشن کے سیکرٹری رانا مجاہد نے گفتگو کے بعد یہ دعویٰ کیا ہے کہ بھارتی ہاکی فیڈریشن نے مارچ میں پاکستان کا دورہ کرنے کی یقین دہانی کراتے ہوئے اس بات کی حامی بھری ہے کہ بھارتی ہاکی ٹیم حکومت کی اجازت کے بعد مارچ میں پاکستان کا دورہ کرے گی۔ انہوں نے کہا کہ تین میچوں کی پاک بھارت سیریز مارچ میں ہوگی۔ سیریز کے تمام میچ ایک ہی شہر میں ہوں گے تاہم تاریخ اور وقت کا فیصلہ نہیں کیا گیا۔
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
لاہور: آسٹریلیا کے کیڈل ایونز نے ٹور ڈاﺅن انڈر سائیکل ریس کا تیسرا مرحلہ جیت لیا ۔ آسٹریلیا کے مضافات میں ہونے والی ریس کا تیسرا مرحہ 145کلو میٹر طویل تھا ۔ میزبا ن رائیڈر ایونز نے ابتدا ءسے ہی حریفوں پر اپنی برتری قائم رکھی اور مقررہ فاصلہ 3گھنٹے 34منٹ ، 5سیکنڈز میں سب سے پہلے طے کیا ۔ ایونز کے ہم وطن نیتھن ہاس 15سیکنڈز کے فرق کے ساتھ دوسرے نمبر پر رہے ۔ ریس کے چوتھے مرحلے میں سائیکلسٹس 148.5کلومیٹر کا فاصلہ طے کریں گے ۔
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
میلبورن: بھارت کی ثانیہ مرزا نے اپنے پارٹنر ہوریا ٹیکاﺅکے ہمراہ آسٹریلین اوپن کے مکسڈ ڈبلز فائنل میں جگہ بنالی۔ میلبورن میں جاری سال کے پہلے گرینڈ سلم ایونٹ کے مکسڈ ڈبلز سیمی فائنل میں بھارتی ٹینس اسٹار ثانیہ مرزا اور ہوریا ٹیکاﺅکی جوڑی نے ایک سیٹ کے خسارے میں جانے کے باوجود آسٹریلیا کے میتھیوایبڈن اور جارمیلا گاجدوسووا کو شکست دی۔ ثانیہ اور ٹیکاو نے آسٹریلین جوڑی کے خلاف عمدہ کھیل پیش کیا اور73منٹ میں پہلے سیٹ میں دوچھ سے ناکامی کے بعد اگلے دو سیٹس میں چھ تین اوردس دوسے فتح سمیٹ کر فائنل کیلئے کوالیفائی کرلیا۔ ثانیہ اور ٹیکاو نے کوارٹرفائنل میں پاکستان کے اعصام الحق اور یولیا گورجیس کے پیئرکوہرایا تھا۔
اسنوکر فیڈریشن کا انعامی رقم نہ ملنے پر احتجاج کرنے کا اعلان
کراچی: پاکستان اسنوکر فیڈریشن کے صدر عالم گیر شیخ کا کہنا ہے کہ کھلاڑیوں کو عالمی اعزازکی انعامی رقم15 فروری تک ادا نہ کی گئی تو پارلیمنٹ ہاوس کے سامنے احتجاج کیا جائے گا۔ کراچی پریس کلب میں نیوزکانفرنس سے خطاب کرتے ہوئے عالم گیرشیخ کا کہنا تھا کہ محمد آصف ، محمد سجاد اور دیگر کھلاڑیوں نے پانچ ٹائٹل جیت کر دنیا میں پاکستان کا نام روشن کیا لیکن حکومت نے ان کے لیے اسپورٹس پالیسی کے تحت وقف دو کروڑاسی لاکھ روپے کی انعامی رقم اب تک ادا نہیں کی۔ عالم گیر شیخ نے کہا کہ ہاکی فیڈریشن کو متعدد ناکامیوں کے باوجود پانچ سال میں سو کروڑ روپے کی گرانٹ دی گئی لیکن اسنوکر کھلاڑیوں کو فتح کے باوجود انعام سے محروم رکھنا زیادتی ہے۔ انہوں نے کہا کہ کھلاڑیوں کو عالمی اعزازکی انعامی رقم15 فروری تک ادا نہ کی گئی تو پارلیمنٹ ہاوس کے سامنے احتجاج کیا جائے گا۔ عالم گیر شیخ نے ہاکی کی جگہ اسنوکرکو قومی کھیل کا درجہ دینے کا مطالبہ بھی کیا۔