لاہور(پی پی آئی)لاہور ہائی کورٹ راولپنڈی بینچ نے پی ٹی آئی کے صدر چوہدری پرویز الہیٰ کی درخواست نمٹاتے ہوئے سیکریٹری داخلہ پنجاب کو ہدایت کی ہے کہ سابق وزیراعلیٰ پنجاب چوہدری پرویز الہی کو وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں جسٹس صداقت علی خان پرویز الہیٰ کی درخواست پر سماعت کی جس میں اپنے استحقاق کے مطابق بہتر سہولیات فراہم کرنے کی استدعا کی گئی تھی۔پی پی آئی کے مطابق کیس کی سماعت کے دوران پرویز الہیٰ کے وکیل سردار عبدالرازق خان نے دلائل دیتے ہوئے کہا کہ درخواست گزار نہ صرف سابق وزیراعلیٰ ہیں بلکہ اس سے قبل وہ نائب وزیراعظم بھی رہ چکیہیں، انہوں نے عدالت کو آگاہ کیا کہ جیل انتظامیہ نے مبینہ طور پر ماحول کو گھٹن زدہ کرنے کے لیے ان کے مؤکل کی بیرک کی کھڑکی کے ساتھ دیوار تعمیر کردی۔انہوں نے کہا کہ پی ٹی آئی رہنما نے یہ بھی شکایت کی کہ ان کی پرائیویسی کی خلاف ورزی کے لیے ان کے سیل کے باہر ایک اجنبی شخص کو تعینات کیا گیا ہے۔عدالت عالیہ نے محکمہ داخلہ کو ہدایت کی کہ انہیں وہ تمام سہولیات فراہم کریں جن کے جیل قوانین کے تحت پرویز الہیٰ کے مستحق ہیں، ہائی کورٹ نے پندرہ روز کے اندر تعمیلی رپورٹ بھی طلب کی۔
پاکستان کی سکی ٹیم ڈریم ٹریننگ پروگرام کیلئے جنوبی کوریاروانہ ہوگئی
فیفا ورلڈ کپ : برازیل میں ہوٹل کے کرایوں میں 3گنا تک اضافہ
سابق بھارتی کرکٹر وشواناتھ رام چندر باندرے انتقال کرگئے
امریکن باسکٹ بال: نیویارک نیکس نے میامی ہیٹ کو شکست دیدی
ارجنٹائن ڈاکار ریلی کے دوران حادثات سے رائیڈ سمیت 3افراد ہلاک
محمد یوسف اور رمیز راجہ ایک دوسرے پر تنقید کے نشتر چلانے لگے
تازہ ترین خبریں
اشتہار
تازہ ترین
کراچی دوسرے روز بھی آلودہ ترین شہروں میں سرفہرست، نئی دہلی دوسرے نمبر پر
کراچی (پی پی آئی)میٹروپولیٹن شہر کراچی فضائی آلودگی کے اعتبار سے مسلسل 2 روز سے دنیا کے آلودہ ترین شہروں میں پہلے نمبر پر ہے۔ ایئر کوالٹی کو مانیٹر کرنے والی ویب سائٹ ’آئی کیو ایئر ڈاٹ کام‘ کے مطابق کراچی کے بعد دنیا کے آلودہ ترین شہروں کی فہرست میں دوسرے نمبر پر بھارت کا شہر نئی دہلی ہے۔پی پی آئی کے مطابق کراچی میں پی ایم 2.5 (پارٹیکیولیٹ میٹر) کا ارتکاز عالمی ادارہ صحت (ڈبلیو ایچ او) کی سالانہ ایئر کوالٹی گائیڈ لائن ویلیو سے 20.3 گنا زیادہ ہے، گزشتہ شب کراچی میں ایئر کوالٹی انڈیکس 175 ریکارڈ کیا گیا۔واضح رہے کہ 151 سے 200 کی رینج میں ایئر کوالٹی انڈیکس ریڈنگ کو غیر صحت بخش سمجھا جاتا ہے، جبکہ 201 اور 300 کے درمیان ایئر کوالٹی انڈیکس ریڈنگ صحت کے لیے اور بھی زیادہ نقصان دہ ہے۔کراچی کی ہوا کا معیار مسلسل دوسرے روز بھی غیر صحت مند رہا جو کہ ایئر کوالٹی انڈیکس سے ظاہر ہوتا ہے، کراچی کا عالمی سطح پر سب سے زیادہ آلودہ شہر ہونا انتہائی تشویشناک سمجھا جارہا ہے۔’آئی کیو ایئر‘ کی سالانہ رپورٹ کے مطابق چند برسوں کے دوران کراچی میں آلودگی کی سطح میں کوئی بہتری نہیں آئی بلکہ درحقیقت اس میں مزید اضافہ ہوا ہے۔
حج آپریشن کو بہتر بنانے کیلئے ڈیجیٹلائزڈ کرنے کا فیصلہ
اسلام آباد (پی پی آئی)وزارت آئی ٹی و ٹیلی کمیونیکیشن نے حج آپریشن کو بہتر بنانے کیلئے ڈیجیٹلائزڈ کرنے کا فیصلہ کیا ہے۔ عازمین حج کی سہولت و آگاہی کیلئے موبائل ایپلی کیشن، ویب پورٹل تیار ہوگا۔ مناسک حج سے متعلق سہولتوں اور شکایات کے انداراج کو ڈیجیٹلائزڈ کی کئے جانے سے عازمین حج اپنا فیڈ بیک ڈیجیٹل طور پر دے سکیں گے۔ ڈیجیٹلائزیشن سے حج آپریشن کی خامیوں اور شکایات کو ختم کیا جاسکے گا۔
شہریار آفریدی اور شاندانہ گلزار کی ایم پی او آرڈر کالعدم قرار دینے کی درخواستوں پر سماعت ملتوی
اسلام آباد(پی پی آئی)اسلام آباد ہائیکورٹ میں شہریار آفریدی اور شاندانہ گلزار کی ایم پی او آرڈر کالعدم قرار دینے کی درخواستوں پر سماعت ہوئی،پی پی آئی کے مطابق عدالت نے شہریار آفریدی اور شاندانہ گلزار کو کسی اور مقدمے میں گرفتاری سے روکنے کے حکم میں کل تک توسیع کر دی۔ اسلام آباد ہائیکورٹ کے جسٹس بابر ستار نے کیس کی سماعت کی،شہریار آفریدی عدالت میں پیش نہ ہو سکے،عدالت نے شہریار آفریدی اور شاندانہ گلزار کے خلاف ایم پی او آرڈر معطل کر رکھا ہے۔ شاندانہ گلزار اپنے وکیل شیر افضل مروت کے ساتھ عدالت کے سامنے پیش ہوئیں،مجسٹریٹ کے اختیارات سے متعلق عدالتی معاون وقار رانا نے اپنے دلائل مکمل کئے دوسرے عدالتی معاون صلاح الدین ایڈوکیٹ کل اپنے دلائل دینگے۔ بعدازاں عدالت نے کیس کی مزید سماعت کل تک ملتوی کردی۔
تلاش کریں
خبریں
پاکستان کی سکی ٹیم ڈریم ٹریننگ پروگرام کیلئے جنوبی کوریاروانہ ہوگئی
اسلام آباد: تین کھلاڑیوں اور ایک کوچ پر مشتمل پاکستان سکی ٹیم جنوبی کوریا کے صوبے گینگون میں ڈریم ٹریننگ پروگرام 2014میں شرکت کے لئے روانہ ہوگئی ۔پاکستانی دستہ ضیاءالرحمٰن ،محمدامتیاز اور ساجد کے علاوہ کوچ ندیم اشرف پر مشتمل ہے ۔پاکستان سکی فیڈیشن کے صدر ائیر مارشل اطہر حسین بخاری نے روانگی سے قبل قومی دستے سے ملاقات کی اور انہیں ہدایت کی کہ وہ ٹریننگ اکیڈمی میں تربیت کے سنہری موقع سے زیادہ سے زیادہ فائدہ اٹھائیں ۔ڈریم ٹریننگ پروگرام سرمائی اولمپکس 2018کے میزبان گینگون صوبے میں شروع کیا گیا ہے تاکہ سرمائی کھیلوں کے نوجوان کھلاڑیوں کو بہترین تربیت فراہم کی جاسکے ۔پچھلے سال ٹریننگ کیمپ کے اختتام پر کروائے گئے دوستانہ مقابلوں میں پاکستان اسکیئرز نے اپنی اپنی کیٹگریز میں سونے اور چاندی کے تمغے جیتے ۔پاکستان میں کوریا کا سفارتخانہ تربیتی پروگراموں میں شرکت کو یقین بنانے کیلئے بھرپور تعاون فراہم کررہا ہے ۔
فیفا ورلڈ کپ : برازیل میں ہوٹل کے کرایوں میں 3گنا تک اضافہ
ریو ڈی جنیرو: برازیل میں 2014کے فیفا ورلڈ کپ کے پیش نظر ہوٹل مالکان نے اپنے کرایوں میں 3گنا اضافہ کرلیا ۔برازیل کے 12شہروں میں فیفا ورلڈ کپ کی تیاریاں اپنے عروج پر ہیں تو دوسری طرف ان شہروں میں ہوٹل کے کرایوں میں دو سے تین گنا تک اضافہ ہوگیا ہے ۔برازیل ہوٹل منیجنگ ایسوسی ایشن کے مطابق ریوڈی جنیرو کے ساحل پر واقع ہوٹلوں میں ڈبل روم کمرے کے ایک ہفتے کا کرایہ چار ہزار ڈالر سے بھی زائد ہوچکا ہے ۔حکومت نے ہوٹل کے کرایوں میں کمی اور ائیر پورٹ پر مناسب سہولتوں کا جائزہ لینے کے ایک کمیٹی قائم کردی ہے ۔
سابق بھارتی کرکٹر وشواناتھ رام چندر باندرے انتقال کرگئے
ممبئی: سابق بھارتی کرکٹر وشواناتھ رام چندر باندرے 77 برس کی عمر میں دل کا دورہ پڑنے سے انتقال کرگئے۔ انہوں نے 28 فرسٹ کلاس میچوں میں حصہ لیا۔ 638 رنز بنائے اور 40 کھلاڑیوں کو آﺅٹ کرنے میں کامیاب رہے۔بھارتی کرکٹ بورڈ نے اس موقع پر گہرے افسوس کا اظہار کیا ہے ۔
امریکن باسکٹ بال: نیویارک نیکس نے میامی ہیٹ کو شکست دیدی
نیویارک: امریکن باسکٹ بال چیمپئن شپ میں نیویارک نیکس کی ٹیم نے میامی ہیٹ کو دلچسپ مقابلے کے بعد شکست دیدی۔ نیویارک سٹی میں کھیلے گئے باسکٹ بال میچ میں دونوں ٹیموں کے درمیان سنسنی خیز مقابلہ ہوا۔ دوسرے کواٹرز میں میزبان ٹیم کو برتری حاصل تھی۔ میچ کے چوتھے کوارٹرز تک دونوں ٹیموں کی جانب سے کھلاڑیوں نے شاندار کھیل کا مظاہرہ کیا۔ میچ میں نیویارک کی ٹیم نے جارحانہ شاٹس کھیل کر دس پوائنٹس کی برتری سے کامیابی حاصل کی۔
ارجنٹائن ڈاکار ریلی کے دوران حادثات سے رائیڈ سمیت 3افراد ہلاک
بیونس آئرس : بیلجیئم کے موٹر سائیکلسٹ اور دو تماشائیوں کی مختلف حادثوں میں ہلاکت کے بعد ارجنٹائن میں جاری ڈاکار ریلی کا مزہ کرکرا ہوگیا ۔موٹر سائیکلسٹ ایرک پلانٹے ڈاکار ریلی کا پانچواں مرحلہ مکمل نہ کرپائے اور روٹ کے ایک مقام سے اُن کی لاش ملی ہے ۔پولیس کے مطابق ایک اور مقام سے 19سالہ صحافی اورموٹر اسپورٹس کے 51سالہ شیدائی کی کار ڈاکار ریلی کے روٹ پر ایک ناہموار مقام پر الٹ گئی ۔حادثے میں دونوں افراد موقع پر ہی ہلاک ہوگئے کار ریس میں اسپین کے ڈرائیور چھائے رہے۔کار ریس کیٹگری کے چھٹے مرحلے میں اسپین کے نانی روما کو سبقت حاصل ہے، جب کہ موٹر سائیکل کیٹگری میں اسپین ہی کے مارک کوما پوائنٹس ٹیبل پر بدستور پہلے نمبر پر براجمان ہیں۔
محمد یوسف اور رمیز راجہ ایک دوسرے پر تنقید کے نشتر چلانے لگے
لاہور: قومی کرکٹ ٹیم کے سابق کپتان محمد یوسف کو شاہد آفریدی کے بعد رمیز راجہ کیخلاف بیان دینا مہنگا پڑ گیا۔ محمد یوسف نے دبئی ٹیسٹ سے متعلق ٹی وی پر تبصرہ کرتے ہوئے رمیز راجہ کو تنقید کا نشانہ بنایا تھا۔ محمد یوسف نے کہا تھا کہ رمیز راجہ انگریزی تو خوب جانتے ہیں لیکن اچھے کرکٹر کبھی نہیں تھے۔اس تنقید پر رمیز راجہ چراغ پا ہوگئے اور محمد یوسف کی خوب خبر لی۔ رمیز راجہ کا کہنا تھا کہ یوسف اچھے کرکٹر نہیں بلکہ خود غرض انسان ہیں، نہ تو انگلش وکٹوں پر ان کا بلا رنز بناتا تھا نہ ورلڈ کپ جیسے میگا ایونٹ میں اسکور کرپاتے تھے۔ رمیز راجہ کا کہنا تھا کہ یوسف کے ظاہری حلیے پر نہیں جانا چاہیئے، کیونکہ حقیقت میں وہ بہت میلا انسان ہے۔رمیز راجا کا یہ بھی کہنا تھا کہ محمد یوسف اس قابل نہیں کہ انہیں ٹی وی پر تبصروں کے لیے بٹھایا جائے۔