راولپنڈی)پی پی آ ئی)چیئرمین پی ٹی آئی عمران خان نے بیٹوں سے ٹیلیفونک گفتگو کی جس پر بچے جذباتی ہوگئے۔ چیئرمین پاکستان تحریک انصاف (پی ٹی آئی) اور سابق وزیراعظم پاکستان عمران خان نے اڈیالہ جیل سے برطانیہ میں موجود اپنے بچوں سے ٹیلیفونک گفتگو کی جس پر بیٹے دوران گفتگو جذباتی ہوگئے۔جیل ذرائع کے مطابق واٹس ایپ ٹیلی فون کال 30منٹ تک جاری رہی، ٹیلی فون کال ساڑھے 4 بجے سے 5 بجے تک کی گئی جبکہ ٹیلی فون خصوصی عدالت کے جج ابو الحسنات ذوالقرنین کے حکم سے کرائی گئی۔ ذرائع کے مطابق دونوں بیٹوں قاسم اور سلمان نے اپنے والد سے گفتگو کی اور اس دوران بیٹے گرفتار والد سے گفتگو کرتے جذباتی ہوگئے جبکہ چیئرمین پی ٹی آئی مسکراتے ہوئے انہیں تسلی دیتے رہے۔
پاکستان فٹ بال فیڈریشن کے زیر اہتمام پانچواںویمن فٹ بال ٹورنامنٹ
میامی ٹینس : سرینا ولیمز اور ماریا شراپواسیمی فائنل میں پہنچ گئیں
شماریات کو ملک میںتحقیقی سرگرمیوں کے لیے استعمال کیا جا سکتا ہے: بین الاقوامی شماریاتی کانفرنس
گیری کرسٹن کاانگلینڈ کر کٹ ٹیم کی کوچنگ سے انکار
جنوبی افریقی فاسٹ بولر وین پارنل ڈرگ اسکینڈل کے باعث ٹیم سے باہر
جمعیت علما پاکستان حیدر آباد کا یوم تاسیس کے حوالے سے اجلاس منعقد
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
منچن آباد: باراتیوں سے بھری بس الٹنیسے بچی اور خاتون جاں بحق
منچن آباد)پی پی آ ئی) منچن آباد میں باراتیوں سے بھری بس اُلٹ گئی جس کے نتیجے میں ایک بچی اور خاتون جاں بحق جبکہ 15سے زائد افراد زخمی ہوگئے۔افسوس ناک حادثہ اکبر چوک کے قریب مین ہائی وے روڈ پر پیش آیا جہاں باراتیوں سے بھری بس الٹ گئی، حادثے میں ایک بچی اور خاتون موقع پر دم توڑ گئے۔حادثے کی اطلاع ملتے ہی ریسکیو ٹیمیں موقع پر پہنچ گئیں، حادثے میں 15سے زائد افراد زخمی ہیں جن میں تین کی حالت تشویشناک ہے۔ریسکیو نے تمام زخمیوں کو ٹی ایچ کیو ہسپتال منتقل کردیا ہے۔ریسکیو ذرائع کے مطابق حادثہ تیز رفتاری کے باعث موٹر سائیکل کو بچاتے ہوئے پیش آیا۔
پشاور میں جرائم پیشہ ملزمان کے بینرز شاہراؤں پر آویزاں کرنے کا فیصلہ
پشاور)پی پی آ ئی)صوبائی دارالحکومت پشاور میں جرائم پیشہ روپوش ملزمان کے تصویری بینرز اہم شاہراؤں پر آویزاں کرنے کا فیصلہ کیا گیاہے۔پولیس کے مطابق ملزمان کی تصاویر متعلقہ تھانوں، چوکیوں اور اہم سڑکوں پر آویزاں کی جائیں گی۔پولیس کاکہنا ہے کہ رہزنی اور منشیات فروشی سمیت دیگر جرائم میں ملوث ایک ہزار سے زیادہ روپوش ملزمان کی تصاویر جاری کردی گئی ہیں، بینرز پر ملزمان کی تصاویر کے ساتھ ان کے نام اور پتے بھی درج کیے جائیں گے اور عوام کو مطلوب ملزمان سے تعلق نہ رکھنے کی ہدایت کی جائے گی۔پولیس کے مطابق ان ملزمان کے ساتھ کوئی پایا گیا تو اس کے خلاف بھی کارروائی کی جائے گی، بینرز لگانے کا مقصد جرائم پیشہ افراد سے عوام کو باخبر رکھنا ہے۔پولیس کی جانب سے مطلوب ملزمان کی گرفتاری میں عوام سے تعاون کرنے کی بھی درخواست کی گئی ہے۔
کل سے 9 مئی میں گرفتار افراد کی رہائی کا مشن شروع، شیخ رشید
راولپیندی)پی پی آ ئی)عوامی مسلم لیگ کے سربراہ شیخ رشید کا کہنا ہے کہ وہ کل سے 9 مئی کے گرفتار افراد کی رہائی کا مشن شروع کر رہے ہیں۔ سماجی رابطے کی ویب سائٹ ایکس پر اپنی ٹویٹ میں سابق وفاقی وزیر شیخ رشید کا کہنا تھا کہ میں ساری قوم کا، اپنی ماؤں بہنوں بیٹیوں کا شکر گزار ہوں جن کی دعاؤں سے کم و بیش 40 روزہ چلے کے بعد مجھے رہائی نصیب ہوئی، مجھے نہیں معلوم کہ میں نے یہ چلہ کس جگہ پر کاٹا ہے، لیکن مجھے چلے کے دوران کسی بھی قسم کی کوئی تکلیف نہیں پہنچائی گئی۔ شیخ رشید کا کہنا تھا کہ اب میری زندگی کا مشن ان تمام لوگوں کو جو روپوش ہیں یا چھپے ہوئے ہیں یا جن سے 9 مئی کی غلطی سرزد ہو گئی ہے یا جو بے گناہ جیلوں میں ہیں ان کو عام معافی دلانا ہے۔ ساری قوم اس پر امن مشن میں میرا ساتھ دے۔ انہوں نے مزید کہا کہ کل سے میں اس مشن کا آغاز کر رہا ہوں، قوم کی دعاؤں کی ضرورت ہے۔ انشاء اللہ کامیابی ہمارا مقدر بنے گی، اور اللّٰہ ہمیں اس مشن میں ضرور سرخرو کرے گا۔ واضح رہے کہ عوامی مسلم لیگ کے سربراہ شیخ رشید چند روز قبل ہی تقریباً ایک ماہ بعد منظر عام پر آئے تھے، اور معروف اینکر منیب فاروق کو پہلا انٹرویو دیتے ہوئے بتایا کہ میں چلے پر گیا ہوا تھا، جہاں کافی کچھ سوچنے کا موقع ملا، اللہ نے زندگی میں پہلی بار 40 دن لگانے کا موقع دیا اور تبلیغ میں چلے کے دوران مجھے کسی نے کوئی نقصان نہیں پہنچایا بلکہ سب نے میرے ساتھ تعاون کیا اور سارے ایام خوش اسلوبی سے گزر گئے۔
تلاش کریں
خبریں
پاکستان فٹ بال فیڈریشن کے زیر اہتمام پانچواںویمن فٹ بال ٹورنامنٹ
(March 26, 2014)
کوئٹہ: کوئٹہ میں پاکستان فٹ بال فیڈریشن کے زیر اہتمام پانچواں ویمن فٹ بال ٹورنامنٹ کا آغاز ہو گیا ۔ ٹورنامنٹ کے راونڈ میچ میں بلوچستان یونائیٹڈ اور روشنی کلب کے درمیان مقابلہ ہوا، بلوچستان یونائیٹڈ نے روشنی کلب کو شکست دے دی۔ بلوچستان یونائیٹڈ کلب کے کھلاڑیوں نے مخالف ٹیم کے پے در پے گول کئے اور چار صفر سے میچ اپنے نام کرلیا۔ فاتح ٹیم کی جانب سے رفعت نے دو جبکہ فہمیدہ اور شیل نے ایک ایک گول کیا۔ویمن فٹ بال میچ کے مہمان خصوصی وزیر تعمیرات آغا عرفان کریم نے کھلاڑیوں کی کاکردگی کو سراہا۔ کو ئٹہ کے گرلز کالج میں جاری ایونٹ کا فائنل11 جون کو کھیلا جائے گا۔
میامی ٹینس : سرینا ولیمز اور ماریا شراپواسیمی فائنل میں پہنچ گئیں
(March 26, 2014)
میامی: امریکہ کی شہرت یافتہ ٹینس سٹار اور عالمی نمبر ایک سرینا ولیمز اور روسی ٹینس کوئین ماریا شیرا پووا میامی ماسٹرز ٹینس ٹورنامنٹ کے ویمنز سنگلز کے سیمی فائنل میں پہنچ گئیں ۔ میامی ٹینس میں ویمنز سنگلز مقابلوں کے کوارٹر فائنل میں عالمی نمبر ایک امریکا کی سرینا ولیمز نے شاندار کارکردگی کا مظاہرہ کرتے ہوئے جرمنی کی ففتھ سیڈڈ ایجلی کیوکربر کو سٹریٹ سیٹس میں 6-2 اور 6-2 سے ہرا کر ایونٹ کے سیمی فائنل میں پہنچ گئیں۔ ایک اور میچ میں روسی ٹینس کوئین ماریا شیراپووا نے عمدہ کارکردگی کا مظاہرہ کرتے ہوئے جمہوریہ چیک کی پیٹرا کویٹوا کو سٹریٹ سیٹس میں 7-5 اور 6-1 سے ہرا کر ایونٹ کے سیمی فائنل کے لیے کوالیفائی کرلیا۔ مردوں کے چوتھے راﺅنڈ میں ٹاپ سیڈ سپین کے رافیل نڈال نے اٹلی کے فابیو فوجنینی کوجبکہ سربیا کے سیکنڈ سیڈڈ نوویک جوکووچ نے سپین کے ٹومی روبریڈو کو شکست دیتے ہوئے ایونٹ کے ٹاپ 8 کے لیے کوالیفائی کرلیا۔ انگلینڈ کے اینڈی مرے نے فرانس کے جو ویلفرائیڈ سونگا کو سٹریٹ سیٹس مات دی۔ جاپان کے کی نیشیکوری نے سپین کے فورتھ سیڈڈ ڈیوڈ فیرر کو اور یوکرائن کے الیگزینڈر ڈولگوپولو نے تھرڈ سیڈ سوئٹزرلینڈ کے سٹانسلاس وارینکا کو شکست دیکر ایونٹ سے باہر کر دیا۔ جمہوریہ چیک کے ٹامس برڈوچ نے امریکہ کے دراز قد جان اسنر کو ہرا کر ایونٹ کے کوارٹر فائنل کے لیے کوالیفائی کر لیا۔
شماریات کو ملک میںتحقیقی سرگرمیوں کے لیے استعمال کیا جا سکتا ہے: بین الاقوامی شماریاتی کانفرنس
(March 26, 2014)
کراچی: ڈاﺅ یونیورسٹی آف ہیلتھ سائنسز میں جاری تین روزہ بین الاقوامی شماریاتی سائنس کانفرنس آج اختتام پذیر ہوئی۔کانفرنس میں ماہرین اور مقررین نے شعبہ طب میں شماریاتی تحقیق کو ملک میں مختلف بیماریوں پر قابو پانے کی حکمت عملی ترتیب دینے کے لیے وقت کی اہم ضرورت قرار دیا اور کہا کہ اس ضمن میںنہ صرف شماریاتی تحقیق سے بھرپور استفادہ کیا جاسکتا ہے بلکہ ملک میں صحت کے نظام کو بہتر بنانے اور ملکی ترقی کیلئے معاون ثابت ہو سکتی ہے۔اسلامی ممالک کی تنظیم برائے سوسائٹی آف شماریاتی سائنسز (ائی ایس او ایس ایس )نے پاکستان کو شماریات کے حوالہ سے بین الاقوامی برادری کے برابر لاکھڑا کیاہے ۔یہ کانفرنس ڈاﺅ یونیورسٹی نے اسلامی ممالک کی تنظیم برائے سوسائٹی آف شماریاتی سائنسز ، ہائر ایجوکیشن کمیشن، ڈی ایچ اے صفہ یونیورسٹی، کراچی یونیورسٹی، فیڈرل اردو یونیورسٹی اور پاکستان سائنس فاﺅنڈیشن کے باہمی اشتراک سے اوجھا کیمپس کراچی میں منعقد کی ۔ کانفرنس میں نیپال، ملائیشیا، چین، قطر اور دیگر مختلف ممالک سے ماہرین اور مقررین نے شمارتی سائنسز پر اپنے مقالوں سے شرکاءکوآگاہ کیا۔تقریب میںماہرین اور مقررین سمیت یونیورسٹی کے فیکلٹی اراکین سمیت طلباو طالبات نے بھرپور شرکت کی۔اس موقع پر ڈاﺅ یونیورسٹی کے وائس چانسلرپروفیسر مسعود حمید خان سمیت دیگر ماہرین نے اظہار خیال کیا۔ پروفیسر مسعود حمید خان نے کہا کہ شماریات کوملک میں پیدائش، اموات، مختلف بیماریوں اور اس پر قابو پانے کے ساتھ ساتھ تحقیقی سرگرمیوں میں بھی بروئے کار لایا جاسکتا ہے۔
گیری کرسٹن کاانگلینڈ کر کٹ ٹیم کی کوچنگ سے انکار
(March 26, 2014)
لندن: سابق جنوبی افریقن کوچ گیری کرسٹن نے انگلینڈ کر کٹ ٹیم کی کوچنگ سے معذرت کر لی۔ گیری کرسٹن کی اینڈی فلاور کی جگہ انگلینڈ کے کوچ بننے سے انکار کی وجہ انگلش بلے باز کیون پیٹر سن ہیں،کیونکہ انھیںپیٹر سن کو ٹیم میں منتخب کر نے کی اجازت نہیں دی گئی۔ گرسٹن کے انکار کے بعد محدود اوور ز میں انگلینڈ کی کوچنگ کے فرائض سر انجام دینے والے ایشلے جائلز ممکنہ طور پر اگلے کوچ ہوں گے ۔ کرسٹن آئی پی ایل میں دہلی ڈئر ڈیولز کی کوچنگ کے فرائض سرانجام دیںگے ، کرسٹن جنھوں نے انڈیا اور جنوبی افریقا کو اپنی بہترین کوچنگ کے ذریعے دنیا کی نمبر ون ٹیم بنا دیا تھاکی آئی پی ایل میں نو لاکھ پونڈ میںنیلامی ہوئی تھی، ان کی خواہش پر ہی پیٹر سن کو دہلی کا کپتان مقرر کیا گیا ۔
جنوبی افریقی فاسٹ بولر وین پارنل ڈرگ اسکینڈل کے باعث ٹیم سے باہر
(March 26, 2014)
چٹاگانگ: جنوبی افریقی کرکٹ ٹیم انتظامیہ نے فاسٹ بولر وین پارنل کوبھارتی عدالت میں پیشی کے لیے اجازت دے دی۔وین پارنل کو ٹی ٹوئنٹی ورلڈ کپ کی جنوبی افریقی ٹیم سے رہا کر دیا گیا،پارنل ممبئی کی عدالت میں ڈرگ اسکینڈل میں ملوث ہونے کے الزام میں پیش ہوں گے ۔پارنل پر یہ الزام 2012کے آئی پی ایل کے ایڈیشن میں لگا تھا جس سے پارنل نے مسترد کر دیاتھا ، حال ہی میں ممبئی پولیس نے طویل تحقیقات کے بعد پارنل اور اس کے انڈین ساتھی راہول شرما کے خلاف چارج شیٹ عدالت میں داخل کر ادی جس کے بعد انھیں دوبارہ عدالت میں پیش ہونے کا حکم دیا گیا ہے۔ پارنل کے منیجر کا کہنا ہے کہ پارنل صرف بھارتی عدالت کے پروسیجر کو پورا کر نے کے لیے پیش ہو ں گے ان سے مزید کوئی تحقیقات نہیں ہوںگی۔ جنوبی افریقی ٹیم کے منیجر محمد موسیٰ جی کا کہناہے کہ ہمیں ٹی ٹوئنٹی ورلڈ کپ میں شر کت کے لیے بنگلہ دیش روانگی سے قبل پارنل کی عدالت میں پیشی کے بارے میں بتا یاگیا تھا ، اور ہم نے اسی حساب سے اپنی پلاننگ کی تھی۔ انھوں نے کہا کہ پارنل نے کوئی غلط کام نہیں کیا اس لیے ہمیں امید ہے کہ جلدہی مقدمہ ختم ہو جائے گا۔
جمعیت علما پاکستان حیدر آباد کا یوم تاسیس کے حوالے سے اجلاس منعقد
(March 26, 2014)
حیدرآباد: جمعیت علماءپاکستان ضلع حیدرآباد کا اعلیٰ سطحی اجلاس عبدالروف الوانی کی رہائش گاہ پر ہوا جس میں جمعیت علماءپاکستان کی جانب سے66ویں یوم تاسیس کے موقع پر نظام مصطفیﷺ ریلی کا فیصلہ کیا گیا جو28مارچ جمعة المبارک کو شام 6:30بجے جامع مصطفی مسجد سابقہ کمیلا چوک پریٹ آباد سے نکالی جائے گی ۔تنظیمی امور کا جائزہ لیتے ہوئے رکنیت سازی مہم شروع کرنے اور عوامی رابطہ مہم تیز تر کرنے کا فیصلہ کیا گیا اجلاس میں29مارچ کو نشترپارک کراچی میں ہونے والی اتحاداہلسنت کانفرنس میں بھرپور شرکت کرنے اور ضلع کے مختلف حصوں سے قافلوں کی شرکت کے لئے انتظامی کمیٹیاں تشکیل دی گئیں، اجلاس میں حیدرآباد میں بڑھتی ہوئی قتل اور ڈاکوں کی وارداتوں صحت وصفائی کے ناقص انتظامات پرپولیس اور بلدیہ کے ناقص انتظامات پر سخت تشویش کا اظہار کرتے ہوئے جرائم کے خاتمے اور صحت وصفائی کی صورتحال بہتر بنانے کا مطالبہ کیا گیا ۔اجلاس سے ڈپٹی سیکریٹری اطلاعات ڈاکٹر محمد یونس دانش ،ناظم علی آرائیں ،عبدالروف الوانی ، محمد ارشاد نقشبندی،سیدعبدالغنی شاہ ،ڈاکٹر عاف اللہ شاہ ،سید منیر حیدرشاہ،محمد عارف قائم خانی ،جمال راشد ،محمد اقبال میمن نے خطاب کرتے ہوئے کہا کہ جمعیت علماءپاکستان (نورانی ) قائد ملت اسلامیہ علامہ شاہ احمد نورانی کی فکر پر چلتے ہوئے ڈاکٹر صاحبزادہ ابوالخیر محمد زبیر کی قیادت میں منظم ہے اور اتحاد اہلسنت کی سب سے بڑی داعی جماعت کے طور پر آگے بڑھ رہی ہے نشتر پارک کی اتحاد اہلسنت کانفرنس انشاءاللہ اہلسنت کے وسیع تر اتحاد کےلئے سنگ میل ثابت ہوگئی اور شرپھیلا کر اتحاد کی کوششوں کو سبوتاژ کرنے والوں کے مکروہ عزائم خاک میں مل جائیںگے۔ ڈاکٹر محمد یونس دانش نے کہا کہ جمعیت علماءپاکستان نے ہمیشہ حق وصداقت کا درس دیا ہے SMSاورفیس بک پر جعلی ناموں اور لوگوں کا جمعیت علماءپاکستان سے کوئی تعلق نہیں ہے عوام اہلسنت ان شرپسندوں کی سازشوںسے ہوشیار رہیں جو جماعت کو بند گلی میں دھکیلنے کی کوشش کررہے ہیںاجلاس میں جمعیت علماءپاکستان سے تعلق رکھنے والے تمام احباب کو ہدایت کی گئی کہ وہ موبائل اور فیس بک پر کسی بھی قسم کی اختلافی معاملات کو خاطر میں نہ لائیں اور جماعت کے کام پر توجہ دیں ۔