کراچی (پی پی آئی) پاکستان پیپلزپارٹی کی سابق ایم پی اے سعدیہ جاوید کے گھر میں ڈکیتی کے دوران ڈاکوؤں نے گھر کا صفایا کر دیا۔ پولیس کے مطابق کراچی میں رہائشی سابق رکن اسمبلی سعدیہ جاوید کے گھر واردات ہوئی، ملزمان مبینہ طورپر لاکھوں روپے مالیت کے طلائی زیورات اور کیش لوٹ کر فرار ہوگئے۔ پی پی آئی کے مطابق چوری کے واقعے کا مقدمہ درخشاں تھانے میں درج کرایا گیا ہے۔
کراچی :انٹراسکول تائی کوانڈو چیمپئین شپ کا انعقاد
ڈاکار ریلی کا ساتواں مرحلہ اسپین کے کارلوس سینز نے جیت لیا
آسٹریلین اوپن کا آغاز میں وینس ولیمزکو اپ سیٹ شکست کا سامنا
پی ٹی آئی کا پنجاب میں یوتھ اسپورٹس فیسٹیول کرانے کا اعلان
اٹلی کے اوماروسنٹن نے اسنوبورڈ کراس فائنل میں کامیابی حاصل کرلی
ڈوپنگ: امریکی بیس بال کھلاڑی ایلکس پر ایک سال کی پابندی عائد
تازہ ترین خبریں
- April 22, 2026
اشتہار
تازہ ترین
ڈی آئی خان میں سیکیورٹی فورسز کے آپریشن، 2 دہشتگرد ہلاک
ڈیرہ اسماعیل خان (پی پی آئی)کلاچی میں سیکیورٹی فورسز نے خفیہ اطلاع پر آپریشن کرتے ہوئے پولیس اسٹیشن اور چیک پوسٹ پر حملوں میں ملوث دہشتگرد کو ہلاک کردیا۔پاک فوج کے شعبہ تعلقات عامہ کے مطابق آپریشن کے دوران شدید فائرنگ کے تبادلے میں دہشتگرد اکرام ہلاک ہوگیا، ہلاک دہشتگرد سیکیورٹی فورسز کے خلاف متعدد کارروائیوں میں ملوث تھا۔پی پی آئی کے مطابق دہشتگرد نے پولیس اسٹیشن ہتھالا اور روڑی پولیس چیک پوسٹ پر حملے کیے تھے۔آئی ایس پی آر کے مطابق سیکیورٹی فورسز نے 9 اور 10 اکتوبر کی درمیانی رات دو آپریشن کیے، دو مختلف آپریشنز میں دو دہشتگرد ہلاک ہوئے۔شمالی وزیرستان کے علاقے میرانشاہ میں دوسری کارروائی کے دوران ایک دہشتگرد مارا گیا، ہلاک دہشت گرد سے اسلحہ اور گولہ بارود برآمد کیا گیا۔آئی ایس پی آر کا کہنا ہے کہ علاقہ مکینوں نے دہشتگردوں کے خلاف آپریشن کو سراہا اور دہشتگردی کے خاتمے کیلئے مکمل تعاون کا اظہار کیا۔
ایف بی آر کا مزید 10 لاکھ افراد کو ٹیکس نیٹ میں لانے کا فیصلہ
اسلام آباد (پی پی آئی)فیڈرل بورڈ آف ریونیو (ایف بی آر) نے مزید 10 لاکھ افراد ٹیکس نیٹ میں لانے کا فیصلہ کرلیا۔ذرائع کے مطابق ایف بی آر کی جانب سے مزید 10 لاکھ افراد کو ٹیکس نیٹ میں لانے کے لیے منصوبہ بندی بھی مکمل کرلی گئی۔پی پی آئی کے مطابق ایف بی آر نے نان فائلرز کو فائلربنانے کے لیے تمام ریجنل ٹیکس دفاترز کو ٹاسک سونپ دیا گیا۔ہدف کے حصول کے لیے آر ٹی اوز کے سو افسران کو ذمہ داریاں سونپے جانے کا امکان ہے۔ منتخب کیے گئے افسران کی ذمہ داریاں دو حصوں میں تقسیم کی جائیں گی۔ ہدف کے حصول کیلئیآرٹی اوز کے 100 افسران کو ذمہ داریاں سونپے جانیکا امکان ہے۔بعض افسران کو صرف زیرالتوا کیسز نمٹا کر ٹیکس گزار بنانے کا ہدف دیا جائے گا۔ بعض افسران کو صرف نئے کیسز نمٹا کر ٹیکس نیٹ بڑھانے کی ذمہ داریاں ملنے کا امکان ہے۔
سونے کے ریٹ انٹر بینک کے ساتھ منسلک کرنے کا اعلان
کراچی (پی پی آئی)صرافہ ایسوسی ایشن نے سونے کی قیمتوں کے تعین کے حوالے سے اہم فیصلہ کرلیا۔میڈیا رپورٹ کے مطابق کراچی کے صرافہ بازار میں سونے کی قیمتوں کے حوالے سے ہنگامی اجلاس ہوا۔ پی پی آئی کے مطابق اجلاس میں سونے کی قیمتوں کے تعین کے حوالے سے اہم فیصلے کیے گئے۔ایسوسی ایشن نے اہم اعلان کرتے ہوئے کہا کہ کل سے انٹر بینک کے ساتھ منسلک کرکے ریٹ جاری کریں گے، صرافہ ایسوسی ایشن کے مطابق اسرائیل فلسطین جنگ کے باعثعالمی طور پر سونے کی قیمتوں میں اضافہ ہوا۔ ترجمان کا کہنا تھا کہ جنگ کے باعث مقامی طور پر صرافہ بازار میں سونا دستیاب نہیں تھا۔سونے کی قیمت کے حوالے سے ترجمان نے بتایا کہ مقامی صرافہ بازار میں فی تولہ سونا 1 لاکھ 95 ہزار 5 سو روپے کا ہوگیا۔ ترجمان کے مطابق مارکیٹ میں سونا گزشتہ ہفتے کم ہو کر ایک لاکھ 88 ہزار کا ہوگیا تھا۔واضح رہے کہ پاکستان میں 24 قیراط سونے کی قیمت 2 لاکھ دو ہزار روپے فی تولہ ہو گئی ہے، جبکہ 22 قیراط سونے کی قیمت 185,167 روپے فی تولہ ہے۔24 قیراط قیراط سونے کے 10 گرام کی قیمت 173،182 روپے ہے،اور 10 گرام 22 قیراط سونے کی قیمت 158،751 روپے ہے۔
تلاش کریں
خبریں
کراچی :انٹراسکول تائی کوانڈو چیمپئین شپ کا انعقاد
(January 13, 2014)
کراچی: کراچی میں تائی کوانڈو کھیل کو فروغ دینے کے لئے انٹر اسکول چیمپئن شپ کا انعقاد کیا گیا۔ ویمنز اسپورٹس کمپلیکس میں ہونے والی انٹر اسکول تائی کوانڈو چیمپئن شپ میں کراچی کے20اسکولوں کے بچوں نے شرکت کی۔ایونٹ میں تین سال سے پندرہ سال تک کے بچوں اور بچیوں کے درمیان مقابلے کرائے گئے۔چھوٹے بچے بے خوف خطر حریف کھلاڑیوں پر حملہ بھی کرتے اور خود کو محفوظ رکھنے کے لئے بچاو بھی کرتے رہے۔گرتے چوٹ بھی کھاتے لیکن مقابلہ جاری رکھتے۔بچوں کا اس موقع پر کہنا تھا کہ فٹ رہنے کے لئے تائی کوانڈو اچھا کھیل ہے۔ والدین بھی تائی کوانڈو میں اپنے بچوں کی دلچسپی سے محظوظ ہوئے۔اُن کا کہنا تھا کہ اس کھیل سے انہیں خود کا بچاو
ڈاکار ریلی کا ساتواں مرحلہ اسپین کے کارلوس سینز نے جیت لیا
(January 13, 2014)
بیونس آئرس: ارجنٹائن میں ہونے والی ڈاکار ریلی کا ساتواں مرحلہ اسپین کے کارلوس سینز نے جیت لیا۔ نینی روما کی مجموعی برتری برقرار ہے۔ ارجنٹائن کے گرد ونواح میں ہونے والی ریس کا ساتواں مرحلہ533کلو میٹر پر محیط تھا۔ایونٹ کے شرکا نے بولیویا میں ساتویں مرحلے کا اختتام کیا۔ اسپین کے کارلوس سینز نے تمام حریفوں کو پیچھے چھوڑتے ہوئے ریس اپنے نام کی۔ اسپینش ڈرائیور نے مقررہ فاصلہ چار گھنٹے43منٹ اور28 سیکنڈز میں سب سے پہلے طے کیا۔سینز کے ہم وطن نینی روما کو ستائیس گھنٹے کے ساتھ مجموعی برتری حاصل ہے۔ موٹربائیک ریس میں اسپین کے یوآن بریڈا فاتح رہے۔ مارک کوما مجموعی طور پر لیڈ کررہے ہیں۔ ریلی کا آٹھواں مرحلہ چلی میں ہوگا۔
آسٹریلین اوپن کا آغاز میں وینس ولیمزکو اپ سیٹ شکست کا سامنا
(January 13, 2014)
میلبورن: سال2014 کے پہلے گرینڈ سلم آسٹریلین اوپن ٹینس ٹورنامنٹ کا آغاز ہوگیا۔ سابق عالمی نمبر ایک امریکہ کی وینس ولیمز پہلے راونڈ میں اپ سیٹ شکست کے بعد ایونٹ سے باہر ہوگئیں۔ میلبورن میں شروع ہونے والے سال کے پہلے گرینڈ سلم میں دنیا کے بہترین کھلاڑی ایکشن میں ہیں۔ایونٹ کا آغاز پہلے بڑے اپ سیٹ کے ساتھ ہوگیا۔ امریکہ کی وینس ولیمز کو روسی کھلاڑی نے ابتدائی مرحلے میں شکست دے کر ایونٹ سے باہر کردیا۔ روس کی کیترینا ماکاروا نے ایک سیٹ کے خسارے میں جانے کے باوجود وینس ولیمز کو زیر کیا۔سات مرتبہ کی گرینڈ سلم ونر وینس کو دو چھ، چھ چار اور چھ چار کے اسکور کے ساتھ ناکامی کا سامنا کرنا پڑا۔ گزشتہ سال بھی آسٹریلین اوپن کے چوتھے راونڈ میں وینس کو روسی کھلاڑی نے مات دی تھی۔
پی ٹی آئی کا پنجاب میں یوتھ اسپورٹس فیسٹیول کرانے کا اعلان
(January 13, 2014)
لاہور: پاکستان تحریک انصاف نے پنجاب یوتھ فیسٹیول کے متوازی پیس اسپورٹس فیسٹیول کرانے کا اعلان کردیا ۔ پی ٹی آئی کی رکن پنجاب اسمبلی سعدیہ سہیل اور اسپورٹس ونگ کے صدر افتخار الٰہی نے لاہور میں پریس کانفرنس کرتے ہوئے کہا کہ اسپورٹس پیس فیسٹیول کے پہلے مرحلے میں آئندہ ماہ رن فار پیس میراتھن کرائی جائے گی۔جس کے لئے لاہور کی ضلعی حکومت نے این او سی دینے سے انکار کردیا ہے۔ جس کے بعد یہ میراتھن کینٹ میں کروانے کے لئے کور کمانڈر لاہور کو درخواست بھیجی ہوئی ہے۔انہوں نے کہا کہ پنجاب یوتھ فیسٹیول پر پنجاب حکومت کے خلاف کارروائی کے لئے الیکشن کمیشن میں جلد ریفرنس دائر کیا جائے گا۔صوبائی حکومت یوتھ فیسٹیول کے لوگو پر شیر کا نشان لگا کر سرکاری خزانہ استعمال کرتے ہوئے سیاسی مہم چلارہی ہے۔
اٹلی کے اوماروسنٹن نے اسنوبورڈ کراس فائنل میں کامیابی حاصل کرلی
(January 13, 2014)
اندورا: اٹلی کے اوماروسنٹن اسنوبورڈ کراس فائنل میں کامیابی حاصل کرتے ہوئے ورلڈ کپ اسٹینڈنگ میں پہلے نمبر پر آگئے۔ کولوراڈو میں ہونے والا ہاف پائپ ایونٹ امریکہ کے ڈیوڈ وائس کے نام رہا۔ اندورا میں ہونے والے اسنو بورڈ کراس فائنل میں اٹلی کے اوماروسنٹن نے شاندار کامیابی حاصل کرتے ہوئے کراس ورلڈ کپ اسٹینڈنگ میں ٹاپ پوزیشن حاصل کرلی۔ اومارہفتے کو تیسرے نمبر پر تھے لیکن انہوں نے اپنے حریفوں کوشکست دے کر ویک اینڈ کا اختتام نمبر ون کی حیثیت سے کیا۔ ویمنزایونٹ میں چیک ری پبلک کی ایواسمکووا پہلے نمبر پر رہیں۔ اوورآل لیڈر کینیڈا کی ڈومینک مالٹائس کودوسری پوزیشن پر اکتفا کرنا پڑا۔ ادھرامریکی ریاست کولوراڈومیں ہونے والاایف آئی ایس فری اسٹائل ورلڈ کپ اسکی ہاف پائپ ایونٹ امریکہ کے ڈیوڈ وائس کے نام رہا۔ وائس نے79پوائنٹس اسکور کر کے سوچی اولمپکس کیلئے امریکی ٹیم میں بھی جگہ بنالی۔ ویمنز ایونٹ میں امریکہ کی میڈی براﺅن پہلے نمبر پر رہیں۔ براﺅن کا اسکور 84 پوائنٹس رہا۔ جاپان کی آیانا اونوزو نے دوسری اور ایمی شی ہان نے تیسری پوزیشن حاصل کی۔
ڈوپنگ: امریکی بیس بال کھلاڑی ایلکس پر ایک سال کی پابندی عائد
(January 13, 2014)
نیویارک: نیویارک سے تعلق رکھنے والے دنیا کے مہنگے ترین معروف امریکی بیس بال کھلاڑی ایلکس روڈریگز کی ڈوپ ٹیسٹ رپورٹ مثبت آنے پر ایک سال کی پابندی عائد کردی گئی۔پابندی کے تحت وہ رواں سال 2014 کے میجر لیگ بیس بال سیزن کا کوئی میچ نہیں کھیل سکیں گے۔ ایلکس نے اپنی معطلی کے فیصلے پر نظر ثانی کی درخواست دائر کی تھی جسے انتظامیہ نے مسترد کر دیا ہے۔ ایلکس کو اس سے قبل بھی منشیات کے استعمال کی وجہ کئی میچوں میں معطلی کا سامنا رہا ہے۔