لاڑکانہ(پی پی آئی)پی ٹی سی ایل پینشنرز الائنس کی جانب سے پی ٹی سی ایل کے پینشنرز نے اپنے جائز حقوق کے حصول کے لیے لاڑکانہ پریس کلب پر مظاہرہ کیامظاہرین نے نگران وزیر اعظم انوارالحق کاکڑ اور چیف جسٹس قاضی فائز عیسیٰ سےء اپیل کی ہے کہ پی ٹی سی ایل کے چالیس ہزار پینشنرز کوجن میں پندرہ ہزار بیوائیں بھی شامل ہیں علیٰ عدلیہ کے فیصلے کی روشنی میں انصاف دیا جائے۔ پی پی آئی کے مطابق پینشنرز نے نگران وزیر اعظم انوارالحق کاکڑ اپیل کی ہے محکمہ ٹیلیگراف و ٹیلیفون کے سرکاری ملازمین جنکی سروس ٹرانیفرڈ ایمپلائز کے طور پر پی ٹی سی ایل کو دی گئی تھیں اسی ایکٹ کے تحت پی ٹی ای ٹی2009 تک حکومتی اعلانات کے مطابق پینشن ادا کرتا رہا پھر اچانک اور بلاجواز 2010 سے اب تک حکومتی نوٹیفیکشن پر عمل کرنے کی بجائے پینشن میں غیر قانونی اور من مانی کٹوتی کی جا رہی ہے اور 2010 سے بیواؤں کی پینشن 75 فیصد کی بجائے 50 فیصد اضافہ دی جا رہی ہے اس طرح بیو اؤں کی پینشن 25 فیصد غصب کی جارہی ہے علاوہ ازیں کموٹیڈ پورشن آف پینشن کی عمر کی حد 75 سال سے کم کر کے 72 سال کردی گئی ہے جسکو پی ٹی ای ٹی ادا نہیں کر رہی۔
لیجنڈری کرکٹر سچن ٹنڈولکر کو ’بھارت رتنا ‘ ایوارڈ سے نواز دیا گیا
کرکٹ کے عاشق ڈاکٹر محمد علی شاہ کی وفات کو ایک سال بیت گیا
نیوزی لینڈ کو بھارت کیخلاف ہوم سیریز سے 35ملین ڈالر کا فائدہ
ایشین اسنوکرچیمپئن شپ میں 4رکنی قومی ٹیم حصہ لے گی:عالمگیر شیخ
نیوزی لینڈ کا بھارتی نژاد اسپنر اندر بیر کو پہلا ٹیسٹ کھلانے کا فیصلہ
پیرس اوپن : اعصام الحق نئے آسٹریلوی پارٹنر کے ساتھ کورٹ میں اتریں گے
تازہ ترین خبریں
اشتہار
تازہ ترین
پیپلز پارٹی شہدا ئے سانحہ کارساز 18اکتوبر کو بطور یوم عقیدت منائے گی
کراچی(پی پی آئی)پاکستان پیپلز پارٹی نے شہدا سانحہ کارساز 18اکتوبر یوم عقیدت کے طور پر منانے کا اعلان کیا ہے۔پی پی آئی کے مطابق پیپلز پارٹی تنظیمیں شہدا سانحہ کارساز یوم عقیدت ضلح سطح پر جلسے منعقد کریں گی پاکستان پیپلز پارٹی کے سیکرٹری جنرل پیپلز پارٹی سید نیر بخاری نے کہا ہے کہ چیرمین بلاول بھٹو زرداری ملک بھر میں یوم عقیدت کی تقریبات سے ٹیلی۔ فونک خطاب کریں گے یوم عقیدت پر شہدائے کارساز کی جرات اور بہادری کو سلام پیش کیا جائے گا۔
ایم کیو ایم پاکستان جمعہ کو فلسطینی عوام سے یک جہتی کے لئے ریلی نکالے گی
کراچی(پی پی آئی) ایم کیو ایم پاکستان نے فلسطینی عوام سے یک جہتی کے لئے جمعہ کو شاہراہ فیصل پر بعد نماز جمعہ ریلی نکالنے کااعلان کیا ہے، پی پی آئی کے مطابق ایم کیو ایم نے کہا کہ حکومت کو فلسطین کے معاملے پر واضح موقف اختیار کرنا چاہیے،مسلم حکمران ذاتی تنازعات کی وجہ سے اواز اٹھانے کے قابل نہیں، فلسطین میں اس وقت ایک انسانی المیہ جنم لے چکا ہے، فلسطین کو صرف خطے کا معاملہ سمجھنا غلطی ہوگی، صرف یہ خطہ آگ کی لپیٹ میں نہیں یہ عالمی امن کے لیے خطرہ ہے۔ فلسطین کی صورتحال اقوام عالم کی کارکردگی پر سوالیہ نشان ہے،
کراچی سمیت سندھ کے 22 اضلاع میں 5نومبر کو ضمنی بلدیاتی انتخابات ہوں گے
کراچی(پی پی آئی) کراچی سمیت سندھ کے 22 اضلاع میں اتوار 5نومبر کو براہ راست (ڈائریکٹ) سیٹوں پر مختلف کیٹیگریز پر ہونیوالے ضمنی بلدیاتی انتخابات کے سلسلے میں 69کونسلز کی 80نشستوں پر355اْمیدواروں نے متعلقہ ریٹرننگ افسران کے پاس اپنے کاغذات نامزدگی جمع کروائے ہیں۔ پی پی آئی کے مطابق صوبائی الیکشن کمشنر سندھ اعجاز انور چوہان نے ضمنی انتخابات کے منصفانہ، غیر جانبدارانہ اور پر امن انعقاد کے لیے ضلعی انتظامیہ اور پولیس افسران کو سخت ہدایات جاری کردی ہیں۔
تلاش کریں
خبریں
لیجنڈری کرکٹر سچن ٹنڈولکر کو ’بھارت رتنا ‘ ایوارڈ سے نواز دیا گیا
نئی دہلی: بھارت کے سابق لیجنڈری بیٹسمین سچن ٹنڈولکر کو بھارت کا سب سے بڑا”رتنا” ایوارڈ دیدیا گیا۔ سچن ٹنڈولکر بھارت رتنا کا اعزاز حاصل کرنیوالے پہلے کھلاڑی بن گئے۔گالف کلب میں ایک خصوصی تقریب کا اہتمام کیا گیا جہاں عالمی نمبر ایک امریکی گالفر ٹائیگرووڈز بھی موجود تھے۔ تقریب میں بھارتی صدر پرناب مکھر جی نے سابق عظیم بلے باز سچن ٹنڈولکر کو ملک کے سب سے بڑے سویلین ایوارڈ “بھارت رتنا” کے اعزاز سے نوازا۔ سچن ٹنڈولکر یہ اعزاز حاصل کرنیوالے پہلے سپورٹس مین بن گئے ہیں۔ 40 سالہ سچن ٹنڈولکر نے کرکٹ کی دنیا میں عظیم کارناموں کے ساتھ یادگار عالمی ریکارڈز بھی بنا رکھے ہیں۔
کرکٹ کے عاشق ڈاکٹر محمد علی شاہ کی وفات کو ایک سال بیت گیا
کراچی: پاکستان کے مایہ نازآرتھوپیڈک سرجن اور پاکستان کرکٹ بورڈ کی گورننگ باڈی کے رکن مرحوم ڈاکٹرمحمد علی شاہ کودنیا سے گزرے ایک سال بیت گیا۔محمد علی شاہ، پیشے کے لحاظ سے ڈاکٹر تھے لیکن ان کی پہچان کھیلوں کا فروغ رہی ۔2008 میں سندھ اسمبلی کے رکن بنے، کئی سال تک صوبائی وزیرکھیل رہے، اپنے والد اصغرعلی شاہ کے نام سے کراچی میں اسٹیڈیم تعمیرکرایا۔ سری لنکن ٹیم پرحملے کے بعد کوئی غیرملکی ٹیم پاکستان آنے کو تیارنہ تھی۔ ایسے میں محمد علی شاہ نے اپنے رسک پر ورلڈ الیون کوپاکستان بلایا۔ 2010 کے کامن ویلتھ گیمزمیں شامل قومی دستے کے چیف ڈی مشن رہے، خدمات کا اعتراف سرکاری سطح پر بھی کیا گیا، پاکستان کے اعلی ترین اعزازات پرائڈ آف پرفارمنس، تمغہ امتیاز اورستارہ امتیازسے نوازا گیا۔ ہر میدان میں سرگرم محمد علی شاہ چار فروری2013 کو زندگی کی جنگ تو ہار گئے لیکن قوم کی دلوں کو جیت گئے۔
نیوزی لینڈ کو بھارت کیخلاف ہوم سیریز سے 35ملین ڈالر کا فائدہ
ویلنگٹن: بھارت کے ساتھ جاری کرکٹ سیریز سے نیوزی لینڈ کرکٹ بورڈ کو اب تک 35ملین ڈالر کا فائدہ مل گیا ۔ اطلاعات کے مطابق یہ منافع نیوزی لینڈ میں ہونے والے کسی بھی میگا ایونٹ میں سب سے زیادہ ہے ۔ نیوزی لینڈ کرکٹ بورڈ کے چیف ایگزیکٹیو ڈیوڈ وائٹ نے اس بات کی تصدیق کی ہے کہ رواں سیریز سے ہونے والا منافع 2009میں بھارتی ٹیم کے دورے سے ہونے والے منافع سے کہیں زیادہ ہے ۔
ایشین اسنوکرچیمپئن شپ میں 4رکنی قومی ٹیم حصہ لے گی:عالمگیر شیخ
کراچی: رواں برس متحدہ عرب امارات میں شیڈول ایشین اسنوکرچیمپئن شپ میں 4رکنی قومی ٹیم حصہ لے گی۔ پاکستان بلیئرڈ اینڈ اسنوکرایسوسی ایشن کے صدرعالم گیرشیخ کا خصوصی گفتگو میں کہنا تھا کہ جونیئرز اور سینئر ایشیا ئی چیمپئن شپ کے لیے بہترین انداز میں تیاری کیا جائیں گی۔ انہوں نے بتایا کہ ایشین جونیئرایونٹ بھارتی پنجاب کے شہر چندی گڑھ میں ہوگا۔ جس میں ماجد علی کی وائلڈ کارڈ انٹری کنفرم ہے۔ ہ باقی تین کھلاڑی نیشنل جونیئر مقابلوں کے بعد کوالیفائی کریں گے۔ عالم گیرشیخ نے بتایا کہ سینئر ایشین ٹورنامنٹ کی میزبانی اس بارمتحدہ عرب امارات کا شہرالعین کرے گا۔ اس میں بھی پاکستان کے چار کھلاڑیوں کو شرکت کا موقع ملے گا۔ انہوں نے مزید بتایا کہ مارچ میں قومی چیمپئن شپ کے بعد چار کھلاڑی ایشین چیمپئن شپ کے لیے منتخب کے جائیں گے۔
نیوزی لینڈ کا بھارتی نژاد اسپنر اندر بیر کو پہلا ٹیسٹ کھلانے کا فیصلہ
ویلنگٹن: نیوزی لینڈ کرکٹ بورڈ کی سلیکشن کمیٹی نے بھارت کے خلاف 6فروری سے شروع ہونے والے پہلے ٹیسٹ میچ کے لئے بھارتی نژاد اسپنر اندربیر سنگھ کو حتمی اسکواڈ میں شامل کرنے کافیصلہ کرلیا ۔ بھارتی شہر لدھیانہ سے تعلق رکھنے والے اندربیر نے اس سے قبل نیوزی لینڈ کی طرف سے پانچ ٹیسٹ میچ کھیلے ہیں جس میں انہوں نے 11وکٹیں حاصل کی ہیں۔ذرائع کے مطابق سابق کپتان ڈینئیل ویٹوری کی عدم موجودگی پر اندربیر کو پہلے ٹیسٹ کے لئے نیوزی لینڈ کی ٹیم کا حصہ بنایا جارہا ہے ۔
پیرس اوپن : اعصام الحق نئے آسٹریلوی پارٹنر کے ساتھ کورٹ میں اتریں گے
پیرس: آسٹریلیا کے جنید رمیز فرانس اے ٹی پی ٹورنامنٹ سے پاکستانی اعصام الحق کے نئے پارٹنرہوں گے ۔پاک ،آسٹریلوی جوڑی کا پہلا میچ جرمنی کے ڈسٹن براﺅن اورامریکی آسٹن کرئی جیک سے ہوگا ۔اس سے قبل آسٹریلین اوپن میں اعصام الحق بھارت کے روہن بوپنا کے پارٹنر تھے ۔ابھی اس بات کی تصدیق نہیں ہوسکی کہ اعصام بوپنا کی جوڑی صر ف اس ایونٹ میں ٹوٹی ہے یا مستقل ٹوٹ گئی ہے ۔واضح رہے کہ اعصام اور بوپنا کے درمیان پارٹنر شپ دوسا ل بعد قائم ہوئی تھی ۔