کراچی (پی پی آئی)مسلم لیگ ن سمیت دیگر سیاسی جماعتوں  نے12اکتوبر کو یوم سیا ہ منا یا۔پی پی آئی کے مطابق12اکتوبر1999کو جنرل (ر)پرویز مشرف کی جانب سے منتخب وزیراعظم میاں نواز شریف کی حکومت کا تختہ الٹ کر اقتدار پر قبضہ کرنے کے واقعہ کے خلاف مسلم لیگ (ن) اوردیگر سیاسی جماعتوں نے یوم سیاہ منایا۔ اس حوالے سے سمیت ملک بھر میں تقریبات  منعقد ہوئیں، پارٹی دفاتر پر سیاہ جھنڈے لہرائے گئے اورسیاسی کارکنوں نے بازوؤں پر سیاہ پٹیاں باندھ کر ریلیوں اور مظاہروں اور احتجاج  میں شریک ہوئے۔

کراچی (پی پی آئی)سینیٹ کی قائمہ کمیٹی برائے موسمیاتی تبدیلی نے کراچی میں ڈبلیو ڈبلیو ایف پاکستان کے ویٹ لینڈ سینٹر کا دورہ کیا، جہاں انہیں  تمر کے جنگلات کے تحفظ سے متعلق بریفنگ دی گئی۔ ڈبلیو ڈبلیو ایف اور سندھ کے محکمہ جنگلات  نے پاکستان میں تمر کے جنگلات  میں نمایاں اضافہ کیا ہے۔تمر کے جنگلات  قدرتی کاربن ڈوب کے طور پر کام کرتے ہیں اور سیلاب اور سمندری طوفان کے خلاف ساحلوں کے تحفظ میں دفاع کی پہلی لائن ہیں۔پی پی آئی کے مطابق ڈبلیو ڈبلیو ایف پاکستان کا مشن تمر کے جنگلات کے تحفظ، مقامی کمیونٹیز کو آمدنی کے متبادل ذرائع فراہمی، ماہی گیری کو تقویت، اور ایندھن کی لکڑی کے لیے مینگرووز پر انحصار کو کم کرنا ہے۔ محکمہ جنگلات سندھ کے نمائندوں میں ریاض واگن نے مینگروو پلانٹیشن اور کنزرویشن کی کوششوں پر حقائق اور اعداد و شمار اور تجزیہ پیش کیا۔۔ سینیٹر سیمی ایزدی، سینیٹر عابدہ عظیم، سینیٹر ڈاکٹر محمد ہمایوں مہمند، سینیٹر خالدہ اطیب، سینیٹر کیشو بائی، محترمہ وجیہہ ریاض  اور آصف صاحبزادہ ڈی جی موسمیاتی تبدیلی، صدر ڈبلیو ڈبلیو ایف پاکستان ندیم خالد بھی گفتگو میں شریک تھے۔ بورڈ ممبر سارہ طاہر خان اور  ڈبلیو ڈبلیو ایف پاکستان کے ڈائریکٹر جنرل حماد نقی خان نے میڈیا سے بات کرتے ہوئے، سینیٹ کی کمیٹی برائے موسمیاتی تبدیلی نے مینگرووز کے تحفظ کی کوششوں اور ایسے اقدامات کی حوصلہ افزائی  کو  سراہا۔

لاہور(پی پی آئی) اداکارہ ریما اور پروڈیوسر سخی سرور کے گھروں پر قبضہ کرنے کے الزام میں 7افراد کو گرفتار کر لیا گیا۔پی پی آئی کے مطابق گرفتار افراد میں 2خواتین بھی شامل ہیں جنہیں ڈی آئی جی آپریشنز اور ایس پی اقبال ٹا?ن کے حکم پر اقبال ٹا?ن پولیس کی طرف سے حراست میں لیا گیا ہے۔ رپورٹ کے مطابق ملزمان میں سے6 کی شناخت ارم، عبدالرحمن، مظہر، حسین، فہد اور مدثر کے ناموں سے ہوئی ہے۔ ایک خاتون کا نام سامنے نہیں آ سکا۔ گرفتار ملزمان مبینہ طور پر ڈکیتی، قتل، زمینوں پر قبضے اور ہوائی فائرنگ جیسی وارداتوں میں ملوث ہیں۔ان کے خلاف کئی پولیس تھانوں میں مقدمات درج ہیں۔ ملزمان کے قبضے سے اسلحہ بھی برآمد کیا گیا ہے۔