حیدر آباد: حیدرآباد یونین آف جرنلسٹس کی جانب سے سینئر صحافی حامد میر پر قاتلانہ حملے کے خلاف پریس کلب کے سامنے احتجاجی مظاہرہ کیا گیا۔ پی ایف یو جے کے صدر رانا محمد عظیم اور سیکریٹری جنرل امین یوسف کی اپیل پر سینئر صحافی حامد میر پر قاتلانہ حملے کے خلاف حیدرآباد یونین آف جرنلسٹس کی جانب سے پریس کلب کے سامنے احتجاجی مظاہرہ کیا، مظاہرے میں شریک صحافی بینر اور پلے کارڈز اٹھائے حامد میر پر حملے کے خلاف نعرے لگا رہے تھے، اس موقع پر حےدرآباد یونین آف جرنلسٹس کے صدر جنید خانزادہ اور پی ایف یو جے کی مرکزی سینٹرل ایگزیکٹیو کمیٹی کے رکن حمید الرحمن نے خطاب کرتے ہوئے کہا کہ پاکستان دنیا میں صحافیوں کے لئے خطرناک ترین ملک بن چکا ہے، میڈیا ہاﺅسز اور صحافیوں پر حملے کرکے صحافت کی آزادی کو سلب کرنے کی کوشش کی جارہی ہے، انھوں نے کہا کہ میڈیا ہاﺅسز اور صحافیوں پر تواتر کے ساتھ حملوں کے باوجود حکومت غیر سنجیدگی کا مظاہرہ کررہی ہے اور اب تک کسی بھی ملزم کو گرفتار کرکے قانون کے کٹہرے میں نہیں لایا گیا ہے، مقررین کا کہنا تھا کہ حامد میر پر حملہ دہشت گردوں کی بزدلانہ کارروائی ہے جس کی جتنی مذمت کی جائے کم ہے، انھوں نے کہا کہ صحافیوں پر تشدد اور انھیں قتل کئے جانے کے واقعات میں روز بروز اضافہ ہورہا ہے لیکن حکومت انھیں تحفظ فراہم کرنے کے بجائے خاموش تماشائی کا کردار ادا کررہی ہے، مظاہرین نے مطالبہ کیا کہ سینئر صحافی حامد میر پر حملہ کرنے والے ملزمان کو فوری طور پر گرفتار کیا جائے اور واقعہ کی تحقیقات کرکے رپورٹ منظر عام پر لائی جائے۔

حیدرآباد: ڈویزنل کمشنر حیدرآباد جمال مصطفی سیدنے کہا ہے کہ حیدرآباد ڈویزن میں عوام کو بنیادی سہولیات کی فراہمی ، ترقیاتی کاموں کا جال بچھانے، پینے کے صاف پانی کی فراہمی کو یقینی بنانے اور انکا معیار زندگی بہتر کرنے کیلئے حیدرآباد ڈویزن کے تمام اضلاع میں محدود وسائل کے باوجود حکومت کی جانب سے کوششیں جاری ہیں خصوصاً صحت ، تعلیم ، آمدورفت ، پارکس اور تفریح سمیت مختلف شعبوں میں ترقی کیلئے خصوصی اقدامات اٹھائے جا رہے ہیں ۔ ان خیالات کا اظہار انھوں نے حیدرآباد کے تربیتی دورے پر آئے ہوئے نیشنل مینئجمینٹ کالج لاہورکے15ویں سینیئر مینئجمینٹ کورس کے افسران کے ایک وفد سے شہباز ہال شہباز بلڈنگ حیدرآباد میں ملاقات کے دوران کیا ۔ ڈویزنل کمشنر حیدرآباد نے کہا کہ حیدرآباد ڈویزن ملک کا سب سے بڑاڈویزن ہے جو کہ دس اضلاع پر مشتمل ہے اور اتنے بڑے ڈویزن کو سہولیات فراہم کرنا آسان نہیں ہے اس کے باوجود بھی ڈویزن کے تمام اضلاع کے باشندوں کو مطلوبہ سہولیات فراہم کرنے کیلئے کوشاں ہیں ۔ انہوں نے وفد کو مزید بتایا کہ حیدرآباد ڈویزن میںکراچی کے بعد صوبے کا دوسرا بڑا صنعتی زون ہے جہاں پر 500ایکڑ سے زائد اراضی پر قائم نوری آباد صنعتی زون میں 70 مختلف صنعتیں کام کر رہی ہیں اور 250ایکڑ ایراضی پر سائیٹ ایریا حیدرآباد میں مختلف چھوٹی بڑی صنعتیں قائم ہیں جن میں موٹر سائیکل ، کپڑا ، مشروبات اور دیگر اشیاءکی مختلف صنعتیںکام کر رہی ہیں جوکہ حیدرآباد ڈویزن اور ضلع میں روزگار کے مواقع فراہم کرنے کے ساتھ ساتھ معیشت کو بھی مضبوط کررہی ہیں ۔ کمشنر حیدرآباد نے وفد کو مزید بتایا کہ حیدرآباد ڈویزن میں مختلف اضلاع مثلاً سجاول ، ٹھٹہ ، بدین اور حیدرآباد میں ونڈ کوریڈورزکے ذریعے بجلی پیدا کی جا رہی ہے اس کے علاوہ تقریباً 30 ملکی اور غیر ملکی کمپنیوں کی جانب سے ڈویزن کے دیگر اضلاع میں بھی ونڈ کوریڈور قائم کرنے کا سلسلہ جار ی ہے تاکہ حیدرآباد ڈویزن کے مختلف اضلاع میں بجلی کے بحران پر قابو پایا جا سکے ۔ اس موقع پر ڈپٹی کمشنر حیدرآباد محمد نواز سوھونے حیدرآباد ضلع کے متعلق بریفنگ میں مختلف ثقافت، کھیل ، تعلیم ، تاریخی مقامات ، صحت ، حیدرآباد کی تاریخ ، شخصیات ، حیدرآباد میں قدرتی ذخائر کی موجودگی اور سالانہ ترقیاتی منصوبوں اور دیگر متعلقہ امور پر وفدکو تفصیلات سے آگاہ کیا ۔ انھوں نے کہا کہ حیدرآباد میں ترقیاتی کاموں کا سلسلہ جاری ہے اور مستقبل کیلئے بھی میگا پروجیکٹ پر کام کیا جا رہا ہے تاکہ حیدرآباد شہر کی خوبصورتی کو بڑھایا جا سکے ۔ انھوں نے کہا کہ حیدرآباد شہر میں مختلف فلائی اوور اور دیگر ترقیاتی کام جاری ہیں جنکی تکمیل سے حیدرآباد شہر کی سابقہ رونقیں بھی بحال ہو سکیں گی اور حیدرآباد کے باشندوںکوسہولیات فراہم ہو سکیں گی ۔ انھوں نے مزید کہا کہ صوبائے سندھ کے دیگر شہروں خصوصاً کراچی کے مقابلے میں حیدرآباد ایک پر امن شہر ہے جس کیلئے اندرون و بیرون سرمایہ کار حیدرآباد میں سرمایہ کاری کرنے میں دلچسپی دکھا رہے ہیں یہی وجہ ہے

حیدرآباد: جمعیت علماءپاکستان ضلع حیدرآباد کے جنرل سیکریٹری عبدالروف الوانی،سید منیر حیدرشاہ،ارشد نورانی ،رضوان شیخ ،ارشاد نقشبندی ،محمد اختر انصاری نے اپنے مشترکہ بیان میںعوام سے اپیل کی ہے کہ وہ 23اپریل کی عظمت صحابہ ریلی میں بھرپور شرکت کریں۔ انھوں نے کہا کہ عاشقان مصطفی ﷺ کو دیوار سے لگانے کی سازشیں ہورہی ہیں قائد جمعیت ڈاکٹر صاحبزادہ ابوالخیر محمد زبیراتحاد اہلسنت کےلئے کوشاں ہیں اور بہت جلد عوام اہلسنت خوشخبری سنیں گے انہوںنے کہا کہ فتنہ پرست و نام نہاد ،عالموں کی شعبدے بازیوں کی آڑ میں علماءو مشائخ اہلسنت کو بدنام کرنے کی سازشیں بند کی جائیں وہ رابطہ مہم کے سلسلے میں خطیب وامام جامع مسجد درگاہ عالیہ سیدنا سخی عبدالوہاب شاہ جیلانی رحمةاللہ علیہ علامہ قاری محمد شریف نقشبندی ،خطیب وامام مرکزی عید گاہ رانی باغ علامہ رجب علی الازھری ، خطیب و امام جامع مسجد درگاہ عالیہ میاں صاحب عبدالقادری المعروف تولڑے والے بابا علامہ محمد طاہر طاہری،قاری عبدالرشید اعوان،مولانا رضوان نقشبندی،قاری نیاز احمد نقشبندی،قاری کمال الدین سے ملاقات کی اور انہیں عظمت صحابہ ریلی میں شرکت کی دعوت دی اور ڈاکٹر صاحبزادہ ابوالخیر محمد زبیر کا اتحاد اہلسنت کا پیغام پہنچایا،علماءکرام نے کہا کہ عاشقان مصطفی کو بیدار ہونا پڑے گاآج عوام اہلسنت کے نام ونشان کو مسخ کر کے اس پر شپ خون مارا جارہا ہے،انھوں نے مطالبہ کیا کہ یوم صدیق اکبر کو سرکاری سطح پر منایا جائے سیدنا سدیق اکبر رضی اللہ تعالیٰ عنہ کا امت پر بہت بڑا احسان ہے تمام خلفائے راشدین میں محبت والفت کے روابط قائم تھے اور تمام کی آپس میں رشتہ داریاںتھیں عاشقان مصطفی ﷺ صحابہ کرام ،اہلبیت عظام ،آئمہ مجہتدین اور اولیاءکاملین ،محدثین خلفیہ سلف سب کا احترام کرتے ہیں اور کسی گروہ کو اجازت نہیں دیں گے کہ اسلاف کی شان میں گستاخی کریں ،انھوں نے کہا کہ اسلاف سے متعلق گستاخانہ لٹریچر آج تک چھاپا جارہا ہے جو پاکستان میں فرقہ واریت کی اصل وجہ ہے اسے بندہونا چاہئے، انھوں نے مطالبہ کیا کہ ملی یکجہتی کونسل اور اسلامی نظریاتی کونسل اس سلسلے میں موثر اقدامات اٹھائیں تاکہ پاکستان میں مذہبی رواداری اور امن قائم ہو سکے۔

حیدرآباد: ڈپٹی کمشنر عمرکوٹ ندیم الرحمن میمن نے کہا ہے کہ انٹر میڈیٹ (گیارہویں اور بارہویں) جماعت کے 22 اپریل سے شروع ہونے والے امتحانات میں نقل کو روکنے کے لیے مربوط حکمت عملی بنائی جائے ۔ یہ بات ڈپٹی کمشنر عمرکوٹ ندیم الرحمن میمن نے ڈی سی سکیٹریٹ میںمنعقد کردہ ایک اعلی سطحی اجلاس سے خطاب کرتے ہوئے کہی، اجلاس میںچاروں تعلقوں کے اسسٹنیٹ کمشنر، ڈی او ایجوکیشن غلام مصفطی سومرو ، انفاررمیشن آفیسر شہزاد احمد شیخ ، گرلس اور بوائیز کالیج کے پرنسپل ، مختیار کار ، میر پورخاص بورڈ کے نمائندے، اور پولیس کے نمائندے نے اجلاس میں شرکت کی ، اجلاس سے خطاب کرتے ہوئے انھوں نے کہا کہ نقل کی روک تھام کے لیے ہم تمام لوگوں کو اپنی ذمہ داری نبھانی ہوگی ، امتحانات میں نقل کی وجہ سے ہمارے صوبے کی بھی بدنامی ہو رہی ہے اور طالب علموں کا مستقبل بھی خطرے میں پڑ گیا ہے ۔ اس سلسلے میں ہمیں موثر حکمت عملی کی ضرورت ہے ، انھوں نے ہدایت کی کہ ضلع عمرکوٹ کے تمام امتحانی سینٹروں پر موبائل فون اور کوئی بھی مواد لانے کی اجازت نہیں ہوگی ، انھوں نے کہا کہ 22 اپریل سے 08 مئی 2014 تک دفعہ 144 نافذ کر کے غیر متعلقہ شخص امتحانی مرکز میں داخلے پر پابندی عائد کی ہے اور ضلع کی تمام فوٹو اسٹیٹ مشینوں کی دوکانیں امتحانی اوقات میں کھولنے پر پابندی عائد کی ہے جبکہ خلاف ورزی کرنے والوںکے خلاف فوری جرمانہ اور قانونی کارروائی کی جائے گی ، اس موقع پر انھوں نے اجلاس میں شریک چاروں تعلقوں کے اسسٹنٹ کمشنروں کو ہدایت کی امتحانی سینٹروں پر مختلف اوقات میں دورہ کریں، انھوں نے مزید کہا کہ کوئی بھی ادارہ اور میڈیا سے منسلک لوگ ڈپٹی کمشنر کی اجازت نامے کے بغیر امتحانی سینٹر کے اندر داخلے پر پابندی ہے ۔

حیدرآباد: معاشرے میں سازشی عناصر اپنے مفاد کے خاطر عوام کے درمیان نفرتیں پیدا کرنے میں مصروف ہے ۔ان خیالات کا اظہار متحدہ قومی موومنٹ حیدر آباد زون کے جوائنٹ زونل انچارج عابدغوری نے سیکٹر آئی میں ہونے والے جنرل ورکرز اجلاس سے خطاب کرتے ہوئے کیا ۔اجلاس میںاراکینِ زونل کمیٹی ، سیکٹرو یونٹس کے ذمہ داران و کارکنان نے کثیر تعداد میں شرکت کی۔انھوں نے مذید کہاکہ حق وسچ کےلئے قائم ہونے والے اتحاد اور تحریکوں کے خلاف روزاول سے ہی سازشوں کا سلسلہ جاری ہے اور متحد ہ قومی موومنٹ موجودہ دور میں حق وسچ پرمبنی جماعت ہے جو معاشرے میں قائم ظلم و ناانصافی کا خا تمہ چا ہتی ہے ۔انھوں نے کہاکہ قائد تحریک الطاف حسین اور ایم کیوایم نے ہر سطح پر حق و سچ کا پرچار کیااور یہ ہی طرز عمل ان کا جرم ہے جس کی وجہ سے ان کے خلاف سازشوں کا سلسلہ ہر دور میں جاری ہے مگر متحدہ قومی موومنٹ کے کارکنان الطاف حسین کی تعلیمات پر عمل کرتے ہوئے سازشی عناصروں کے ناپاک عزائم خاک میں ملا دیں گے۔انہوں نے کہا کہ متحدہ قومی موومنٹ ایک نظریاتی تحریک اور انقلابی جماعت ہے اور ماضی میں بھی اس نظریاتی تحریک کوختم کرنے کےلئے ریاستی آپریشن اور اوچھے ہتھکنڈوںکے ذریعے سازشیںکی گئی مگر انہیں ناکامیوں کا سامنا ہوا۔انہوں نے کہاکہ ماضی کی طرح آج بھی قائد تحریک الطاف حسین کی تعلیمات اور نظریہ کی بدولت کوئی بھی سازش مظلوم عوام کے اتحاد کو کمزور نہیں کرسکتی اور انہیں ہر سطح پر رسوائی اور ناکامی کا سامنا ہو گا۔انہوں نے کہاکہ ماضی کی طرف دیکھیں تو ہمیں اپنی تحریک کو پروان چڑھانے کےلئے بے شمار ساتھیوں کا لہو نظر آئے گا جنہوں نے ایک عظیم مقصد کےلئے اپنی جانوں کا نذرانہ پیش کیااور ہمیں اس مقدس لہو سے اس ملک میں انقلاب برپا کرنا ہے تاکہ ہماری آنے والی نسلوں کا مستقبل روشن ہو ۔اجلاس سے دیگر ذمہ داران نے بھی خطاب کیا ۔

کراچی: سابق ناظم کراچی نعمت اللہ خان نے کہا ہے کہ اپنے دور نظامت میںپارکس بنوائے،ترقیاتی کام کروائے اور کراچی کو حقیقتا روشنیوں کا شہر بنایا۔ان خیالات کا اظہار انھوں نے فیڈرل بی ایریا میں پارک کے افتتاح اور اسکول کی تقریب تقسیم انعامات کے موقع پر خطاب کرتے ہوئے کیا۔سابق ناظم کا کہنا تھا کہ کراچی امن اور خوشحالی کا گہوارہ تھا لیکن چند دہائیوں سے اسے ٹارگٹ کلنگ اور بد امنی کا سامنا ہے۔انھوں نے اس خواہش کا اظہار کرتے ہوئے کہا کہ شہر کی رونقیں اور اامن جلدبحال ہونا چاہیے ،اپنے دور نظامت میں شہر کی ترقی کے لیے کام کیا۔ اسکول کے بچوں کو مشورہ دیتے ہوئے ان کا کہنا تھا کہ طلبہ کووطن کی خدمت کے لیے آگے آنا ہے،اپنی تمام تر توجہ تعلیم پر مرکوز رکھیں۔اس موقع پرجماعت اسلامی گلبرگ زون کے امیرسعید عامر موسیٰ اور سابق ٹاﺅن ناظم فاروق نعمت اللہ بھی موجود تھے۔