کوئٹہ (پی پی آئی)پاکستان ریلوے نے سبی ہرنائی سیکشن کا تعمیراتی کام مکمل کرنے کی تصدیق کرتے ہوئے بتایا ہے کہ سبی ہرنائی سیکشن پر دوبارہ مسافرٹرین کاآغاز جمعرات 12اکتوبر سے کیاجارہاہے، پی پی آئی کے مطابق یہ ٹرین 17سال کی مسلسل بندش کے بعد چلائی جارہی ہے۔
کرکٹ ویب سائٹ کے سالانہ ایوارڈ ز کیلئے 4پاکستانی کرکٹرز نامزد
خودکش بمبار کے روپ میں تصویر پر برطانوی فٹبالر کرس سمالنگ کی معافی
سابق فرسٹ کلاس کرکٹر طاہر شاہ کار حادثے میں شدید زخمی ہوگئے
بلائنڈ کرکٹ ٹیم کے ذیشان کو 5لاکھ کا انعامی چیک مل گیا
ٹونی ہل نے آئی سی سی امپائرز کے ایلیٹ پینل سے استعفیٰ دے دیا
دنیائے کرکٹ میں ’سیون اسٹار لیگ‘ کے نام سے نئے میلے کا آغاز
تازہ ترین خبریں
اشتہار
تازہ ترین
وزیراعظم انوار الحق کاکڑ16اکتوبرسے چین کادورہ کریں گے
اسلام آباد(پی پی آئی) نگران وزیراعظم انوار الحق کاکڑپیر16اکتوبرسے برادر ملک چین کا تین روزہ دورہ کریں گے۔ وہ چین کے صدر شی جن پنگ کی دعوت پر تیسرے بیلٹ اینڈ روڈ فورم فار انٹرنیشنل کوآپریشن (بی آر ایف) میں شرکت کریں گے۔پی پی آئی کے مطابق بطور نگران وزیراعظم اپنے پہلے دورہ چین میں وہ میزبان چینی صدر شی جن پنگ سے دوطرفہ ملاقات کریں گے اور اس سال اگست میں عہدہ سنبھالنے کے بعد سے پی 5 ممالک کے کسی بھی اعلیٰ رہنما کے ساتھ یہ ان کی پہلی ون ٹو ون ملاقات ہوگی۔ وزیراعظم 18 اکتوبر تک بیجنگ میں قیام کریں گے۔ روس کے صدر ولادیمیر پوتن سمیت 90 ممالک نے بیلٹ اینڈ روڈ انیشی ایٹو فورم میں شرکت کی تصدیق کی ہے۔
پاکستان سمیت دنیا بھر میں ڈاک کا عالمی د ن منایا گیا
کراچی(پی پی آئی)پاکستان سمیت دنیا بھر میں ڈاک کا عالمی د ن پیرکومنایا گیااس دن کے منائے جانے کا مقصد دنیا بھر میں ڈاک کے نظام کے متعلق آگاہی دینا ہے۔ اس دن کی مناسبت سے سیمینارز، کانفرنسز اور دیگر تقریبات کااہتمام کیاگیا جبکہ ملک بھر کے ڈاک خانوں میں عوام الناس کو ڈاک کے نظام اور یاد گاری ڈاک ٹکٹوں کی نمائش اور اس کے اجرا کے متعلق معلومات فراہم کی گئیں۔پی پی آئی کے مطابق کراچی پوسٹل اسٹمپ سوسائٹی نے ڈاک کے قدیم و جدید ٹکٹس کی نمائش کا اہتمام کیا اور ممبران میں نایاب ڈاک ٹکٹ بطور تحفہ تقسیم کئے۔
مسلم لیگ ن، جے یو آئی اور ایم کیو ایم کیساتھ انتخابی اتحاد کرے گی: بشیر میمن
مٹیاری)پی پی آ ئی) مسلم لیگ سندھ استقبالیہ کمیٹی کے سربراہ بشیر میمن نے کہا کہ جے یو آئی اور ایم کیو ایم کے ساتھ انتخابی اتحاد کریں گے۔مسلم لیگ سندھ استقبالیہ کمیٹی کے سربراہ بشیر میمن نے محمد زبیر، نہال ہاشمی، شاہ محمد شاہ کے ساتھ پریس کانفرنس کرتے ہوئے کہا کہ یہاں پر سارے ضلع سے عہدیداران کو بلایا تھا، سندھ کے 5 ڈویژن کے لوگوں نے بڑی تعداد میں شرکت کی ہے، مریم نواز نے بھی کارکنوں سے ٹیلیفونک بات چیت کی ہے۔محمد زبیر نے کہا کہ جس جوش وخروش سے کارکن آئے ہیں وہ قبل تحسین ہے، سندھ کے ہر شہر اور قصبے سے لوگ میاں نواز شریف کے ساتھ ہیں، میں نے اتنا جوش و جذبہ پہلے نہیں دیکھا، سندھ سے کارکن اپنے قائد کے استقبال کے لئے جائیں گے، 21 اکتوبر کو پتہ چل جائے گا کون سی جماعت سب سے زیادہ مقبول ہے، انشاء اللہ ہم سندھ میں بھی حکومت بنائیں گے۔بشیر میمن نے کہا مسلم لیگ ن، جے یو آئی اور ایم کیو ایم کے ساتھ انتخابی اتحاد کرے گی، نہال ہاشمی نے کہا کہ بشیر صاحب کا ماضی شاندار ہے وہ ایماندار شخص ہیں، سندھ میں پہلے بھی حکومت بنائی اور اب بھی بنائیں گے، نواز شریف ملک و قوم کے لئے سوچتے ہیں۔
تلاش کریں
خبریں
کرکٹ ویب سائٹ کے سالانہ ایوارڈ ز کیلئے 4پاکستانی کرکٹرز نامزد
(January 11, 2014)
دبئی: کرکٹ کی معروف ویب سائٹ کے سالانہ ایوارڈ ز کے لئے پاکستان کے چار کھلاڑی نامزد ہوگئے ۔سعید اجمل کو ٹیسٹ بولر آف دی ایئر جبکہ یونس خان اور خرم منظور کو بہترین ٹیسٹ بیٹسمین کیلئے نامزد کیا گیا ہے ۔ون ڈے کے لئے سعید اجمل کا مچل جونسن ،روی جڈیجا ،ڈیل اسٹین ،ربیع الحسن اورنووان کولا سیکرا سے مقابلہ ہوگا ۔ون ڈے بیٹسمین آف دی ائیر کے لئے کوئی پاکستانی کھلاڑی نامزد نہیں ہوا۔ون بیٹسمین کے لئے مارٹن گپٹل ،روہت شرما ،کین ولیمسن ،شیکھر دھون ،کیرون پولارڈ ،مہندر سنگھ دھونی ،ویرات کوہلی ،کمارسنگاکارا،ڈی کوک اور جیمز فالکنز کے درمیان مقابلہ ہوگا۔
خودکش بمبار کے روپ میں تصویر پر برطانوی فٹبالر کرس سمالنگ کی معافی
(January 10, 2014)
لندن: مانچسٹر یونائیٹڈ اور انگلینڈ فٹبال ٹیم کی جانب سے کھیلنے والے کرس سمالنگ فینسی ڈریس پارٹی پر خود کش بمبار کے روپ میں جانے پر معافی مانگ لی ۔کرس نے فینسی ڈریس پارٹی میں جیگر میسٹر اور ریڈبل کی بوتلیں اپنے جسم کے ساتھ باندھیں اور ظاہر کیا کہ جیسے وہ خودکش بمبار ہے ۔برطانوی اخبار دی سن نے کرس کی تصویر شائع کی ۔کرس کی انتظامی کمپنی کی طرف سے جاری کئے گئے ایک بیان میںکہا گیا ہے کہ کسی کے جذبات مجروح کرے پر کر س معافی مانگنے کے لئے تیار ہیں ۔
سابق فرسٹ کلاس کرکٹر طاہر شاہ کار حادثے میں شدید زخمی ہوگئے
(January 10, 2014)
لاہور: سابق فرسٹ کلاس کرکٹر طاہر شاہ کی حادثے میں بائیں ہاتھ کی انگلیاں ٹوٹ گئیں ۔ سابق کرکٹر اپنے بچوں کو اسکول سے لے کر گھر آرہے تھے کہ راستے میں ایک گاڑی نے انہیں ٹکر ماردی ،جس سے وہ زخمی ہوگئے ۔ڈاکٹروں نے طاہر شاہ کو چھ ہفتے تک آرام کا مشورہ دیا ہے ۔
بلائنڈ کرکٹ ٹیم کے ذیشان کو 5لاکھ کا انعامی چیک مل گیا
(January 10, 2014)
لاہور: پاکستان بلائنڈ کرکٹ کونسل کے ڈائریکٹر میڈیا طارق اعوان نے کہا ہے کہ بلائنڈ کرکٹ ٹیم کے کپتان ذیشان عباسی کو حکومت پاکستان کی طرف سے شاندار کارکردگی پر پانچ لاکھ روپے کا چیک مل گیا ۔23مارچ کو ذیشان عباسی کو انہیں ایوارڈ ملے گا ۔پاکستان بلائنڈ کرکٹ کونسل کے چیئرمین سید سلطان شاہ نے ذیشان عباسی کو مبارکباد دیتے ہوئے اس توقع کا اظہار کیا ہے کہ مستقبل میں بھی وہ اپنی پرفارمنس کا سلسلہ برقراررکھتے ہوئے مزید کامیابیاں حاصل کریں گے ۔
ٹونی ہل نے آئی سی سی امپائرز کے ایلیٹ پینل سے استعفیٰ دے دیا
(January 9, 2014)
دبئی: نیوزی لینڈ کے سابق کرکٹر اور امپائر ٹونی ہل نے آئی سی سی امپائرز کے ایلیٹ پینل سے استعفیٰ دے دیا۔ٹونی ہل ایلیٹ پینل سے مسستعفیٰ ہونے کے بعد جلد نیوزی لینڈ کرکٹ امپائر کوچ کا عہدہ سنبھالیں گے۔ آکلینڈ سے تعلق رکھنے والے 62 سالہ امپائر ٹونی ہل نے 11 سال آئی سی سی انٹرنیشنل پینل میں خدمات انجام دیں۔ انھیں 2009ءمیں ایلیٹ پینل میں ترقی دے دی گئی۔ ٹونی ہل نے 1998ءمیں انٹرنیشنل کرکٹ میں قدم رکھا اور اپنے 15 سالہ کیرئیر کے دوران 40ٹیسٹ، 96 ون ڈے اور 17 ٹی ٹوئنٹی میچز میں امپائرنگ کے فرائض انجام دیے۔ انھوں نے آئی سی سی ورلڈ کپ چیمپئنز ٹرافی اور عالمی ٹی ٹوئنٹی ٹورنامنٹ میں امپائرنگ کی۔ اپنے کیریئر کے آخری دنوں میں ٹونی ہل نے سڈنی میں ہونے والے ایشز ٹیسٹ میں تھرڈ امپائر کے طور پر ذمہ داریاں نبھائیں۔
دنیائے کرکٹ میں ’سیون اسٹار لیگ‘ کے نام سے نئے میلے کا آغاز
(January 9, 2014)
ممبئی: دنیائے کرکٹ میں ایک اور ‘سیون اسٹار’ ایونٹ کا اضافہ ہونے والا ہے، 7 ممالک کے 7 کھلاڑیوں پر مشتمل سیون پی ایل مارچ سے شروع ہونے کا امکان ہے۔ ٹیموں کو متحدہ عرب امارات کی 7 ریاستوں کے ناموں پر تشکیل دیا جائے گا، ایک بھارتی سیاستدان کی ایونٹ کو سپورٹ حاصل ہے، انہی کے نئے اسپورٹس چینل پر ٹورنامنٹ نشر ہوگا۔رواں ہفتے لانچ ہونیوالے اس ایونٹ کے برانڈ ایمبیسڈر مہندرا سنگھ دھونی ہوں گے، پاکستانی پلیئرز بھی کسی ایک ریاست کے جھنڈے تلے کھیلیں گے۔اطلاعات کے مطابق مصروف ترین عالمی کرکٹ شیڈول میں ایک نئے ایونٹ کا اضافہ ہونیوالا ہے، جس کے ساتھ بھارت کے ایک بڑے سیاستدان کا تعلق بتایا جارہا ہے۔ ان کا بی سی سی آئی پر بھی کافی اثر رسوخ ہے، انہی سیاستدان کا چینل 24/7 اسپورٹس جلد ہی لانچ ہونیوالا ہے۔ ذرائع نے بتایا کہ اسی پر نیا ٹورنامنٹ بھی نشر ہوگا، یہ یو اے ای کے کارپوریٹ اداروں کے تعاون سے منعقد ہوگا، اس کی لانچنگ رواں ہفتے ہونی ہے، برانڈ ایمبیسڈر دھونی سریش رائنا کے ہمراہ دبئی جائیں گے۔ دلچسپ بات یہ ہے کہ اس ٹورنامنٹ میں خلیج کے بڑے ادارے کے ساتھ رہتی اسپورٹس بھی شریک ہے، یہ دراصل دھونی کے دوست کی فرم اور اس میں بھارتی کپتان کا بھی حصہ ہے۔ ذرائع کا کہنا ہے کہ یہ ٹورنامنٹ مارچ کے پہلے ہفتے میں شروع ہوسکتا ہے، اس میں ان پلیئرز کو شامل کیا جائے گا جو آئی پی ایل نیلامی میں فروخت نہیں ہوپائیں گے، اس ایونٹ میں سات ممالک پاکستان، بھارت، سری لنکا، جنوبی افریقہ، انگلینڈ، آسٹریلیا اور یو اے ای شامل ہوں گے، ٹیمیں عرب امارات کی سات ریاستوں کے ناموں سے کھیلیں گی، ایک تجویز یہ بھی ہے کہ سال کے اختتام پر چیمپئنز لیگ کی طرح سیون پی ایل چیمپئنز ٹرافی بھی منعقد کی جائے مگر ابھی اس منصوبے کو حتمی شکل نہیں دی گئی۔