کراچی: سندھ انسٹیٹیوٹ آف یورولوجی اینڈ ٹرانسپلانٹیشن میں عبد الستار ایدھی کی صحت کے متعلق ایک پریس بریفنگ کا انعقاد کیا گیا۔ بریفنگ میں بتایا گیا کہ ایدھی صاحب ہفتے میں دو مرتبہ چیک اپ اور ڈایالیسس کے لئے آتے رہتے ہیں وہ ایس آئی یو ٹی یا کسی اور جگہ کے آئی سی یو میں داخل نہیں رہے۔ میڈیا سے خطاب کرتے ہوئے ممتازسماجی رہنما عبد الستار ایدھی نے بتایا کہ وہ بالکل ٹھیک ٹھاک ہیں اور اپنی معمول کی زندگی بسر کر رہے ہےں۔ انھوں نے بتایا کہ سوشل میڈیا میں ان کی صحت کے متعلق چلنے والی خبروں میں کوئی صداقت نہیں ہے۔ پریس بریفنگ میں ان کے ساتھ ان کے صاحبزادے فیصل ایدھی اور ایس آئی یو ٹی کے پروفیسر ادیب الحسن رضوی اور ڈاکٹر طاہر عزیز بھی شامل تھے۔ انھوںنے عوام سے اپیل کی کہ وہ ان بے بنیاد اور جھوٹی خبروں پر دھیان نہ دیں۔ڈاکٹر طاہر عزیز نے کہا کہ ایدھی صاحب ہسپتال میں داخل نہیں ہیں اور بالکل ٹھیک ہیں۔ اس موقع پر ڈاکٹر ادیب رضوی سے ایدھی صاحب کے گردوں کے ٹرانسپلانٹیشن کے متعلق پوچھا گیا تو انھوں نے کہا کہ ایدھی صاحب کی فیملی میں ٹشو میچنگ کا مسئلہ ہے اور انھوں نے مزید بتایا کہ اس صورت میں ایدھی صاحب بعد از مرگ گردوں کے عطیہ کے موزوں امیدوار ہیں۔پروفیسر رضوی نے بتایا کہ پوری دنیا کی طرح پاکستان میں بھی ہر سال گردوں اور جگر خراب ہونے کی وجہ سے اموات میں اضافہ ہو رہا ہے۔ غریب اور ضرورت مند انسانوں کی زندگیاں بچانے کے لئے مل کر کوشش کرنے کی ضرورت ہے تا کہ اعضاءعطیہ کرنے کے مقصد میں شامل ہو سکیں ۔ انھوں نے لوگوں سے زندگیا ں بچانے کے لئے بعد از مرگ اعضاءعطیہ کرنے کی اپیل کی۔

میرپورخاص: اہل سنت جماعت کے رہنماﺅں کی جانب سے میر پور خاص میں کالعدم تنظیم کے جھنڈے لگانے پر بے چینی کا اظہا ر کیا گیا۔ اہل سنت جماعت کے رہنماﺅں حافظ محمود احمد قادری ، حافظ محمد علی چستی ، شاکرعلی شاکر سمیت دیگر نے میرپورخاص پر یس کلب میں ایک ہنگامی پر یس کانفرنس سے خطاب کرتے ہوئے صحافیوں کو بتایا کہ گزشتہ دنوں مہاجر کالونی گراﺅنڈ میں ایک کالعدم تنظیم کی جانب سے انتظامیہ کی اجازت کے بغیر جلسہ کیا گیا اور شہر میں جگہ جگہ کالعدم تنظیم کے جھنڈے لگائے گئے تھے انہوں نے کہا کہ ہیر آباد چوک پر جلسہ کے موقع پر تنظیم نے اپنا جھنڈا لگایا ہوا ہے ،جس کی نشاندی ہم نے ایس ایس پی میرپورخاص سے ملاقات میں کی ہے، ایس ایس پی نے ہمیں یقین دہانی کرائی تھی کہ ہیر آبادچو ک سمیت دیگر جگہوں سے کالعدم تنظیم کے جھنڈے ہٹا دےے جائے گے، مگر کئی روز گزر جانے کے باوجود اب تک جھنڈے نہیں ہٹائے گئے، جس کی وجہ سے اہل سنت افراد میں بے چینی اور اشتعال پا یا جاتا ہے، انھوں نے مطالبہ کیا کہ اگر 24گھنٹے کے اند ر مذکورہ جگہوں سے اس تنظیم کے جھنڈے نہ اُتارے گئے تو ہم تمام جماعتوں کی مشاورت کے بعد اپنا آئندہ کا لائحہ عمل تیار کرےں گے جس کی تمام تر ذمہ داری انتظامیہ پر عائد ہوگئی۔

میرپورخاص: ثانوی و اعلی ثانوی تعلیمی بو ر ڈ میرپورخاص کے چیئرمین شفیق احمد خان نے اپنے عہدے سے استعفی دے دےا۔ اعلی ثانوی تعلیمی بو ر ڈ میں کئی سالوں سے اےڈ ہاک چےئرمین کے طور پر تعےنات شفےق احمد خان نے اپنے عہدے سے استعفی دے دیا، شفےق احمد خان کی جانب سے چیئرمین کے عہدے سے استعفی ذاتی مصروفےات کی بنا پر دیا ۔تاہم ذرائع کے مطابق ان کا اہڈ ہاک 10جون کو ختم ہونے والا تھا اور کئی ماہ سے ایپکا یونین اور چیئرمین شفےق احمد خان کے درمیان چلنے والی سرد جنگ بھی استعفی کی وجو ہات میں شامل ہے ،جس کی وجہ سے ےونین کے اےک گروپ کی جانب سے شفےق احمد خان پر کرپشن کے الزامات اور دوسری ےونین کی جانب سے ان کے حق میں مظاہرے کئے جارہے تھے ،تاہم ابھی تک نئے تعلیمی بو ر ڈ میر پو ر خاص کے چیئرمین کا اعلان نہیں کیا گیا ہے۔

میرپورخاص: ڈاکٹراوراستاد بہت عظیم پیشہ ہے ، اس کے برابر کوئی بھی پیشہ نہیں ہے، ڈاکٹروں اور اساتذہ کو اپنے پیشے سے سچائی کر کے اپنا مقام اونچا کرنا چاہیے ،کاپی کلچر کی لعنت کو ہمیشہ کیلئے اس وقت ختم کیا جا سکتا ہے، جب اساتذہ اسکول میں پڑھائیں ،والدین بچوں کی تعلیم پر توجہ دیں اور طلباءمحنت کریں ۔اس بات کا اظہار ڈویژنل کمشنر ساجد جمال ابڑو نے امتحانی سینٹر صبغت اللہ شاہ شہید گورنمنٹ بوائزہائی اسکول سانگھڑ اور سول ہسپتال سانگھڑ کا دورہ کرتے ہوئے کیا،اس موقع پر ڈی آئی جی پولیس امین یوسفزئی،ڈی ایچ او سانگھڑ ڈاکٹر شگفتہ ،ایس ایس پی سانگھڑ فرخ لنجار بھی انکے ہمراہ تھے،اس موقع پر صحافیوں سے بات چیت کرتے ہوئے کمشنر ساجد جمال ابڑو نے کہا کہ وزیراعلیٰ سندھ کی ہدایت پر عمل کرتے ہوئے کاپی کلچر کو کافی حد تک کنٹرول کیا گیا ہے، نقل کرانے والوں کو گرفتا رکر کے جیل بھیجا گیا ہے اور کئی طلباءپر کاپی کیس بھی کئے گئے ،انھوںنے اس موقع پر 5طلباءکو کاپی کرتے ہوئے پکڑا اور کاپی کیس کرنے کی ہدایت کی،بعدازاں سول ہسپتال سانگھڑ کا دورہ کیااور مریضوں سے مفت ادویات کی فراہمی کے بارے میں معلوما ت حاصل کیں ،انھوںنے ڈی ایچ او کو ہدایت کی کہ غیر حاضراور غفلت برتنے والے ڈاکٹروں اور عملے کے خلاف کارروائی کی جائے ۔

حیدرآباد: وزیر اعلیٰ سندھ کے معاون خصوصی برائے سیاست عبد الجبار خان نے کہا ہے کہ حکومت سندھ صوبے بھر میں تعلیم کے معیار کو بہتر بنانے کے لیے سنجیدہ ہے ۔ یہ بات انہوں نے رئیس خان محمد لوئر سیکنڈری اسکول ٹنڈو یوسف حیدرآباد میں زکواة و عشر کی جانب سے غریب ، مفلس و نادار طلباءو طالبات میں اسکول بیگز، ڈریسز و دیگر سامان کی تقسیم کی تقریب میں بحیثیت مہمان خصوصی خطاب کرتے ہوئے کہی ۔ انھوں ں نے کہا کہ ضلع حیدرآباد با الخصوص PS-49کے علاقوں میں سرکاری اسکولز کو جوبھی مسائل درپیش ہیں ان کو علاقے کے لوگوں کے ساتھ مل کر جلد حل کرنے کی کوشش کی جائے گی ۔ انھوں نے مزید کہا کہ آج بھی سرکاری اسکولوں میں پرائیویٹ اسکولو ںکے مقابلے میں تدریسی عمل بہتر ہیں اور حکومت سندھ سرکاری اسکولز میں سہولیات بھی مہیا کر رہی ہے مگر ضرورت اس بات کی ہے کہ ہم سب کو اپنے بچوں اور بچیوں کو سرکاری اسکولوں میں ہی پڑھنا چاہےے جس سے ہم سرکاری اسکولوں میں تعلیم کا معیار کو مزید بہتر بنا سکتے ہیں ۔اس موقع پر چیئر مین زکواة و عشر کمیٹی حیدرآباد شیر محمد پیر زادو نے تقریب سے خطاب کرتے ہوئے بتایا کہ ڈسٹرکٹ زکواة کمیٹی کی جانب سے ضلع حیدرآباد کے تقریباً 50مختلف اسکولوں میں 6جماعت سے10جماعت کے 2500 مستحق طلباءو طالبات میں اسکولز ڈریسز ، بیگز ، واٹر کولر ، پنکھے و دیگر سامان کی تقسیم کی گئی ہے اس کے علاوہ ضلع حیدرآباد کے مختلف ہسپتالوں جن میں سول ہسپتال حیدرآباد کو 70لاکھ ، تعلقہ قاسم آباد کو 5لاکھ کی دو اقساط ، تعلقہ ہسپتال ٹنڈو جام ہسپتال میں دو لاکھ روپے ، بھٹائی ہسپتال لطیف آباد کو دو اقساط میں 9لاکھ سے زائد رقوم سالانہ دی گئی ہے ۔ انھوں نے مزید کہا کہ ضلع حیدرآباد کے 4تعلقوں میں غریب اور مفلس90بچیوں کو جہیز کی مد میں 20ہزار روپے فی بچی کے حساب سے 18لاکھ روپے کی رقم دے چکے ہیں ۔ انھوںں نے مزید بتایا کہ ذہین و مستحق غریب طلباءو طالبات کو مورا اسکالر شپ کے تحت ضلع حیدرآباد زکواة کمیٹی کی جانب سے کالج و یونیورسٹیز کے طلباءو طالبات کو اسکالر شپ بھی دی جا رہی ہے ۔ بعد ازاں ، وزیر اعلیٰ سندھ کے معاون خصوصی برائے سیاست عبد الجبار خان نے رئیس خان محمد لوئر سیکنڈری اسکول کے 50غریب اور مفلس طلباءو طالبات میں اسکول ڈریسز ، بیگز ، دوواٹر کولر اور دو پنکھے بھی تقسیم کےے۔اس موقع پر پی ایس 49-کے پی پی پی صدر غلام رسول کلہوڑو ، پی پی پی ضلع حیدرآباد کے ڈپٹی انفارمیشن سیکریٹری سید کمال شاہ و دیگر بھی موجود تھے۔

حیدرآباد: حیدرآباد چیمبر آف کامرس اینڈ انڈسٹری کی طرف سے جا ری میں وفاقی وزیر خزانہ سے مطالبہ کیا گیا ہے کہ وہ ملک کے تمام چیمبر آف کامرس کی مرتب کردہ بجٹ تجا ویز پر مشاورت کے لئے تاجروں کا مشترکہ اجلا س بلائیں ، تاکہ تاجروں کی طرف سے حکومت کو دی گئیں بجٹ تجا ویز پر تفصیلی روشنی ڈالی جا سکیں ۔ حیدرآباد چیمبر سمیت ملک کے تمام چیمبر کی طرف سے وفاقی بجٹ 2014-15پر ارسال کی گئی بجٹ تجا ویز پر حکومت کی طرف سے سنجیدگی کا مظاہرہ نہ کرنے سے تاجر برادری میں تشویش کی لہر دو ڑ گئی ہے ، حیدرآباد چیمبرکے بیان میں مزید کہا گیا ہے کہ تاجر برادری ملک کی معیشت میں ریڑھ کی ہڈی کی حیثیت رکھتی ہے ، کاروبار ہو یا صنعتی سرگرمیوں کا فروغ یہ سب تاجر و صنعتکار براد ری کی مرہون منت ہیں۔ لہذا معاشی صنعتی ترقی کو یقینی بنانے کے لئے تاجر اور صنعتکا ر برادری کو اہمیت دینے کی ضرورت ہے اور معا شی پالیسیوں بالخصوص نئے بجٹ مرتب کرنے سے قبل تاجر و صنعتکا ر برادری کی طرف سے ارسال کردہ تجا ویز پر تبا دلہ خیال اور تاجر برادری کے اشتراک سے ایسا بجٹ مرتب کیا جائے جس سے کاروباری ماحول بہتر بنانے کے ساتھ ساتھ ٹیکس نیٹ میں اضافہ ممکن ہو سکے اور اسمگلنگ کی روک تھام کے لئے موثر اقدامات کئے جا سکتے ہیں ۔ حیدرآباد چیمبر کے اخبا ری بیان میں اید پی سی سی آئی اورکے سی سی آئی کی بجٹ تجا ویز کی حمایت کی گئی ہے اور وفاقی حکومت پر زو ر دیا گیا ہے کہ وہ وفاقی بجٹ 2014-15میں سیلز ٹیکس کی شرح کم سے کم رکھےں اور عام آدمی کے ریلیف کے لئے خاص توجہ دی جائے ۔