راچی (پی پی آئی)پاکستان میں سالانہ 589 ارب روپے کی بجلی چوری ہوتی ہے جب تک یہ چوری روکی نہیں جاتی عام صارفین کے لیے بجلی سستی نہیں ہو سکتی۔پی پی آئی کے مطابق بجلی چوروں کے خلاف کریک ڈاؤن زیر غور ہے کیونکہ پانچ تقسیم کار کمپنیوں کی 344 ارب روپے کی بلنگ میں سے 100 ارب روپے کا نقصان ہو رہا ہے۔ خیبر پختونخوا کے ضلع مردان کے بعض علاقوں میں سالانہ ایک ارب روپے کی نیزسندھ کے ضلع شکار پور میں سالانہ 60 کروڑ روپے کی بجلی چوری کی جاتی ہے۔پی پی آئی کے مطابق بجلی چوروں ے ٹرائل کے لیے خصوصی عدالتیں قائم کرنے اور صوبائی سطح پر ٹاسک فورس کے قیام پر بھی غور ہو رہا ہے۔۔
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
واٹمور بہتر کارکردگی دکھانے میں ناکام رہے : چوہدری ذکاءاشرف
بوم بوم شاہد آفریدی نے عمران طاہر کو آوٹ کرکے بدلہ لے لیا
مصباح رواں سال ہزار رنز بنانے والے پہلے پاکستانی کرکٹربن گئے
پیرس ماسٹرز : رافیل نڈال اور روجر فیڈرر سیمی فائنل میں آمنے سامنے
تلہار: رائس ملز ما لکان کی جانب سے دھان کی سر کاری قیمت مسترد
تازہ ترین خبریں
- April 23, 2026
- April 22, 2026
اشتہار
تازہ ترین
سوات اور گردونواح میں شدید زلزلہ، لوگ کلمہ پڑھتے ہوئے گھروں سے باہر آگئے
سوات (پی پی آئی)سوات اور گرد و نواح میں زلزلے کے شدید جھٹکے محسوس کیے گئے ہیں، لوگ کلمہ طیبہ کا ورد کرتے ہوئے گھروں سے باہر آ گئے۔زلزلہ پیما مرکز کے مطابق زلزلے کی شدت 4.7 ریکارڈ کی گئی، زلزلے کی زیر زمین گہرائی 192 کلو میٹر تھی جبکہ زلزلے کا مرکز کوہ ہندو کش کا پہاڑی سلسلہ تھا۔پی پی آئی کے مطابق زلزلے کے دوران سوات اور گرد و نواح کے لوگ کلمہ طیبہ کا ورد کرتے ہوئے گھروں سے باہر آ گئے، زلزلے کے بعد سے تاحال کسی قسم کے نقصان کی اطلاع نہیں ملی۔
چہلم امام حسینؑ پر ایک لاکھ سے زائد پاکستانی زائرین کی کربلا معلیٰ آمد
بغداد (پی پی آئی) چہلم امام حسین علیہ السلام پر ایک لاکھ سے زائد پاکستانی زائرین کربلا پہنچ چکے ہیں اور ان کی آمد کا سلسلہ جاری ہے۔عراق میں پاکستان کے سفیر احمد امجد علی کے مطابق پاکستانی زائرین کی سہولت کے لیے پاکستانی سفارت خانے کی جانب سے کربلا میں کیمپ لگایا گیا ہے، 3 روزہ کیمپ پر ڈاکٹرز اور طبی عملہ موجود ہے، جبکہ سبیل امام حسین علیہ السلام بھی لگائی گئی ہے۔ احمد امجد علی کا یہ بھی کہنا ہے کہ سفارتی دشواریاں دور کرنے کے لیے پاکستانی سفارتی عملہ کربلا کیمپ آفس پر موجود ہے۔
خدیجہ شاہ سمیت 97 افراد کی رہائی کی درخواستوں پر فیصلہ محفوظ
لاہور(پی پی آئی) لاہور ہائیکورٹ نے 9 مئی واقعات میں گرفتار خدیجہ شاہ، عالیہ حمزہ سمیت 97 افراد کی رہائی کی درخواستوں پر فیصلہ محفوظ کر لیا۔لاہور ہائیکورٹ کی جسٹس مس عالیہ نیلم اور جسٹس اسجد جاوید نے خدیجہ شاہ و دیگر کی ضمانتوں کی درخواستوں پر سماعت کی،پی پی آئی کے مطابق اسپشل پراسیکیوٹر فرہاد شاہ نے ملزمان کی درخواست ضمانتوں کی مخالفت کی۔سپیشل پراسیکیوٹر فرہاد شاہ نے کہا کہ مقدمہ میں نئی دفعات لگا دی گئی ہیں، زیادہ تر ملزمان ریمانڈ پر ہیں۔وکیل ملزمان نے مؤقف اختیار کیا کہ ہم 9 مئی کے واقعات کی مذمت کرتے ہیں، جس پر جسٹس مس عالیہ نیلم نے ریمارکس دیئے کہ آپ اگر پہلے مذمت کردیتے تو اب تک جان چھوٹ جاتی، وکیل ملزمان نے جواب دیا کہ یہ تو جناح ہاؤس کا قبضہ چھڑوانے گئے تھے جس پر جسٹس مس عالیہ نیلم نے کہا آپ اعتراف جرم کررہے ہیں۔ملزمان کے وکیل نے کہا کہ باہر اندھیرا ہی اندھیرا ہے، عدالت نے ریمارکس دیئے کہ ہر اندھیرے کے بعد روشنی ہوتی ہے۔عدالت عالیہ نے استفسار کیا کہ کیا مقدمہ کی تفتیش مکمل ہوئی، جس پر اسپیشل پراسیکیوٹر نے جواب دیا کہ مقدمہ کی تفتیش ابھی جاری ہے۔بعد ازاں عدالت عالیہ نے خدیجہ شاہ، عالیہ حمزہ سمیت 97 افراد کی رہائی کی درخواست ضمانتوں پر فریقین کے دلائل سننے کے بعد فیصلہ محفوظ کر لیا۔
تلاش کریں
خبریں
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
(November 3, 2013)
پیرس: قومی ٹینس سٹار اعصام الحق قریشی پیرس ماسٹرز کے کوارٹر فائنل میں شکست کھاکر ایونٹ سے باہر ہوگئے ۔ اعصام الحق نے اپنے ڈچ ساتھی جولین روجر کے امریکا کے برائن برادرز کے خلاف ٹینس کورٹ میں اترے ۔پہلے سیٹ میں اعصام الحق جوڑی کو کامیابی حاصل ہوئی لیکن اولمپک گولڈ میڈلسٹ برائن برادرز نے کم بیک کرتے ہوئے اگلے دو سیٹ میں کامیابی حاصل کرتے ہوئے سیمی فائنل کے لئے کوالیفائی کرلیا ۔واضح رہے کہ ایونٹ کے کوارٹر فائنل میں شکست کے باوجود اعصام الحق نے مسلسل تیسرے سال اے ٹی پی فائنل ماسٹرز ٹینس چیمپئن شپ میں کوالیفائی کرنے کا اعزاز حاصل کیا ہے ۔قانون کے مطابق ہر سال ٹینس سیزن کے اختتام پر رینکنگ میں سنگل کھیلنے والے ٹاپ 8کھلاڑی اور جبکہ ڈبلز میں ٹاپ8ٹیمیں اے ٹی پی کے سب سے بڑے ایونٹ میں کھیلنے کے لئے کوالیفائی کرتی ہیں ۔
واٹمور بہتر کارکردگی دکھانے میں ناکام رہے : چوہدری ذکاءاشرف
(November 3, 2013)
کراچی: پاکستان کرکٹ بورڈ کے معطل چیئرمین ذکاءاشرف نے کہا ہے کہ قومی ٹیم کے کوچ ڈیو واٹمور اپنی بہتر کارکردگی دکھانے میں ناکام ہوچکے ہیں ۔ ذکاءاشرف نے ان خبروں کی سختی سے تردید کی کہ واٹمور کو انہوں نے ذاتی طور پر کوچ مقر رکیا تھا ۔ ذکاءاشرف کا کہنا تھا کہ واٹمور کو انہوں نے کرکٹ کمیٹی کے سفارشات پر ٹیم کا کوچ مقر ر کیا تھا اور اس کمیٹی میں انتخاب عالم اور ظہیر خان جیسے ماہر کھلاڑی موجود تھے ۔ ذکاءاشر ف نے یہ بھی کہا کہ واٹمور اپنی کارکردگی دکھانے میںمکمل طور پر ناکام رہے ہیں ۔پی سی بی کو چاہیئے کہ وہ کوچ کے ساتھ بیٹھ کر کارکردگی کے حوالے سے غور وفکر کرے ۔ واضح رہے کہ ذکاءاشرف کو رواں سال مئی میں اسلام آباد ہائیکورٹ نے پی سی بی کی چیئرمین شپ سے معطل کردیا تھا ۔اور پی سی بی میں دوبارہ االیکشن کرانے کاحکم دیا تھا ۔
بوم بوم شاہد آفریدی نے عمران طاہر کو آوٹ کرکے بدلہ لے لیا
(November 2, 2013)
دبئی: دوسرے ون ڈے میں بوم بوم شاہد آفریدی نے عمران طاہر کو آوٹ کرکے بدلہ لے لیا۔ دبئی میں کھیلے جانیو الے میں دوسرے ون ڈے میں جنوبی افریقہ کے لیگ اسپنرعمران طاہرشاہد آفریدی کی گیند پرعمراکمل کے ہاتھوں اسٹمپ ہوئے۔ جبکہ شارجہ میں کھیلے گئے پہلے ون ڈے میں عمران طاہر نے شاہد آفریدی کو اپنی جادو گری کا نشانہ بنایا تھا۔ عمران طاہر کی شارٹ پچ بال پر آفریدی چھکا مارنے کی خواہش میں باونڈر کے قریب دیوڈ ملر کوکیچ دے بیٹھے تھے۔
مصباح رواں سال ہزار رنز بنانے والے پہلے پاکستانی کرکٹربن گئے
(November 2, 2013)
دبئی: پاکستان کرکٹ ٹیم کے کپتان مصباح الحق کلینڈرائیرمیں ایک ہزاررنزمکمل کرنے والے دنیا کے تیسرے جبکہ پاکستان کے پہلے کھلاڑی بن گئے۔دبئی میں کھیلے گئے دوسرے ون ڈے میں قومی ٹیم کے قائد مصباح الحق نے جیسے ہی اپنے انفرادی اسکور میں چودہ رنز کا اضافہ کیا تو وہ کلینڈائیرمیں ایک ہزار رنز مکمل کرنے والے کھلاڑیوں کی فہرست میں شامل ہوگئے۔کلینڈائیر میں ایک ہزار چورانوے رنز کے ساتھ آسٹریلوی کپتان جارج بیلی پہلے نمبرپر ہیں۔ بھارت کے ویرات کوہلی کا فہرست میں دوسرا نمبر ہے جو ایک ہزار تینتیس رنز اسکور کرچکے ہیں جبکہ ایک ہزار سترہ رنز کے ساتھ مصباح الحق دنیا کے تیسرے کھلاڑی ہیں۔ مصباح الحق کو رواں سال ایک ہزاررنز مکمل کرنے والے پہلے پاکستانی کھلاڑی کا اعزاز بھی حاصل ہے۔
پیرس ماسٹرز : رافیل نڈال اور روجر فیڈرر سیمی فائنل میں آمنے سامنے
(November 2, 2013)
پیرس: سوئس ٹینس سٹار روجر فیڈرر کا پیرس ماسٹرز کے سیمی فائنل میں عالمی نمبر ایک سپینش سٹار رافیل نڈال سے سامنا ہوگا۔فرانس کے شہر پیرس میں جاری ماسٹرز ٹورنامنٹ کے کوارٹر فائنل مقابلے میں روجر فیڈرر کا مقابلہ ارجنٹائن کے یوآن مارٹن ڈیل پوٹرو سے ہوا ۔ فیڈرر نے ڈیل پوٹرو کو تین سیٹس میں 6-3,4-6اور6-3کے سکور سے شکست دیدی ۔ سیمی فائنل میں فیڈرر کا مقابلہ رافیل نڈال سے ہوگا ۔ اس سے قبل رافیل نڈال نے سوئس کے سٹینسلس وورینکا کو کوارٹر فائنل مقابلے میں 6-1اور6-4سے ہر ا کر سیمی فائنل کے لئے کوالیفائی کیا تھا۔روجر فیڈر ر اگر پیرس ماسٹرز کا ٹائٹل جیتنے میں کامیاب ہوگئے تو یہ ان کے کیریئر کا 22واں ٹائٹل ہوگا۔
تلہار: رائس ملز ما لکان کی جانب سے دھان کی سر کاری قیمت مسترد
(November 2, 2013)
تلہار: تلہار کے رائس ملز مالکان کی جانب سے دھان کی سرکاری قیمت کومستردکر دیا گیا ۔ سندھ کی حکومت کی جانب سے مقرر کر دھا ن کی قیمت کو تلہا ر کے رائس ملز مالکان نے مسترد کرتے ہوئے اپنی مرضی کی قیمتیں مقرر کر دی ہیں ، رائس ملز مالکا ن آباد گاروں سے دھام فی من 800روپے میں خرید تے ہیں جبکہ فی من تین کلو کی کٹوتی کی جاتی ہے ، دوسری جانب آباد گاروں کی جانب سے احتجاج کیا جا رہاہے کہ مل مالکان کی ہٹ دھرمی کی وجہ سے ان کا نقصان ہو رہا ہے ، آباد گاروں کا کہنا ہے کہ اگر سندھ حکومت نے دھان کی سر کاری قیمت 1200روپے مقرر کی تو آباد گار سخت احتجاج کریں گے ۔