کراچی:سینیٹرعبد الحسیب خان نے کہا ہے کہ حکومت یونانی اور ہربل ادویات پر قانون سازی کر رہی ہے اس سلسلے میں تیارکننددگان سے ادویات کی فہرستیں طلب کر لی ہیں ، قانون بننے کے بعد میڈیکیٹڈ صابن ، شیمپو اور بے بی ملک تک رجسٹرڈ ہونگے ۔ وہ کراچی پریس کلب کے دورے کے موقع پر صحافیوں سے بات چیت کر رہے ہیں ۔ اس موقع پر کراچی پریس کلب کے سیکریٹری عامر لطیف ، سیکریٹری ہیلتھ کمیٹی حامد الرحمن ، طفیل احمد ، اخترشاہین رند سمیت گورننگ باڈی کے اراکین بھی موجود تھے ۔ قبل ازیں سینیٹر عبد الحسیب خان نے کراچی پریس کلب کی گورننگ باڈی سے ملاقات کی اس موقع پر کراچی پریس کلب کے صدر امتیاز خان فاران اور سیکریٹری عامر لطیف سمیت دیگر اراکین بھی موجود تھے۔سینیٹر عبد الحسیب خان نے صحافیوں سے گفتگو کرتے ہوئے کہا کہ اب ملک میں ایلوپیتھک کے علاوہ شعبہ طب کے دوسرے طریقہ علاج کو بھی ریگولیٹ کرنے کے لیے قانون سازی کی جا رہی ہے ۔اس سلسلے میں بل پیش کر دیا گیا ہے جو کسی بھی وقت قومی اسمبلی میں حکومت منظوری کے لیے پیش کر دے گی ۔جس کے بعد میڈیکیٹڈ صابن ، شیمپو اور بے بی ملک سمیت دیگر اشیاءرجسٹرڈ ہوں گی ۔تیاررکنندگان سے ان کی ادویات کی فہرستیں طلب کر لی گئی ہیں ۔ان کا کہنا تھا کہ یہ تاثرغلط ہے کہ پاکستان میں بھارت کے مقابلے میں پاکستان میں ادویات زیادہ مہنگی ہیں ۔ درحقیقت بھارت کے مقابلے میں پاکستان میں 75فیصد ادویات سستی اور محض 25 فیصد ادویات مہنگی ہیں ۔ اس کے باوجود کہ بھارت 98فیصد خام مال خود تیار کرتا ہے اور بھارت میں بجلی اورمزدوری بھی سستی ہے ۔ایک سوال کے جواب میں انھوں نے کہا کہ پاکستان تیس ملکوں کو ادویات برآمد کرتا ہے ، پاکستان میں 15ہزار سے زائد ادویات رجسٹرڈ ہیں ۔ پاکستان کی سالانہ ادویات کی برآمدات 800ملین ڈالر ہے جو 2018تک بڑھ کر 2ہزار ملین ڈالر تک پہنچ جائے گی ۔پاکستان ادویات بنانے کے لیے 98فیصد خام مال درآمد کرتا ہے، 15فیصد درآمدی ڈیوٹی ختم کر دی جائےں تو ادویات سستی ہو جائیں گی ۔ عبد الحسیب خان کا کہنا تھا کہ 18ویں ترمیم کے بعد صحت کا شعبہ صوبوں کے پاس آگیا ہے اور اب کچھ کام شروع ہو رہا ہے ، جعلی اور نقلی ادویات کے قانون پر اگر عملدرآمد کر لیا جائے تو ملک میں صحت کے بہت سے مسائل حل ہو جائیں گے ۔جعلی اور نقلی ادویات کا قانون سخت ہے لیکن اس پر عملدرآمد نہیں ہو رہا ہے ،عوام بھی اس پر خاموش ہیں ۔

بیجنگ:انٹرنیشنل کرکٹ کونسل نے آسٹریلیاکے برسبین نیشنل کرکٹ سینٹر اور بھارت میں چنائی کی سری رام چندرا یونیورسٹی کو مشکوک بولنگ ایکشن کے ٹیسٹ سینٹر کے الحاقی حقوق دے دیے۔آئی سی سی کے مطابق متعلقہ سیٹروں میںموجود کئی طریقوں کو پرکھنے کے بعد یہ فیصلہ کیا ہے۔ جس میں بولر اپنی پوری استعداد سے بولنگ کرنے کے لیے درکار جگہ ،یتنوں اطراف سے جائزہ لینے اور ڈیٹا حاصل کرنے کے حامل12کیمروں کی تنصیب اور مناسب علم رکھنے والی انتظامیہ بھی شامل ہے۔آئی سی سی کے جنرل منیجر کرکٹ جیف الاردیس نے اپنے بیان میں کہا ہے کہ ان سنٹروں کا اجازت نامہ دینے سے بڑے کھلاڑیوں کے ٹیسٹ کے معاملات میں سہولت ہوگی جبکہ کھلاڑیوں کے بولنگ ایکشن کی جانچ بھی ہوتی رہے گی۔ دونوں سینٹر کھلاڑیوں کے ٹٰیسٹ نتائج کے اجرا اورآئی سی سی کے مروجہ قوانین کے مطابق مشکوک ایکشن کی تصدیق کے لیے کارڈف کی میٹروپولیٹن یونیورسٹی سے منسلک ہوں گے۔

کراچی: پاکستان پیرا میڈیکل اسٹاف ایسوسی مرکزی کمیٹی کا اجلاس مرکزی صدر نیاز حسین بھٹو کی صدارت میں ہوا۔ مرکزی صدر نے اعلان کیا کہ پیرا میڈیکل ملازمین کے مطالبات کے لیے جاری کوششوں کو تیز کرکے سروس اسٹرکچر ،ہیلتھ الاﺅنس،ہارڈ ورک الاﺅنس، کیجوئلٹی الاﺅنس اور ملازمین کے بچوں کیلئے حالیہ نوکریوں میں سن کوٹہ دلوانے اور دیگر منظور شدہ مطالبات کے جلد ازجلد نوٹیفکیشن حاصل کیئے جائیں گے۔ مرکزی صدر نے پیرا میڈیکل ملازمین کو سفری دشواریوں اور بھاری اخراجات سے بچانے کے لیے اعلان کیا کہ آئندہ کسی بھی ضلع میں مرکزی کمیٹی کا اجلاس نہیں بلایا جائے گااور 29 نومبر کو شیڈول کے مطابق شکارپور میں ہونے والے مرکزی کمیٹی کا اجلاس منسوخ کیا جارہا ہے ۔مرکزی صدر نے نے فیصلہ کیا ہے کہ اب تمام اجلاس کراچی اور حیدرآباد میں ایسوسی ایشن کے دفاتر میں ہونگے اور ان اجلاسوں کے تمام انتظامات مرکز خود کرے گا۔نیاز حسین بھٹو نے کہا کہ ہر دو ماہ کے بعد ضلعی عہدیداراں دور دراز کے اضلاع سے اجلاس میں شرکت کیلئے ہزاروں روپیہ اجلاس کے باعث خرچ کرنے پڑتے ہیں اس لیئے فیصلہ کیا گیا ہے کہ اب تمام اجلاس کراچی یا حیدرآباد میں منعقد ہونگے۔مرکزی صدر نے کہا کہ عید کے بعد سانگھڑ ،میر پور خاص ٹنڈوالہ یار اور مٹیاری کے تمام بی ایچ یوزاور اڑ ایچ سیز اور ضلعی ہیڈ کواٹرز ہسپتالوں کا تفصیلی دورہ کرنے کا اعلان بھی کیا ہے ۔ ان اضلاع کے پیرامیڈیکل ملازمین سے ملاقات کرکے ان کے مسائل سے آگاہی حاصل کریں ینگے اور ان اضلاع کے عہدیداروں کی کارکردگی کا مشاہدہ کرینگے۔ اجلاس میں مرکزی عہدیداران میں کے علاوہ تمام اضلاع و ڈسٹرکٹ و ڈویژنوں اور یونٹس کے صدر اور جنرل سیکرٹیریز وسینئر ممبران تشریف فرما تھے۔مرکزی صدر نیاز حسین بھٹو نے اجلاس سے خطاب کرتے ہوئے کہا سابقہ سیکرٹیری صحت انعام اللہ دھاریجو صاحب نے کمال مہربانی کرتے ہوئے پاکستان پیرا میڈیکل اسٹاف ایسوسی ایشن کے کے پیش کردہ 20 مطالبات میں سے 17 مطالبات منظور کرتے ہوئے منٹس آف میٹنگ جاری فرمادیئے ہیںاور اب جبکہ موجودہ ہیلتھ سیکرٹیری اقبال حسین درانی صاحب نے بھی ہمارے مطالبات کی منظوری دے دی ہے۔

جنیوا، یکم اکتوبر 2014ء/پی آرنیوزوائر/ ایشیانیٹ پاکستان — بلیک فون نے آج اعلان کیا کہ اس نے بگ آن ٹیلی کام (بگ آن گروپ کا ادارہ جس کا صدر دفتر دبئی میں ہے) کے ساتھ اہم تقسیم کار معاہدہ پر دستخط کردیے ہیں اور یوں برانڈ کی توجہ مشرق وسطیٰ اور افریقہ کے خطوں تک بڑھا دی ہے۔ لوگو –  http://photos.prnewswire.com/prnh/20140115/PH46617LOGO معاہدہ – جو بلیک فون کی تاریخ میں تازہ ترین بڑا معاہدہ ہے- برانڈ کی ترقی میں ایک اہم قدم کی علامت ہے، کیونکہ بگ آن ٹیلی کام پورے مشرق وسطیٰ اور افریقہ میں ٹیلی کام آپریٹرز کے ساتھ ٹیسٹنگ اور لانچ کے مذاکرات شروع کرچکا ہے۔ ٹوبی ویئر-جونز، سی ای او ایس جی پی ٹیکنالوجیز نے کہا کہ “ہم نے مشرق وسطیٰ و افریقہ خطے میں ایسی ڈیوائسز اور سروسز کی بڑی طلب دیکھی ہے جو پرائیویسی کو باقی تمام معاملات پر ترجیح دیتے ہیں، اور یہی وہ چیز ہے جو بلیک فون فراہم کرسکتا ہے۔ مشرق وسطیٰ اور افریقہ میں بلیک فون لانے کے لیے بگ آن ٹیلی کام سے بہتر کوئی شراکت دار نہیں ہوسکتا، اور ہماری نظریں خطے کے ممالک میں اس کے باضابطہ اجراء پر مرکوز ہیں۔” بگ آن ٹیلی کام کے چیئرمین اور سی ای او رمزی عبد المجیدنے کہا کہ “ہیکنگ اسکینڈلز کے اس دور میں بلیک فون لوگوں کے پرائیویسی پر گرفت کھو بیٹھنےکے  بنیادی مسئلے سے نمٹنے کے لیے ہی نجی اور محفوظ حیثیت سے تیار کیا گیا ہے۔ ڈیوائس میں نصب خصوصیات صارف کو کنٹرول دینے کے لیے ڈیزائن کی گئی ہیں کہ وہ کس معلومات کو دوسروں سے شیئر کرنا اور کون سی معلومات کو خفیہ رکھنا چاہتا ہے، یوں وہ صارف کو ذہنی سکون فراہم کرتی ہے۔” عبد المجید نے گفتگو جاری رکھتے ہوئے کہا کہ “ہم مشرق وسطیٰ و افریقہ کے خطے کے آپریٹرز کو بہت جلد یہ یونٹ بھیجنے کا منصوبہ رکھتے ہیں کیونکہ ہم مختلف ممالک میں باضابطہ اجراء کے لیے کام کررہے ہیں۔ عالمی بلیک فون نظام کا اہم حصہ بننے پر بہت خوش ہیں اور سمجھتے ہیں کہ بلیک فونک کی دستیابی موبائل صنعت کے دھارے کو پلٹانے والا مرحلہ ہوگی – جس کا حصہ بننے پر ہمیں فخر ہے۔” اس عہد میں جب عام ڈیوائسز اور ایپس صارف کی ذاتی اور حساس معلومات کے بدلے میں خصوصیات پیش کرتی ہیں، بلیک فون – دنیا کا پہلا اسمارٹ فون جو صارف کی پرائیویسی کو بڑھانے کے لیے تیار کیا گیا ہے – صارف کی نجی حیثیت کو مقدم رکھتا ہے۔ جو افراد اپنی نجی معلومات پر گرفت رکھنا چاہتے ہیں– جیسا کہ عوامی شخصیات، معروف شخصیات، حکومتی عہدیداران، ایگزیکٹوز- بلیک فون اور اس کا بہتر سیکورٹی کا آپریٹنگ سسٹم، پرائیوٹ او ایس، جو اینڈرائيڈ ٹ م کٹ کیٹ پر بنا ہوا ہے ، انہیں بغیر مفاہمت کے حفاظت اور سیکورٹی معاملات پر گرفت دیتا ہے۔ بلیک فون کی دستیابی، خصوصیات اور تکنیکی تفصیلات کے بارے میں مزید معلومات کے لیے https://www.blackphone.chملاحظہ کیجیے یا ٹوئٹر پر @Blackphone_chکو فالو کیجیے۔ بگ آن ٹیلی کام لمیٹڈ کے بارے میں دبئی، متحدہ عرب امارات میں صدر