اسلام آباد (پی پی آئی)نامزد چیف جسٹس قاضی فائز عیسیٰ نے پہلا بڑا فیصلہ کرلیا،سپریم کورٹ، پریکٹس اینڈ پروسیجر ایکٹ سماعت کیلئے مقرر کردیا۔پی پی آئی کے مطابق سپریم کورٹ کا لارجر بنچ 18ستمبر کو کیس کی سماعت کرے گا،سپریم کورٹ کی جانب سے تمام فریقین کو نوٹسز جاری کردیئے گئے،رجسٹرار آفس کی جانب سے وفاقی حکومت، وزارت قانون،سیکرٹری قومی اسمبلی سمیت تمام فریقین کو نوٹسز جاری کئے گئے ہیں،نوٹسز میں کہا گیا ہے کہ سپریم کورٹ 18ستمبر کو سپریم کورٹ پریکٹس اینڈ پروسیجر ایکٹ کیخلاف ا?ئینی درخواستوں پر سماعت کرے گا۔واضح رہے کہ چیف جسٹس عمر عطا بندیال کی سربراہی میں 8رکنی لارجر بنچ نے حکم امتناع دیا تھا،جسٹس قاضی فائز عیسیٰ حلف اٹھانے کے بعد بنچ تشکیل دیں گے،پی پی آئی کے مطابق نامزد چیف جسٹس قاضی فائز عیسیٰ 17ستمبر کو عہدے کا حلف اٹھائیں گے،پریکٹس اینڈ پروسیجرل ایکٹ پر فل کورٹ بنانے کا بھی امکان ہے۔
پی سی بی کی طرف سے قومی ٹیم کے کوچنگ پینل کےلئے اشتہار جاری
فیفا ورلڈ کپ 2014کی ٹرافی کا سفر اختتامی مراحل میں پہنچ گیا
سوچی اولمپکس: دہشت گردی کی دھمکی پر امریکا کی روس کو تعاون کی پیشکش
مصباح الحق پاکستان کے کامیاب کپتانوں کی فہرست میں تیسرے نمبر پر آگئے
شارجہ میں تاریخی فتح کے بعد قومی شاہین وطن واپس پہنچ گئے
آسٹریلین اوپن :فیڈرر ،نڈال ،مرے اور آزرینکا کی کوارٹر فائنل میں رسائی
تازہ ترین خبریں
- April 22, 2026
- April 22, 2026
اشتہار
تازہ ترین
سندھ کے آبادگاروں کو نہری پانی کی قلت، یوریا کھاد کی بلیک مارکیٹنگ اور نقلی ادویات کا سامنا
ٹنڈو محمد خان (پی پی آئی)سندھ آبادگار اتحاد نے پالیسی ساز اداروں پر واضح کیا ہے کہ اس وقت سندھ کے آبادگاروں کو نہری پانی کی قلت،بجلی اور پٹرولیم مصنوعات کی ہوشرباقیمتوں. یوریا کھاد کی بلیک مارکیٹنگ اور نقلی ادویات سمیت متعدد مسائل کا سامنا ہے. پھر یہ بھی کہ آبادگاروں کو ان کی تیارفصلوں کی مناسب قیمت نہیں دی جا رہی ہے جس کے باعث لاگتی اخراجات بھی بمشکل پورے ہو رہے ہیں۔سندھ آبادگار اتحاد کے سالانہ کنونشن میں جوٹنڈو سائنداد میں منعقد ہوا سندھ بھر کے آبادگاروں نے بڑی تعداد میں شرکت کی. آبادگار کنونشن سے زبیر تالپور،محمد انور کمبوہ،پیر اشفاق جان سرہندی،شریف نظامانی، محب خان مری، و دیگر نے خطاب کیا اور بتایا کہ سندھ میں چاول کی فصل پر ناجائز کٹوتی اور گنے کا مناسب ریٹ نہ دے کر آبادگاروں کا معاشی استحصال کیا جار ہا ہے۔کنونشن میں سندھ آباد گار اتحاد کے لئے پیر آغا عبدالرحمن جان سر ہندی کو سندھ کا نائب صدر،پیر ثاقب جان سرہندی کو سینٹرل ایگزیکٹو کمیٹی کا ممبر، نوید تالپور کو تحصیل ٹنڈو محمد خان کا صدر،اکبر قریشی کو جنرل سیکرٹری مقرر کیا گیا
کچے کے ڈاکوؤں کی سرکوبی سے قبل پکے کے سرپرستوں کو گرفتارکیاجائے:ڈاکٹر سلیم حیدر
کراچی (پی پی آئی)مہاجر اتحاد تحریک اور مہاجر صوبہ ہماری منزل تحریک کے بانی و چیئرمین ڈاکٹر سلیم حیدر نے کہا ہے کہ کچے کے ڈاکو اس وقت تک گرفتار نہیں کئے جاسکتے جب تک ان کے سرپرست شہروں میں آباد پکے کے ڈاکوؤں کو گرفتار نہیں کیا جاتا۔ کراچی اور حیدرآباد کو مکمل طور پر ڈاکوؤں کے رحم وکرم پر چھوڑ دیا گیا ہے، وردی اور بغیر وردی کے ڈاکو سارا دن شہروں کو لوٹ رہے ہیں، تاجروں اور عام شہریوں کو ڈاکوؤں نے یرغمال بنایا ہوا ہے۔ پی پی آئی کے مطابق انہوں نے کہاکہ پیپلزپارٹی کے کئی قومی و صوبائی ارکان اسمبلی ڈاکوؤں کی سرپرستی میں ملوث ہیں جبکہ اکثر و بیشتر پیپلز پارٹی پر علیحدگی پسند، سندھو دیش کی حمایت اور کچے میں آباد ڈاکوؤں اور اغوا برائے تاوان کی سرپرستی کرنے اور ان کو اپنے مفادات کیلئے استعمال کرنے کے الزامات لگتے رہے ہیں۔ ڈاکٹر سلیم حیدر نے نگراں حکومت اور خاص طور پر مختلف اداروں سے تعلق رکھنے والے پالیسی سازوں سے دردمندانہ اپیل کی کہ وہ اس گھمبیر صورتحال سے کراچی اور حیدرآباد کے بے بس و مظلوم عوام کو نجات دلائیں۔ ڈاکٹر سلیم حیدر نے کہا کہ کراچی اور حیدرآباد میں قتل، ڈکیتی و لوٹ مار کرنے والے ڈاکو اب اس حد تک بے لگام ہوچکے ہیں کہ راہ چلتی خواتین اور بچے بھی ان سے محفوظ نہیں ہیں۔ انہوں نے کہا کہ اب تو یہ صورت حال ہے کہ گلیوں، محلوں اور گھروں میں گھس کر کھلے عام وارداتیں کی جارہی ہیں اور عوام کا کوئی پرسان حال نہیں ہے۔ ڈاکٹر سلیم حیدر نے کہا کہ مہاجر قوم پہلے ہی معاشی بدحالی کا شکار ہے اوپر سے کراچی اور حیدرآباد میں وردی اور بغیر وردی کے ڈاکوؤں نے ان کا جینا دو بھر کیا ہوا ہے۔ مہاجر اتحاد تحریک اور مہاجر صوبہ ہماری منزل تحریک کے بانی و چیئرمین نے کہا افسوس کا مقام ہے کہ کراچی، حیدرآباد کی پولیس اور انتظامیہ میں ایک بھی مقامی افسر نہیں سب دیہی علاقوں سے لاکر یہاں لگائے گئے ہیں جو دھڑلے سے جرائم پیشہ افراد اور ڈاکوؤں کی سرپرستی کر رہے ہیں، ان سے جواب طلبی اور باز پرس کرنے والا بھی کوئی نہیں ہے۔ ڈاکٹر سلیم حیدر نے کہا کہ کراچی اور حیدرآباد کے ٹیکس پر پورا ملک مستفید ہوتا ہے اگر یہاں کے تاجروں اور شہریوں کو تحفظ فراہم نہیں کیا جاتا تو پھر یہ تاجر اور شہری ٹیکس نہ دینے کا اپنا حق استعمال کرنے پر مجبور ہوجائیں گے۔
انسداد پولیو کی قومی مہم2 اکتوبر سے شروع ہو گی،تیاریاں جاری
حیدرآباد(پی پی آئی) انسداد پولیو کی قومی مہم2 اکتوبر سے 8 اکتوبر 2023 تک چلائی جائے گی تاکہ مستقبل کے معماروں کو ہمیشہ کی معذوری سے بچایا جا سکے،اس سلسلہ میں ایک اجلاس کمشنر حیدر آباد خالد حیدر شاہ کی زیر صدارت منعقد ہوا جسمیں گزشتہ پولیو مہم کی کارکردگی کا جائزہ لیا گیا۔اس موقع پر متعلقہ افسران کو ہدایت کی گئی کہ آئندہ پولیو مہم کے دوران سو فیصد نتائج حاصل کرنے کیلئے اپنا بھر پور کردار ادا کریں یہ ہدایت بھی دی گئی کہ انسداد پولیو مہم کے دوران کم کارکردگی والی یو سیز کی کارکردگی کو مزید بہتر بنایا جائے- اور پولیو کے قطرے نہ پلوانے والے والدین کو بھی آمادہ کریں تاکہ تمام بچے پولیوجیسے موذی مرض سے محفوظ رہ سکیں –
تلاش کریں
خبریں
پی سی بی کی طرف سے قومی ٹیم کے کوچنگ پینل کےلئے اشتہار جاری
لاہور: پاکستان کرکٹ بورڈ نے قومی ٹیم کے کوچنگ پینل کے لیے اشتہار دے دیا۔تازہ اشتہار میں کوچنگ کورس کی شرط ختم کر دی گئی ہے۔ پی سی بی کے اشتہار کے مطابق کوچنگ پینل میں بیٹنگ فیلڈنگ اور ہیڈ کوچ کی ضرورت ہے۔ ٹیم کے لیے بولنگ کوچ کی ضرورت نہ محسوس کرتے ہوئے بورڈ نے اسے شامل بھی نہیں کیا۔ ٹیم کے کوچز کے لیے سوائے پانچ سال کے تجربے کے کوچنگ کورس کی کوئی شرط نہیں رکھی گئی ہے۔ اشتہار میں کوچنگ کے امیدواروں کو 6فروری تک اپنی درخواستیں جمع کروانے کی ڈیڈ لائن دی گئی ہے۔ کوچ کمیٹی میں ہیڈ انتخاب عالم سمیت وسیم اکرم، سبحان احمد اور راشد لطیف شامل ہیں۔
فیفا ورلڈ کپ 2014کی ٹرافی کا سفر اختتامی مراحل میں پہنچ گیا
بولیویا: فٹبال ورلڈ کپ 2014 کی ٹرافی کا سفر اپنے اختتامی مراحل میں پہنچ گیا۔ بولیویا پہنچنے پر صدر نے فیفاٹرافی کا شاندار استقبال کیا۔ فٹبال کے عالمی کپ کے لیے ٹرافی کا سفر جاری ہے۔ ٹرافی بولیویا پہنچی تو وہاں کے صدر ایووموریلس نے گرینڈ ایونٹ کی ٹرافی کا شاندار استقبال کیا۔ اس موقع پر 1994ءکے فٹبال ورلڈ کپ کی ٹیم کے اسٹار کھلاڑیوں نے ٹرافی کی رونمائی کی تقریب میں شرکت کی۔ سونے سے بنائی گئی18 کلو وزنی ورلڈ کپ ٹرافی کا آئندہ پڑاو
سوچی اولمپکس: دہشت گردی کی دھمکی پر امریکا کی روس کو تعاون کی پیشکش
ماسکو: روسی جمہوریہ داغستان کے علیحدگی پسندوں کی جانب سے جاری ہونے والی ایک ویڈیو میں دھمکی دی گئی ہے کہ وہ سوچی شہر میں ہونے والی سرمائی کھیلوں کے دوران حملے کر سکتے ہیں۔ امریکا نے روس کو عملی تعاون کی پیشکش کی ہے۔ روس کے انسداد دہشت گردی کے حکومتی ادارے کا کہنا ہے کہ وہ ونٹر اولمپکس کو نشانہ بنانے والی ایک ویڈیو کا بغور جائزہ لے رہا ہے۔ ونٹر اولمپکس پر حملے سے متعلق یہ ویڈیو گز شتہ روز ریلیز کی گئی تھی۔ اسی گروپ نے روسی شہر وولگو گراڈ میں دو خود کش بم حملوں میں 34 افراد کو ہلاک کرنے کی ذمہ داری بھی قبول کی تھی۔ دوسری جانب روس کے سکیورٹی تجزیہ کاروں کا خیال ہے کہ انتہا پسندوں کی دھمکی کو پوٹن حکومت جس سنجیدگی سے لیا ہے، وہ درست اور صحیح فیصلہ ہے۔جہادیوں کے لیڈر ڈوکو عمروف نے کارکنوں کو ہدایت کی ہے کہ وہ سوچی ونٹر اولمپکس پر حملے کے لیے تیار رہیں، سرمائی کھیلوں پر حملے کی دھمکی شمالی قفقاذ میں واقع مسلمان آبادی پر مشتمل روس کی شورش زدہ جمہوریہ داغستان کے انتہا پسندوں نے آن لائن جاری کی تھی۔ روس میں منعقد کیے جانے والے سرمائی اولمپکس کا میزبان شہر سَوچی شورش زدہ ریاست داغستان کے مغرب میں 500 کلومیٹر کی دوری پر واقع ہے۔ اس ویڈیو کے حوالے سے ماسکو کے ایک ادارے کے سکیورٹی تجزیہ کار آندری سولڈاٹوف کا کہنا ہے کہ روسی حکومت کا سرمائی کھیلوں کے لیے دھمکی کو سنجیدگی سے لینا بہت اہم فیصلہ ہے۔ روس کے مشرق وسطیٰ کے امور کے معروف تجزیہ کار گیورگی میرسکی کا خیال ہے کہ قفقاذ کے جہادیوں نے مشرق وسطیٰ کے سرگرم جہادیوں کے ساتھ گہرے روابط استوار کر لیے ہیں اور یہ تشویش کی بات ہے۔ ادھر سرمائی کھیلوں کے حوالے سے سامنے آنے والی دھمکی اور روسی کی جانب سے سکیورٹی معاملات کو مزید تقویت بخشنے کے تناظر میں امریکی فوج کے صدر دفتر پینٹاگون کے ترجمان نے روسی حکومت کو تعاون کی پیشکش کی ہے۔ ترجمان ریئر ایڈمرل جان کِربی کا کہنا ہے کہ امریکا روس کو سرمائی کھیلوں کے دوران ہوائی اور سمندری امداد دینے پر تیار ہے۔ کربی کے مطابق امریکا کے دو جنگی جہاز کھیلوں کے دوران بحیرہ اسود میں تعینات کیے جا سکتے ہیں۔ امریکی ترجمان کے مطابق اِس حوالے سے روسی درخواست کا انتظار کیا جائے گا۔
مصباح الحق پاکستان کے کامیاب کپتانوں کی فہرست میں تیسرے نمبر پر آگئے
ماسکو: شارجہ ٹیسٹ میں فتح کے بعد مصباح الحق پاکستان کے کامیاب کپتانوں کی فہرست میں تیسرے نمبر پر آگئے۔ عمران خان پہلے اور جاوید میانداد دوسرے نمبر پر براجمان ہیں۔سری لنکا کے خلاف جیت مصباح الحق کو کامیاب ٹیسٹ کپتانوں کی لسٹ میں تیسرے نمبر پر لے آئی۔ مصباح نے 2010 سے 2014 تک 27 ٹیسٹ میں ٹیم کی قیادت کی، جس میں سے 12 جیتے 7 ہارے اور8 برابر رہے۔کامیاب کپتانوں کی لسٹ میں عمران خان اور جاوید میانداد سرفہرست ہیں، دونوں کپتانوں نے اپنے دور میں قومی ٹیم کو14,14 ٹیسٹ جتوائے۔
شارجہ میں تاریخی فتح کے بعد قومی شاہین وطن واپس پہنچ گئے
کراچی: شارجہ میں آئی لینڈرزکو دھول چٹانے کے بعد پاکستانی کرکٹ ٹیم کے کھلاڑی اور آفیشلزوطن واپس پہنچ گئے۔ کپتان مصباح الحق کا کہنا تھا کہ جیت پوری ٹیم کے جان لڑانے سے ممکن ہوئی۔ اس فتح سے کوچ ڈیو واٹموراچھی یادوں کےساتھ رخصت ہوں گے۔قومی کرکٹرز دو حصوں میں وطن پہنچے۔ ایک ٹولی میں کپتان مصباح الحق، شارجہ ٹیسٹ کے ہیرو اظہر علی ، محمد حفیظ ، احمد شہزاد ، عبدالرحمن ، محمد طلحہ ، سعید اجمل ، راحت علی اور کوچ ڈیو واٹمور کے ہمراہ لاہور پہنچے۔میڈیا سے گفتگو میں مصباح کا کہنا تھا کہ فتح ٹیم ورک کا نتیجہ ہے ، تاریخی فتح سے حوصلے بلند ہوگئے۔مصباح الحق کا کہنا تھا کہ ڈیوواٹمور نے لڑکوں پر بہت محنت کی۔ جس کی وجہ سے بھارت ، جنوبی افریقہ اور سری لنکا کو سیریز ہرائی۔۔ آخری میچ جیت کر انھیں اچھی یادوں کےساتھ رخصت کریں گے۔اظہر علی کا کہنا تھا کہ میدان میں صرف جیت کا جذبہ لے کر اترے تو اللہ نے لاج رکھ لی۔کراچی پہنچنے والی دوسری ٹولی میں وکٹ کیپر سرفرازاحمد ، اسد شفیق، خرم منظوراورمنیجرمعین خان شامل تھے۔ معین خان کا کہنا تھا کہ ہار پر اتنا افسوس نہیں ہوتا جتنا ٹیسٹ جیت کر سیریز برابر کرنا اہم تھا۔اس موقع پرسرفراز احمد نے کہا کہ سیریز بہت اہم تھی۔ کپتان نے جس طرح کہا اسی طرح کھیلا۔
آسٹریلین اوپن :فیڈرر ،نڈال ،مرے اور آزرینکا کی کوارٹر فائنل میں رسائی
میلبورن: آسٹریلین اوپن ٹینس ٹورنامنٹ میں ٹاپ کھلاڑیوں کی عمدہ کارکردگی کا سلسلہ جاری ہے۔ راجرفیڈرر،رافیل نڈال، اینڈے مرے اوروکٹوریا آزرینکا ایونٹ کے کوارٹر فائنل میں پہنچ گئے۔میلبورن میں جاری سال کے پہلے گرینڈ سلم میں عالمی نمبر ایک رافیل نڈال کی عمدہ کارکردگی کا سلسلہ جاری ہے، نڈال ٹورنامنٹ کے پری کوارٹر فائنل میں چین کے کے نیشی کوری کو اسٹریٹ سیٹ میں شکست دے کر کوارٹر فائنل میں جگہ بنائی۔برطانیہ کے اینڈے مرے نے فرانس کے اسٹیفنی روبرٹ کو سخت مقابلے کے بعد تین کے مقابلے ایک سیٹ سے شکست دے کر کوارٹر فائنل کے کوالیفائی کیا۔ سابق عالمی نمبر ایک راجر فیڈرر نے پری کوارٹرفائنل میں فرانس جو ولفریڈ سونگا کو باآسانی چھ تین، سات پانچ اور چھ چار سے ہرا آخری آٹھ کھلاڑیوں میں پائی۔کوارٹر فائنل میں فیڈرر کا مقابلہ ایونٹ فیورٹ اینڈے مرے سے ہوگا۔ ویمنز مقابلوں میں دفاعی چیمپیئن وکٹوریا آزرینکا بھی کوارٹر فائنل میں پہنچ گئی جہاں ان کا مقابلہ پولینڈ کی ایگنسکا رڈوانسکا سے ہوگا۔