سکیورٹی صورتحال کے پیش نظر اسلام آباد میں عارضی حفاظتی چیک پوسٹیں قائم

اسلام آ باد(پی پی آ ئی)ترجمان اسلام آباد پولیس نے کہا ہے کہ وفاقی دارالحکومت میں موجودہ سکیورٹی صورتحال کے پیش نظر 25 مختلف مقامات پر عارضی حفاظتی چیک پوسٹس قائم کی گئی ہیں۔بیان میں کہا گیا ہے کہ ’ریڈ زون کے داخلی راستوں کی سیف سٹی کیمروں سے ریکارڈنگ کی جائے گی۔ میٹرو سروس کے مسافروں کی ویڈیو ریکارڈنگ کی جائے گی۔شہریوں سے گزارش ہے کہ اپنی شناختی دستاویزات ساتھ رکھیں۔ گاڑیوں پر ایکسائز دفتر سے جاری شدہ نمبر پلیٹ استعمال کریں۔ غیر نمونہ نمبر پلیٹ اور غیر رجسٹرڈ شدہ گاڑیوں کے خلاف قانونی کارروائی عمل میں لائی جائے گی۔اسلام آباد پولیس کے مطابق ’غیر ملکی شہری اپنی شناختی دستاویزات ساتھ رکھیں کرایہ داروں اور ملازمین کا اندراج قریبی پولیس سٹیشن یا خدمت مراکز پر کروائیں۔ جن افراد نے غیر رجسٹرڈ مقامی یا غیر ملکی ملازم رکھے ہوئے ہیں ان کو بھی شامل تفتیش کیا جائے گا۔کسی بھی غیر معمولی سرگرمی کی اطلاع پکار 15 پر دیں۔