انتخابات میں تحریک انصاف کی شکست عمران خان کی مقبولیت میں کمی کی نشانی:اسماعیل راہو
کراچی (پی پی آ ئی)صوبا ئی وزیر جامعات سندھ اسماعیل راہو نے نے کہا ہے کہ کراچی میں بلدیاتی انتخابات میں تحریک انصاف کی شکست عمران خان کی عدم مقبولیت کا ثبوت ہے۔ ا پنے ایک بیان میں اسماعیل راہو نے کہاکہ سندھ کے باشعور لوگوں نے تیر پر ٹھپہ لگا کر بلے کو توڑ دیا،بلدیاتی انتخابات میں تحریک انصاف کی شکست عمران خان کی مقبولیت میں کمی کی نشانی ہے۔انہو ں نے کہاکہ عمران خان کی پارٹی امپائر کی انگلی کے بغیر ضلع کاونسل کی سیٹ بھی نہیں جیت سکتی،کراچی کی عوام نے پی ٹی آئی کو 2018 کے عام انتخابات میں ہی مسترد کردیا تھا مگر انہیں جعلی ووٹوں کے ذریعے زبردستی جتوایا گیاتھا۔ کراچی میں بلدیاتی انتخابات میں تحریک انصاف کو عبرت ناک شکست عمران خان کے زوال کی نشانی ہے،خان صاحب کراچی کے لوگوں میں شعور تھا اسی لیے ہی تو انہوں نے آپ کو مسترد کیا۔ اسماعیل راہو نے کہا کہ کراچی کے بلدیاتی انتخابات میں کوئی دھاندلی نہیں ہوئی،پی ٹی آئی سے کراچی کے لوگوں نے جھوٹے وعدوں کا بدلہ لیا ہے،حالات سندھ کے خراب نہیں بلکہ آپکی ذہنی حالت قابلِ علاج ہے، بلاول بھٹو اور پی پی پی کی مقبولیت سے عمران خان کی ٹانگیں کانپ رہی ہیں۔