کے کیڑے مارنے کی خصوصی مہم 6 شروع
کراچی (پی پی آئی)کراچی کے اسکولوں میں 5 سے 18 سال تک کے بچوں کو پیٹ کے کیڑے مارنے کی دوا دینے کی مہم پیر سے شروع ہوگئی ہے۔پی پی آئی کے مطابق خصوصی مہم میں 5 سے 14 سال تک کی عمر کے 43 لاکھ بچوں کو اسکولوں میں دوا فراہم کی جائے گی۔مہم کے دوران 15 سے 18 سال کی 4 لاکھ لڑکیوں کو بھی یہ خوراک فراہم کی جائے گی،پی پی آئی کے مطابق کیڑے نہ صرف پیٹ کے امراض کا سبب بنتے ہیں، بلکہ اس کی وجہ سے بچے غذا کی کمی کا بھی شکار ہوتے ہیں، اور اس سے بچوں کی صحت متاثر ہوتی ہے، وزن بھی کم ہوتا ہے۔ماہرین صحت کا کہنا ہے کہ بچوں کو پیٹ کے کیڑے مارنے کی دوا دینا انتہائی ضروری ہے۔