اسٹیل ٹاؤن سے ہتھیاروں سے بھرے 6 بورے برآمد
کراچی(پی پی آ ئی)کراچی کے علاقے اسٹیل ٹاؤن میں پولیس نے کارروائی کرتے ہوئے ہتھیاروں سے بھرے چھ بورے برآمد کرلیے ہیں۔پولیس ذرائع کے مطابق برآمد اسلحے میں 64 شاٹ گن 14پستول شامل ہیں جبکہ برآمد سامان میں میٹل ڈیٹکٹر اور وائرلیس سیٹ بھی موجود ہے۔حکام نے انکشاف کیا ہے کہ برآمد ہتھیاروں میں کئی ہتھیار 31 جنوری کو چوری ہوئے تھے، کھدائی کے دوران نکالے گئے بورے نئے جبکہ اسلحہ پرانا تھا۔کارروائی ٹول پلازہ کے قریب کچے رستے پرکی گئی ملزمان اسلحہ زیر زمین چھپارہے تھے۔پولیس حکام کا کہنا ہے کہ کارروائی کے دوران ملزمان فرار ہونے میں کامیاب ہوگئے۔