کراچی میں کتے کے کاٹنے سے بچہ جاں بحق

کرا چی(پی پی آ ئی) کراچی میں سال 2023میں کتے کے کاٹنے (ریبیز) سے پہلی ہلاکت سامنے آگئی، ملیر کا رہائشی پانچ سالہ بچہ انتقال کر گیا۔میڈیا ذرا ئع کے مطابق کراچی کے علاقے ملیر میں 5 سالہ بچے ساوند ولد صادق کو تین ماہ قبل کتنے کاٹا تھا، جسے اینٹی ریبیز ویکسین نہیں لگائی گئی تھی۔ہسپتال انتظامیہ کا کہنا ہے کہ بچے کو ربیز کی علامات ظاہر ہونے کے بعد انڈس اسپتال منتقل کیا گیا، دوران علاج بچہ اسپتال میں انتقال کرگیا۔کراچی میں روزانہ کتے کے کاٹنے کے درجنوں کیسز رپورٹ ہوتے ہیں۔ محکمہ صحت سندھ کے مطابق گزشتہ سال کراچی میں کتے کے کاٹنے کے 31 ہزار کیسز رپورٹ ہوئے تھے۔محکمہ صحت کا کہنا ہے کہ گزشتہ سال کتے کے کاٹنے سے 4 افراد جاں بحق ہوئے۔