سربراہ استحکام پاکستان پارٹی جہانگیر ترین کا ورکرز کنونشن سے خطاب

  لودھراں (پی پی آئی)استحکام پاکستان پارٹی کے سربراہ جہانگیر ترین نے لودھراں میں ورکرز کنونشن سے خطاب کرتے ہوئے کہا ہے کہ ہمارا منشور عوام دوست ہے۔ ہماری جماعت کے قیام کا مقصد ہی عوامی خدمت ہے۔ انکا کہنا تھا کہ وہ اقتدار میں آکر ایسی اصلاحات متعارف کرائیں گے جس سے ملکی معیشت مستحکم ہو اور عوام خوشحال ہوں۔ جہانگیر ترین نے کہا کہ نوجوانوں کو باعزت روزگار کی فراہمی اور غربت کا خاتمہ ہماری اولین ترجیح ہے۔ ملک کو معاشی طور پر مضبوط کرکے ہی خود انحصاری کا سفر طے کیا جاسکتا ہے۔