ملک بھر میں یومِ پاکستان بھرپور ملی جوش وجذبے سے منایاگیا

اسلام آباد(پی پی آئی)ملک بھر میں یومِ پاکستان بھرپور ملی جوش وجذبے سے منایاگیا۔، قوم نے یوم پاکستان اس عہد کی تجدید کیساتھ منایا کہ ملکی ترقی کیلئے سخت محنت کی جائیگی۔ 1940 میں منظور کی گئی تاریخی قرارداد لاہور کو اپنانے کی علامت ہے، اس دن نے جنوبی ایشیاکے مسلمانوں کیلئے علیحدہ وطن کے حصول کیلئے فریم ورک فراہم کیا۔پی پی آئی کے مطابق  ملک بھر کی مساجد میں نماز فجر کے بعد ملکی ترقی، خوشحالی اور یکجہتی  کے لیے خصوصی دعائیں کی گئیں اس کے علاوہ شہداکے درجات کی بلندی کے لیے دعائیں اور قرآن خوانی کا اہتمام کیاگیا ہے۔23 مارچ یوم پاکستان پر اہم سرکاری عمارتوں پرقومی پرچم لہرایا گیا، اس دن کی اہم خصوصیت اسلام آباد میں عظیم الشان فوجی پریڈہے۔ جس میں تینوں مسلح افواج اور دیگر سیکیورٹی فورسز کے دستوں نے مارچ کیا۔23مارچ یوم پاکستان کیموقع پر دن کے آغاز پر توپوں کی سلامی پیش کی گئی، یوم پاکستان کے موقع پر وفاقی دارالحکومت میں 31 توپوں کی سلامی دی گئی، پاک فوج کے چاق و چو بند دستے نے توپوں کی سلامی دی۔

Latest from Blog