عمرہ پر آنے والوں کو ممنوعہ اشیاہمراہ نہ لانے کی ہدایت

ریاض(پی پی آئی)سعودی وزارت حج و عمرہ نے کہا ہے کہ عمرہ پر آنے والے مسافر اپنے ہمراہ ممنوعہ اشیانہ لائیں۔ وزارت حج و عمرہ نے اپنے ایکس (ٹوئٹر) اکاؤنٹ پر جار ی بیان میں کہا ہے کہ وہ تمام عمرہ زائرین جو کسی بھی راستے سے مملکت پہنچتے ہیں وہ اپنے ہمراہ مملکت میں ممنوعہ اشیانہ لائیں۔ممنوعہ اشیا لانے والوں کو قانونی مسائل کا سامنا کرنا پڑسکتا ہے جس سے وہ مشکلات کا بھی شکار ہوسکتے ہیں۔پی پی آئی کے مطابق وزارت کا مزید کہنا تھا کہ ممنوعہ اشیامیں لیزر و آتش بازی کا سامان، جعلی کرنسی اور غیر رجسٹرڈ ادویہ وغیرہ شامل ہیں۔ عمرہ کی غرض سے بیرون ملک سے آنے والے زائرین مملکت آمد سے قبل اس حوالے سے تسلی کرلیں کہ وہ جو ادویہ لا رہے ہیں وہ مملکت میں منع تو نہیں۔وزارت کا کہنا ہے کہ کسی انجان شخص سے کوئی چیز وصول نہ کریں کیونکہ اس طرح بھی وہ مصیبت میں آسکتے ہیں۔

Latest from Blog