اسلام و کفر کے پہلے فیصلہ کن معرکہ کی یاد میں یوم بدر آج منایا جائے گا

کراچی(پی پی آئی) اسلام و کفر کے پہلے فیصلہ کن معرکہ کی یاد میں یوم بدر 17 رمضان المبارک کو منایا جائے گا اس موقع کی مناسبت سے دینی تنظیموں کے تحت  ملک بھر کی طرح کراچی تا کشمور سندھ بھر میں بھی اجتماعات منعقد کئے جائیں گے اور 17 رمضان المبارک کو یومِ بدر جوش و جذبے کے ساتھ منایا جائے گا۔ یوم بدر کی مناسبت سے جاری بیانات میں کہا گیاہے کہ ماہ رمضان کی 17 تاریخ سنہ 2 ہجری تاریخ اسلام کا وہ عظیم الشان یادگار دن ہے جب اسلام اور کفر کے درمیان پہلی فیصلہ کن جنگ لڑی گئی اور مٹھی بھر مسلمانوں کو کفار کے لشکر پر فتح عظیم حاصل ہوئی آج بھی افغانستان کے بعد فلسطین کے مجاہدین نے کئی گنا بڑے اورجدید ٹیکنالوجی سے لیس دشمن کا اللہ کی مدد  سے غرورخاک میں ملاکر معرکہ بدرکی یادتازہ کردی ہے۔