اسلام آباد(پی پی آئی)بری فوج کے سربراہ جنرل سیدعاصم منیرنے عزم ظاہرکیاہے کہ پاک فوج ملک کی معاشی ترقی کے لئے تمام ممکنہ حمایت فراہم کرتی رہے گی۔ پاکستان میں زراعت کی ترقی کے منصوبے سرسبزپاکستان کے حوالے سے ایک کانفرنس سے خطاب کرتے ہوئے انہوں نے کہاکہ پاکستان قدرتی نعمتوں سے مالامال ملک ہے جسے اللہ تعالیٰ نے ایک محنتی اورباہمت قوم سے نوازا ہے اورقومی ترقی کے عمل میں اس کی بہترین صلاحیتوں کو بروئے کارلاناچاہیے۔منصوبہ بندی وترقی کے وزیراحسن اقبال،قومی غذائی تحفظ کے وفاقی وزیرراناتنویرحسین سمیت سول و عسکری حکام نے بھی کانفرنس میں شرکت کی۔وزراء نے اجلاس کے اختتام پر زرعی ترقی کے اہم منصوبہ کوسراہا اورکہاکہ زراعت میں پاکستان کی بقاء مضمرہے۔
