پی ٹی سی ایل اورپی آئی ٹی بی میں سیف سٹی پراجیکٹ راولپنڈی کے معاہدے پر دستخط

راولپنڈی(پی پی آئی)پی ٹی سی ایل اور پنجاب انفارمیشن ٹیکنالوجی بورڈ (پی آئی ٹی بی) نے سیف سٹی پراجیکٹ راولپنڈی  کیلئے اشتراک قائم کرلیا ہے، تاکہ شہریوں کے تحفظ کو یقینی بنایا جاسکے۔ پی پی آئی کے مطابق گروپ ڈائریکٹر، انٹرپرائز سلوشنز، پی ٹی سی ایل، وقار احمد اور پی آئی ٹی بی کے چیف انفارمیشن آفیسر، سجاد غنی نے گروپ چیف بزنس سلوشنز آفیسر، پی ٹی سی ایل و یوفون 4G، ضرار ہشام خان اور پی آئی ٹی بی کے ڈائریکٹر پروکیورمنٹ، عطا الرحمان کی موجودگی میں معاہدے پر دستخط کیے۔ یہ منصوبہ پی ٹی سی ایل کے محفوظ ڈیٹا اور جدید آئی سی ٹی سروسز کی مدد سے نگرانی اور ہنگامی خدمات کے نظام کو مستحکم کرے گا، تاکہ شہریوں کو بہتر سہولیات حاصل ہوسکیں۔

Latest from Blog