کراچی میں مطلع جزوی ابر آلود، سمندری ہواؤں کے باوجود گرمی کی شدت برقرار

کراچی(پی پی آئی)کراچی میں مطلع جزوی ابر آلود اور سمندری ہوائیں چلنے کے باوجود گرمی کی شدت برقرار ہے۔ محکمہ موسمیات نے بتایا کہ بدھ کی صبح کم سے کم درجہ حرارت 31 ڈگری سینٹی گریڈ ریکارڈ ہوا، پی پی آئی کے مطابق شہر قائد کا موجودہ درجہ حرارت 33 ڈگری سینٹی گریڈ ہے، جبکہ گرمی کی شدت 39 ڈگری تک محسوس کی جا رہی ہے۔محکمہ موسمیات کے مطابق ہوا میں نمی کا تناسب 74 فیصد ہے،  بدھ  کو زیادہ سے زیادہ درجہ حرارت 36 ڈگری سینٹی گریڈ رہنے کا امکان ہے، مرطوب موسم کے باعث گرمی کی شدت زیادہ محسوس کی جائے گی۔