سوات میں جنگلات کی ’بے دریغ کٹائی سے خوبصورتی ماندپڑنے لگی

سوات(پی پی آئی) خیبر پختونخوا کے ضلع سوات میں جنگلات کی بے دریغ کٹائی کی خبریں زیر گردش ہیں۔ محکمہ جنگلات کے مطابق کسی سرکاری جنگل میں نہیں بلکہ لوگوں کے ذاتی جنگل میں درختوں کی کٹائی ہوئی۔خیبر پختونخوا کا پرفضا سیاحتی مقام سوات قدرتی حسن کی وجہ سے دنیا بھر میں مشہور ہے۔پی پی آئی کے مطابق سالانہ لاکھوں سیاح کالام، مالم جبہ اور گبین جبہ کے علاوہ دیگر مقامات میں سیر و تفریح کے لیے رخ کرتے ہیں مگر وقت کے ساتھ یہاں کی خوبصورتی ماند پڑتی جا رہی ہے جس کی بڑی وجہ درختوں کی کٹائی ہے۔جنگلات کی کٹائی کی وجہ سے نہ صرف یہاں کا قدرتی حسن متاثر ہو رہا ہے بلکہ موسمیاتی تغیر سے سیلاب اور لینڈ سلائیڈنگ کا سامنا ہے۔