عدت کیس میں بریت کے باوجودعمران کی رہائی ممکن نہیں، فیصل واوڈا

کراچی(پی پی آئی)سابق وفاقی وزیر فیصل واوڈا نے عدت کیس میں  عمران خان اور بشریٰ بی بی کے باعزت بری ہونے کے فیصلے پر ردعمل دیتے ہوئے کہا ہے کہ اس فیصلے کے بعد بھی عمران خان کی رہائی ممکن نہیں۔  سینیٹر فیصل واوڈا نے کہا کہ عدت کیس شرمناک تھا، ذاتی زندگی کو سیاست میں لائے مگر  آج کی بریت کے باوجود عمران خان کی رہائی ابھی ممکن نہیں ہوگی کیونکہ ابھی بہت مراحل ہیں،پی پی آئی کے مطابق انہوں نے کہا کہ کل کے فیصلے سے پی ٹی آئی کی مشکلات بڑھی ہیں،چاہے کوئی کتنا ہی آئین و قانون سے باہر جا کر رعایت دے دے، لاجک نہیں لاء جیتے گا، بہت سے مراحل اور کیسز باقی ہیں۔