اعلانیہ اور غیر اعلانیہ لوڈ شیڈنگ کے خلاف سندھ ہائیکورٹ میں شہریوں کی درخواست

کراچی(پی پی آئی) سندھ ہائی کورٹ نے اعلانیہ اور غیر اعلانیہ لوڈ شیڈنگ کے خلاف پٹیل پاڑہ کے مکینوں کی درخواست قابل سماعت ہونے سے متعلق دلائل طلب کر تے ہوئے سماعت چار ہفتوں کے لیے ملتوی کردی۔درخواست گزار کا موقف تھا کہ عدالت پٹیل پاڑہ کے علاقوں میں غیر اعلانیہ لوڈشیڈنگ ختم کرنے کا حکم دے۔درخواست گزار   نے کہا کہ ہم معمول کے مطابق بل ادا کرتے ییں، مکین ڈیفالٹر نہیں ہیں۔کے الیکٹرک  کے وکیل نے عدالت کو بتایا کہ کچھ علاقوں میں قانون کے مطابق لوڈشیڈنگ کی جاتی ہے، سپریم کورٹ ایسی درخواستوں کو ناقابل سماعت قرار دے چکی ہے۔درخواست گزار کا کہنا تھا کہ پٹیل پاڑہ میں 24 گھنٹوں میں صرف ساڑھے گیارہ گھنٹے بجلی آتی ہے۔جو لوگ بل دیتے ہیں ان کا کیا قصور ہے، علانیہ لوڈ شیڈنگ اپنی جگہ اب تو غیر علانیہ لوڈ شیڈنگ بھی کی جا رہی ہے۔