کراچی پریس کلب پر مظاہرہ: سعودی عرب میں پاکستانی مزدور کے لیے انصاف کا مطالبہ

کراچی(پی پی آئی) سعودی عرب میں ایک پاکستانی مزدور کے مبینہ قتل پر اکراچی پریس کلب کے باہر اس کے لواحقین نے مظاہرہ کرتے ہوئے ا نصاف کا مطالبہ کیا۔ مظاہرے میں شریک افراد ”ہمیں انصاف چاہیے کے نعرے لگا رہے تھے۔مظاہرین نے الزام عائد کیا کہ پاکستانی مزدور عبدالرؤوف کی موت کے حقائق کو چھپانے کی کوشش کی جا رہی ہے۔ انہوں نے پاکستانی حکومت اور انسانی حقوق کی تنظیموں سے اپیل کی کہ اس معاملے کی تحقیقات کروائی جائیں اور متاثرہ خاندان کو انصاف فراہم کیا جائے۔شرکاء نے مطالبہ کیا کہ متعلقہ کمپنی ک کو جوابدہ بنایا جائے تاکہ آئندہ ایسے واقعات سے بچا جا سکے۔۔