بولان میڈیکل کالج کوئٹہ کے تمام ہاسٹلز 2ہفتوں کے لیے بند

کوئٹہ(پی پی آئی) بولان میڈیکل کالج کوئٹہ کے تمام ہاسٹلز 2ہفتوں کے لیے بندکر دئیے  گئے ہیں۔ پرنسپل، بولان میڈیکل کالج کوئٹہ کے جاری کردہ ایک نوٹیفکیشن میں کہا گیا ہے، “بولان میڈیکل کالج، کوئٹہ کے ہاسٹلز میں جاری تزئین و آرائش کے کام کی روشنی میں اور حال ہی میں امن و امان کی صورت حال کے بعد جس میں دو گروہوں میں تصادم ہوا تھا۔ نتیجتاً، تمام تعلیمی سرگرمیاں اور ہاسٹل کی سہولیات دو ہفتوں کے لیے معطل رہیں گی۔ یہ فیصلہ تمام طلبااور عملے کے تحفظ اور سلامتی کے مفاد میں کیا گیا ہے۔واضح رہے کہ بولان میڈیکل کالج میں زیر تعلیم بلوچ اور پشتون طلبہ کے درمیان گزشتہ روز بولان میڈیکل کالج کوئٹہ کے احاطے میں تصادم ہوا تھا جس کے نتیجے میں متعدد طلبہ زخمی ہوگئے تھے۔