وزیر اعلیٰ سندھ سید مراد علی شاہ کا ملیر ایکسپریس وے کا اچانک دورہ

کراچی(پی پی آئی) وزیر اعلیٰ سندھ سید مراد علی شاہ کا ملیر ایکسپریس وے کا اچانک دورہ کیا، صوبائی وزرا، شرجیل میمن، مکیش چاولہ اور جام خان شورو ساتھ  تھے۔ وزیر اعلی ٰنے شاہ فیصل انٹر سیکشن سے ملیر ایکسپریس کا تفصیلی جائزہ لیااورشاہراہ فیصل پر شاہ فیصل کالونی جانے والے فلائی اوور سے ملیر ایکسپریس وے تک کے روٹ کا معائنہ کیا،  وہ پہلے بھی  شاہ فیصل انٹرسیکشن تا جناح ٹرمینل سڑک ٹھیک کرنے کی ہدایت دے چکے ہیں،وزیر اعلیٰ سندھ نے شاہ فیصل انٹر سیکشن تاجام صادق پل تک پروجیکٹ اور جام صادق پل پر ریمپ کے کا جائزہ لیا۔وزیراعلیٰ سندھ کو بتایا گیا کہ ریمپ کا مکمل ہو گیا ہے اور اب فنشنگ جاری ہے، ایک الگ پل بھی تعمیرکر رہے ہیں، اس کی تکمیل کے بعد کورنگی روڈ پر ملیر ایکسپریس کی ٹریفک کو مزید آسانی ہو جائیگی