حکومت بلوچستان کابینظیر کسان کارڈ متعارف کرانے کا فیصلہ

کوئٹہ(پی پی آئی)حکومت بلوچستان نے بینظیر کسان کارڈ متعارف کرانے کا فیصلہ کیا ہے۔ترجمان صوبائی حکومت شاہد رند کا کہنا ہے کہ وزیر اعلیٰ بلوچستان نے کسان کارڈ کی منظوری دے دی ہے،کارڈ کے تحت چھوٹے زمینداروں کو سبسڈی دی جائے گی۔کسان کارڈ صدر آصف زرداری اوروزیر اعظم کے کسان دوست وژن کا حصہ ہے،بلاول بھٹو نے سندھ اور بلوچستان کے کسانوں کیلئے کام کرنے کی ہدایت کی ہے۔کسان کارڈ کا پہلا مرحلہ بلوچستان حکومت اپنے وسائل سے شروع کررہی ہے،دوسرے مرحلے میں وفاقی حکومت سے معاونت حاصل کی جائے گی۔وزیراعلیٰ سرفراز بگٹی نے اپنے بیان میں کہا کہ یہ تاریخی اقدام بلوچستان حکومت کے کسان دوست وڑن کا حصہ ہے،صوبے کی ترقی و خوشحالی کیلئیتمام اتحادی ایک پیج پر ہیں۔