پاک ایران دو طرفہ تجارتی حجم 3ارب ڈالر کو عبور کر چکا ہے، حسن درویش وند

کوئٹہ 31دسمبر(پی پی آئی)پاک ایران دو طرفہ تجارتی حجم 3 ارب ڈالر کو عبور کر چکا ہے۔کوئٹہ میں متعین ایران کے قونصل جنرل حسن درویش وند نے کہا ہے کہ ہما ری کو شش ہے کہ دو طرفہ تعاون کے ذریعے مقرر کر دہ تجارتی اہداف کو10 ارب ڈالر تک بڑھا یا جا ئے۔انہوں نے ایوان صنعت و تجا رت کوئٹہ بلوچستان کے عہدیداران و ممبرا ن کے ساتھ الوداعی ملاقات کے موقع پرکہا کہ تجا رتی حجم میں اضا فہ قونصلیٹ اور چیمبر کے باہمی تعاون کے بغیر ممکن نہیں،پا ک ایران تجارتی تعلقات کیلئے چیمبر آف کامرس اینڈ انڈسٹری کو ئٹہ کا کردار انتہا ئی اہمیت کا حامل رہا ہے۔ان کے چیمبر آف کامرس اینڈ انڈسٹری پہنچنے پر عہدیداران نے ان کا استقبال کیا اور انہیں بلو چستان میں بہترین خدمات پر خرا ج تحسین پیش کیا اور کہا کہ تمام تر مشکلات کے با وجود بھی پا ک ایران تجا رتی حجم میں ہر گزرتے دن کے ساتھ اضا فہ ہو رہا ہے جس کی خاص وجہ ایرا ن قونصلیٹ اور چیمبر کے ما بین بھر پور تعاون ہے۔چیمبر آف کامرس کے عہدیداران نے کہا کہ ہم شکر گزار ہیں کہ حسن درویش وند کا ہرمسئلے کے حل کے لئے ہمیں تعاون حاصل رہا ہمیں امید ہے کہ اب بھی ہمیشہ کی طرح ہمیں ایرا ن کے قونصلیٹ کا تعاون حاصل رہے گا۔اس موقع پر قونصل جنرل حسن درویش وندنے چیمبر کے اراکین کے تعاون پرشکریہ ادا کیا