پاکستان کے استحکام اور ملک سے مایوسی کے خاتمے کے لئے خصوصی کردار ادا کریں: ڈاکٹر عشرت العبادخان

کراچی 15جنوری(پی پی آئی)  سابق گورنرسندھ ڈاکٹر عشرت العباد خان نے تمام ساتھیوں کو ہدایت کی ہے کہ وہ شرافت اور معتدل مزاجی کی روایت اور پاکستان کے استحکام اور ملک سے مایوسی کے خاتمے کے لئے خصوصی کردار ادا کریں۔ فوج اور ریاست کے لئے نفرت کی مہم چلانے والے مٹھی بھر افراد کو ناکام بنائیں۔ کراچی کے نوجوان بالخصوص مایوس ہیں۔ایک اعلامیہ کے مطابق ڈاکٹر عشرت العباد خان نے کہا کہ ہمیں نفرت، عصبیت اور حقداروں کا حق مارنے کی رویات کا خاتمہ کرنے کے لئے قائد اعظم کے فرمودات کو نصب العین بنانا ہے اتحاد من حیث القوم، پاکستانیت کا جزبہ، ریاست پہلے سیاست بعد میں، ملک پہلے اور ہمارا ہر عمل پاکستان کو عظیم ریاست بنانے کے لئے ہوگا۔ ہم کسی بھی کمیونٹی کے ساتھ نا انصافی نہیں ہونے دیں گے۔ کراچی میں معاشی، تعلیمی اور دیگر استحصال پر قوی نظر ہے ہم پاکستان کو نفرتوں کے سیلاب کی نذر نہیں ہونے دیں گے۔