ٹھٹھہ,ساکرو گھارو روڈ پر2الگ الگ حادثات میں 2نوجوان جاں بحق

ٹھٹھہ،14مارچ (پی پی آئی)ٹھٹھہ  ساکرو گھارو روڈ پر دو الگ الگ حادثات میں دو نوجوان جاں بحق ہوگئے، ایک حادثہ موٹر سائیکل اور سوزوکی کے درمیان پیش آیا جبکہ دوسرا واقعہ نامعلوم کار کی ٹکر سے پیش آیا۔موٹر سائیکل سوار 20 سالہ نوجوان جہانزیب رند ساکرو گھارو روڈ پر سوزوکی کو کراس کرتے ہوئے شدید زخمی ہوگیا۔ زخمی کو قریبی اسپتال منتقل کیا گیا تاہم وہ جانبر نہ ہوسکا۔ پولیس نے ضروری کارروائی کے بعد لاش ورثاء   کے حوالے کردی۔چند روز قبل مکلی علی مراد درس گوٹھ کے رہائشی اللہ واریو خاصخیلی کو نامعلوم گاڑی نے ٹکر مار دی تھی۔ زخمی کو تشویشناک حالت میں کراچی منتقل کیا گیا جہاں وہ زخموں کی تاب نہ لاتے ہوئے چل بسا۔نوجوان کی میت مکلی پہنچتے ہی علاقے میں سوگ کی فضا قائم ہوگئی اور اہل خانہ غم سے نڈھال ہوگئے۔